مي خريش: المرأة بدها تفرض حالها.. وأنا بتصرّف حزب التيار الوطني الحر إنتخابياً وبأي شي تاني.. (Audio)

– التوجّه تكون اللوائح مختلطة بين رجال ونساء بالإنتخابات النيابية.. (التفاصيل)

***

مقتطف من حديث المحامية مي خريش ضمن برنامج “عاسطوح بيروت” لقناة الـ”OTV”، وموضوعها المرأة ودورها بالقرار السياسي: (تشرين الأول 2017)

• الدستور بالمادة 7 ساوتْ بين حقوق المرأة وحقوق الرجل: بالقوانين ، بالموجبات ، بالفرائض
  والمادة 21 ن الدستور بتقول: كل مواطن صار عمرو 21 سنة، يحق له أن يكون ناخباً، وللمرأة اللبنانية الحق في الترشّح على الانتخابات النيابية والبلدة والإختيارية..
• الكوتا هيي وسيلة،  متل سيارة بتاخدني من مكان الى مكان تاني..
  اليوم ساقبت “هالسيارة” ما تأمّنت.. بقتل حالي.. وبموت!!؟؟
  لاق بفتّش على وسيلة تانية حتى أوصل للهدف
• انطلاقاً من انو مافي “كوتا” نسائية، في مرأة بدها تفرض حالا، وتفرض وجودا.

• مشاركة المرأة بالعمل السياسي، يمرّ بعدة مراحل:
  1) قبولها واهتمامها انو تكون.
  مع إحترامي لكل مرأة، بس ما فيني جيب مرأة من المطبخ، وقلها تعي اشتغلي سياسة..
  ما فينا نجبرا بالعمل السياسي.
  2) تنخرط بالعمل السياسي، وبحزب لتقدر تعمل نشاط تبيّن وتصير قادرة تكون بالشأن العام.
  والشأن العام هوي شو.. ؟ هوي خدمة الوطن والموامن.
  مش أي شخص بيقدر يكون بالشأن العام..
  الموضوع منو شكلي. الموضوع في امرأة عم تشتغل على حالها.
  بتقرا جرايد، وبتقرا سياسة..
  انا كل يوم عندي موقف..!
  مش لأنو حدا بخبرني، لأني انا بقرا وبتابع، ووين قادرة اعطي رأيي بعطيه..
  وأنا داخل حزبي موجودة، بشارك بالنشاطات، وبكون “قيمة مضافة” لمحل معيّن..
  3) تفرض حالها،
  الحق ما حدا بيعطيكي ياه، الحق بتفرضي إنتي حتى تاخدي

المرأة مقصرّة

• وينا، شو بدّن يدقولا عَ الباب يقولولا: تفضلي..!
  المرأة منا مزهرية.
  المرأة مش نص المجتمع، يمكن نصو ويمكن اكتر..
• المرأة وفق الدستور متساوية مع الرجل.
  بما انو الدستور عطاني هالتساوي، لازم المرأة تشتغل.
• مشاركة المرأة بالعمل السياسي الو عدة معوقات، معوقات إجتماعية، فكرية متوارثة.. حتى زعماء طوائفنا، بفضلو يرشحو رجل
• بيطلعو بقولو: على الرجال أن تبني الدولة.
  قولو: على الرجال والنساء أن تبني الدولة..
  المرأة قادرة تبني الدولة، وقادرة تكون بالقرار السياسي، وفخامة الرئيس شدّد على هيدا الموضوع، ومش انو تكون مزهرية على طاولة مجلس الوزراء، أو كون بالبرلمان:
  – يا ميّت خيي
  – يا بيّي
  – يا جوزي.. ووصلت على المجلس
  وعلامة تطوّر المجتمع هوي من نسبة مشاركة المرأة بالشأن العام…

تسأل خريش: كحزبية ناشطة، شو بتطلبي من حزبك؟ 

• الحزب وضّح هيدا الموضوع،
  ورئيس الحزب جبران باسيل، كان واضح: نحنا بموضوع مشاركة المرأة بلشت بالهيئات المحلية. ما نمضا ولا أي قرار الاّ بوجود نساء بقلب الهيئات المحلية، وهيئات الأقضية، وباللوائح ممكن تتشكّل هلق للإنتخابات النيابية، في توجّه لتكون اللوائح مشتركة، مختلطة بين رجال ونساء
• الرجل بدّو ينتقد دور المرأة على طول،
  لأنو اكبر منافس خطر على الرجل، هيي المرأة.
  بدو ينتقدا: استعملت عاطفتا، او ما استعملت عاطفتا..
  بدّو ينتقد، ويذكّر، انو انتي مطرحك: للإنجاب، والتربية
• تمكين المرأة إقتصادياً بساعدها انو تقدر تخوض انتخابات، لأنو المرأة حتى تفوت على لايحة، بدها تدفع مصاري، لتقوم بلقاءات والغداوات.. وهون بتجي أهمية الأحزاب، ودورن، حتى يدعمو المرأة لتوصل.
• لازم نذكّر انو النائب مشرّع، وبحكم شغلي، ما بقلكم قديه فيه قوانين بدها تحديث، لأنو ما بقا قادرين نواكب السرعة اللي ماشية فيا العالم بالقوانين اللي عنا ياها.

وهل ستترشّح خريش على الانتخابات النيابية، تقول:

• أنا جندي بالحزب اللي بنتمي الو، ويللي هوي التيار الوطني الحرّ
  انا موجودة، ووين ما بيدعيني الواجب موجودي، بغضّ النظر نيابية أو غير نيابية.. 
• خدمة للوطن وللقضية ولحزبي…
  وانتبهو المرأة عندا هموم اكتر من المشاركة بالعمل السياسي، في هموم يومية لازم يتضوا عليون.

رصد Agoraleaks.com