أهالي ميروبا لفريد هيكل خازن: ضيعتنا منكوبة لوثت الماي.. (Audio)

– الآمال معقودة عَ العهد الجديد بتطبيق القانون… (تقرير جورج عبود)

***

– تلويث ماي
– تلويث هوا
– قطع أشجار
ميروبا منكوبة، ما بقا بدنا حدا يجي عَ ميروبا من آخر الدنيْ ويلوثلنا ميتنا، ويلوثلنا هوانا.. ويقطع الأشجار، خصلنا بقا..

إنها صرخة تختصر معاناة أهالي ميروبا، حيث تأكل مرامل والكسارات ومجابل الباطون بيئة البلدة، ويتعدى الضرر ليُصيب الناس بصحتهم. 

الحفارات والمجابل تقع فوق منطقة الينابيع التي تروي البساتين، وتزوّد الأهالي بمياه الشرب.

يقول أحد أبناء ميروبا فيليب سعادة: 

• مش مبرّر انو نعطي مهل إدارية، ولا نسكت عن الموضوع، مقابل هالتلوث يللي عم يحصل. عم يشربونا سموم..

أهالي البلدة رفعوا الصوت ضدّ المتورطين، ومن يؤمن الغطاء لهذه المرامل غير الشرعية، يقول طوني سعادة:

• رسالتنا لصاحب المجبل، نخلة زغيب، إذا بتريد نحنا ما بدنا تلوث بميروبا، وما بدنا ماي ملوثة، وما بدنا يباس، إذا بتحبّ تعمل هول القصص، إذا بتريد خود غراضك، وروح على ضيعتك.
• رسالتنا كمان لفريد هيكل الخازن، 
  منطلب منو بالفعل ومش بالقول، يوقف ويوقِّفْ المجبل، 
  وما بقا يقلني شي، ويعمل شي تاني
• المجبل منو مرغوب فيه بميروبا، ونحنا قادمين عَ أيام انتخابية.

ولأن الآمال معقودة على العهد الجديد، يضيف طوني سعادة:

• الست كلودين عون روكز، من أوّل نهار وقفت معنا، ولولا جهدا وتعبا، ما كنا وصلنا لهون، ومنطلب منا ايد بايد نكفي هيدا المشوار.

يُذكر أنّه وبعد مغادرة الـ”OTV” مكان الوقفة الإحتجاجية، وقع إشكالٌ بين مجموعة Save Mayrouba والعاملين في هذه المجابل، وثقتّه كاميرات بعض المحتجيّن.

من غير المقبول ان يبقى هناك مرامل عصية على كل القرارات، لسان حال الأهالي في البلدة الذين سئموا أن تقفل المرامل ليوم، وان تُفتح لأيام، وجلّ ما يريدونه هو اقفالها نهائياً حفاظاً على صحتهم وبيئتهم.

 

المصدر: OTV
رصد Agoraleaks.com