كلودين عون روكز: المرأة إذا كانت شريكة الرجل بالقرار السياسي لن يؤخذ قرار بالحرب.. (Audio)

– الهدف تعملي منيح، او الناس تحكي عنك منيح، والذهنية ذكورية مبلشة بالتربية
– شامل روكز معروف تاريخو، ومسار حياتو، نضيف وشجاع ومحبة العالم دفعتو انو يترشّح (التفاصيل)

***

مقتطف من حديث رئيسة الهيئة الوطنية لشؤون المرأة كلودين روكز عون: (تشرين الأول 2017)

بداية تؤكد كلودين عون روكز أنّه رغم المصاعب التي واجهتها بالماضي، تسير حسب الهدف التي تضعه، تقول: بعمل اشيا بحسب الهدف، وتكون منيحة، وبتخلي الأمور تكون أحسن لمجتمعي وبلدي. وتقول:

• الإنتقاد أمر موجود بالإنسان، وكتير ناس عندن ميل للإنتقاد أكتر من انو يشوفو الأمور الإيجابية، وأنا كتير إيجابية بطبعي، وبعمل اللي مقتنعة فيه، وبجرّب ما كتير اتسمّع للإنتقادات اللي جايي من خلفية سلبية، بس للإنتقاد.
• أكيد الإنتقادات البناءة ليطور حالو الإنسان. وليعمل اشيا بطريقة أحسن، أكيد بسمعلا، بس حسب إنتي شو عم تنبشي، الهدف انو انتي بدك تعملي منيح، او بدك الناس تحكي عنك منيح؟
• أنا بدي اعمل منيح، وبعمل حسب قناعتي، وبكمّل وبمشي..

عن مهام الهيئة الوطنية لشؤون المرأة

• بس اطلعنا على عمل الهيئة الوطنية لشؤون المرأة، السيدة الأول لاقت بدا كتير وقت، وكتيراهتمام، وزوجة رئيس الجمهورية، عنجدّ ما عندا وقت، وما عندا دقيقة ترتاح فيا، في كتير شغل بالقصر، وحبّت توكلني بهالمهة، تكون ناشطة أكتر فيا
• الهيئة بدها شغل كل الوقت، تقول للمشاهدين، انو عملنا كَـ24 مرأة وأنا تطوعي، وعم نقدّم عملنا، وهيدا الشي فوق شغلنا ومسؤولياتنا اليومية
• يا ريت الهيئة بتترأسها مرأة ماكنة بحقوق المرأة، وتقدر تعطيها كل وقتا..
• الهيئة تأسست سنة 1998، وهيي آلية رسمية بقضايا المرأة، والهدف الأساسي هيي قضايا المرأة وحقوقا، وبتشرف على تنفيذ اهداف الإتفاقيات الدولية، يللي متبناها لبنان.
• هالمرة تألفت الهيئة من نساء كلن عندن خلفية بالعمل الاجتماعي والسياسي والثقافي، وكلن ناشطات ومنفتخر فيون، وفيا من كل الطوائف.

• من الأهداف القضاء على جميع أشكال التمييز ضدّ المرأة، والقرار طالع سنة 1979، ولبنان متحفظ على المقدمة (الأحوال الشخصية) وعلى موضوع الجنسية. وفي قرار 1325، يللي بيعني بالمرأة والسلام والأمن
• الهيئة عم تحط خطة العمل، وعم نشتغلا، وبآخر تشرين منقدمها..
  وشخصياً كوني كنت بحزب متابعة شؤون المرأة، وشتغلنا على قانون العنف الأسري، وهوي بالأساس ضدّ المرأة… وتابعت الموضوع مع النواب ميشال حلو ونبيل نقولا وجيلبيرت زوين، ونحنا بالتكتّل كنا معنيين بالموضوع، ولكن ما كنت بالأضواء. وعم تابع الموضوع من قلب الحزب.
• في بعد ذهنية ذكورية طاغية بمجتمعنا، والقصة بتبلش بالتربية، لأنو الذهنية بتاخديها من التربية… ومع الوقت بتصير ممارسات.
• اكبر تحدّي انو نخلي النشاء يشاركو أكتر بالعمل السياسي، وصنع القرار ودورن أساسي، خصوصة انو الأطفال والنساء هني اللي بعانو أكتر شي من الصراعات والنزاعات المسلحة.

• المرأة دورا أساسي بصنع السلام، وبحل الصراعات.

البيئة

• موضوع “الزبالة” ببلش من الفرز من المصدر، بس بضل في طمر..
  آخر شي بضل في كمية بدها طمر بالأرض، والمشكلة عم تكون سياسية بالموضوع،
  منوصل وين بدنا نطمر؟؟ 
  كل منطقة بدها تكبّ على المنطقة التانية، وعم يستغلوها بالسياسة، لو بتزيح السياسة بتنحلّ بطريقة تقنية.
• حل النفايات معروف، ما عم نخترع شي جديد.

تسألها داليا داغر: مش معقول فخامة الرئيس ياخود قرار وينهيه، متل ما هوي معَودنا انو يجزم الأمور بالآخر.. تقول،  كلودين عون روكز:

• بيجزم، بس صلاحياتو، انو في رئاسة حكومة، وفي وزراء، وفي وزارات معنية.. القرار بدّو يتاخد من كل الأطراف السياسية
• انا مع كل منطقة تفرز وتطمر وتوجد كل الحلول، وتطمر عندا،
  وفي تصور كامل بخصوص حل النفايات، ووضعت الإستراتيجية من قبل وزارة البيئة.
  كلو معمول ومجهّز وبدها قرار للتطبيق، والقرارات رح تنعمل، ومش رح تنترك

السؤال

• ليه الناس بدها تكب على الطريق،
  بعدني ما عم افهما، وين النظافة؟
  ليش نضاف ببيوتنا، ومنكب عَ الطرقات!!
• بفهم في أزمة نفايات، وعم تتراكم بمحل معين، بس اللي عم نشهدو انو في كبّ عَ الطريق

العميد روكز

تسأل عن دعمها للعميد روكز، رغم المزايا التي يتحلّى بها، من صدق ووطنية وشفافية وعنفوان.. تقول:

• شامل روكز معروف تاريخو، ومسار حياتو، وشو عطانا كشعب لبنان. متل كتير ضباط دافعو عن أمننا
• عندو تاريخ أنا بفتخر فيه، ومحبة العالم دفعتو انو يترشّح، ويكمل مسارو بالشأن العام والسياسة. 
  أكيد أنا بشجعو لأنو بآمن فيه كانسان نضيف وشجاع ومحب.. ومتل ما بآمن بغير ناس، وانا ورا كتير ناس حابين يترشحو على النيابة
• كل انسان بلاقي في مشروع ومكونات معينة، وفي ديناميكية معينة، ومستعد يوصل مشروعنا بشجعو

المرأة

• المطلوب تشجيع النساء تترشّح إن كان بالأحزاب او المجتمع المدني، ولازم يفرضو حالن. لأنو ما نعطت “الكوتا”، وما في غير خيار انو نفرض حالنا، بالإعلام
• ما حدا رح يجي يقلك تعي خدي محلي، ولا رجل بهالوارد، 
  المطارح كلها مفوّلة، وفي طلب اكتر
• النساء لازم تفوت بالأحزاب وتبلش تحكي..
• مرقنا بحروب، والمرأة ما بتلاقي حالها بالحرب، وما بعتقد لو كان في نساء بصنع القرار، انو مرأة بتاخود قرار حرب.
• إذا المرأة شاركت القرار مع الرجل بكون في سلام وأمن للبلد.
  بطبيعتا المرأة هيي:
  – العاطفة
  – اللي بتعطي
  – اللي بتجيب الولاد
  بالنهاية بدنا ننتخب فلان أو مرأة، لأنو في مشروع وكفوء/ة  وديناميكي/ة 
• بقول للرجال والنساء يشجعو بعضن،
  نحنا رح ندعم الكفاءة، والنساء الكفوءات، واللي عندن مشروع سياسي،
  والهيئة مستعدة تعمل “ندوات” تدريبية حول مشاركة المرأة بالسياسة، وحتى تحمل هموم الوطن والنساء بكل المواضيع.

رصد Agoraleaks.com