Agoraleaks Agoraleaks
– منترجى الملياردرية وقفو نصب، ما شبعتو، بكرا بتموتو وما بتاخدو شي معكم؟
– لست مرشحاً، ولأهلي بالكورة بقلن: انتخبو شخص شبعان (التفاصيل)
***
مقتطف من حديث رئيس الحركة الاجتماعية المهندس جون مفرّج لقناة الـ”OTV” مع الإعلامي جورج ياسمين: (أيلول 2017)
التحقيق بقضية العسكريين
- بالتأكيد الرئيس عون بهمو التحقيقات، وبهمو يوصّل لنتيجة، إبتداءً من فكرة وحدي:
ما بدو يترك الناس بأوهام،
ما بدو يصير في ثأر بين هيدا وهيداك..
خلّي الحقيقة توضح، وينعرف مين المسؤول، بدون ما كل واحد بدّو يصير ياخود ثأر.. - الحقيقة بتمنع الثأر… أنا إذا ضليت ضايع، بصير شك بأي إنسان، وأي مسؤول…
نداء
- نداء للحراميي اللي كلنا منعرفن، من هالرؤسا وغير هالرؤسا، يوقفو لأنو ما بقا نقدر،
الشعب اللبناني ما بقا قادر يحمل، صرنا بحالة افلاس لأنو هني صارو ملياردرية،
مين؟؟ كل المخابرات بتعرف مين؟
أنا بقول عن المشاريع اللي نسرق فيا، شو بدي بمين سرق.. ساعتا الناس بتعرف مين؟ - منترجى الملياردرية بِقدينا بقا تنصيب وسرقة، شبعتو وبكرا بتموتو وما بتاخدو شي معكم؟؟؟
كونو قنوعين.. الشعب اللبناني عارف كلشي بالتفصيل. - انتو جماعة (التيار) معروف عنكن منكن حراميي، هيدي معروفي.. من عندك، من قناة الـ”OTV”، بقول: يا ملياردية، رح تموتو كلكن وما رح تاخدو شي معكن؟؟
البرية السياسية
- على المالية مسيطرين، عَ المصاري مسيطرين، عَ الدني كلها مسيطرين،
كلشي لالن، ونحنا ما النا شي؟؟؟ نحنا الفتات بيبقالنا…!!
يسأله ياسمين: مين نحنا، يقول جون مفرّج:
- نحنا المسيحية، ولولا العماد عون، ما بيزبط شي، وبالقوة..
يعلّق جورج ياسمين: لاق مش بالقوة، بكلمة منو بينحلّ كلشي، واللي عم يصير بالبلد هيك بدلّ.. وتطليعة منو في ناس كتير بتروق، وجربوها!!
- قصة المصاري لاقطا نبيه بري، هوي لاقط كلشي..
- هلق لأنو عملو تشكيلات قوى الأمن الداخلي ما عاجبتو، فرنك ما بقا ياخدو..
وقت كان بدن يشيلو اللواء جورج قرعة.. المعركة الوحيدي اللي ربحناها، بطلو يعطو ولا فرنك.. وكربجو… - في خطوط حمر، والاّ كنت بحكيلك اشيا فضايح… ومن زمان قلنا 8 و14 آذار فرطو
الكورة
- بقلو لإبن الكورة اسْحا بقا، بعد كلشي هالمرقنا فيه، وكل هالإنتخابات اللي خضناها، ما اجانا شي..
- هلق لولا من الوزير فنيانوس وبيت فرنجية ما كان عنا طريق منمشي عليا، هلق عم يزفتو..
- أنا مني ماشي مع بيت فرنجية ولا مع غيرن.. ما عنا حدن (بالكورة) الاّ ما اجا، وبدّو ينهش، خلينا عَ القليلي نشوف واحد شبعان، ما بدو ينهش.
- انا مني نازل على الإنتخابات، بس بنصح الكل انو كلنا نتوجه صوب واحد شبعان، وجماعة شبعانين.
رصد Agoraleaks.com
