– طالما في عنا نبض حياة بشرايينا، قبضتنا مرفوعة علامة قوة، وفوقا علامة التيار، الإنتصار، والصح. ولما بيجي إسم لبنان، منحطا عَ قلبنا، لأنو لبنان بقلبنا، والتيار بيحمي لبنان، ليبقى لبنان… (الجزء 3)

***

مقتطف من حديث رئيس التيار الوطني الحرّ جبران باسيل في حفل توزيع 10 آلاف بطاقة انتساب، في مجمّع فؤاد شهاب: (10 أيلول 2017)

تاريخنا من اليوم ولورا…
كلو فينا نفتخر فيه، وكل واحد بجرّب يعّير أي حدن منا، منقدر نشلو أي واقعة سياسية..

الحاضر

• التيار بعيش بحسّو العاطفي، يللي هوي جايي، انو نحنا “جيل عون”.
  وانتو جيل ورا جيل..
  من جيل عون الى أجيال عون… منضل مكفايين، ومنكفي…
• هيدا الشي بيعطينا التزام كبير بقضية لبنان:
  – الدولة
  – الإنسان
  وهيدا الشي بيعطينا ايمان أعمى، نحنا بايماننا بالتيار بدنا نكون، متل ايماننا الديني، من آمن لأننا ولاد عيلة وقضية.
• ما بدنا تجارب أكتر من هيك،
  ما بدنا كل مرة نلحق خبرية من هون، وخبرية من هونيك.
  بكفّي تاريخنا وعاطفتنا، وحسنا النقدي للمستقبل،
  ما عم قلكم هيك، تقلكم تخلوا عنو لهيدا الحس.
  حسكم السياسي بخلينا نتوجه للمستقبل ونعرف شو بدنا.

بدي قلكم انو نحنا جايتنا أيام صعبة بالسياسة، لأنو نحنا تجربة مطلوب انّو تفشل. 
نحنا نموذج إذا نوجد وعاش، بموّت الآخرين. لأنو ببيّن من وراه، أنو:
– الكهربا بلبنان بتجي.
– النفط بيطلع.
– ببيّن انو الفساد مش هوي متحكّم فينا، نحنا منتحكّم فيه.
– ببيّن في كل الكذب، اللي عشناه، وكل اليأس اللي خضعو اللبنانيين تحتو، انو هيدا منقدر نطلع منو.. 

• نحنا تيار مشروعو واحد: هوي الدولة بلبنان، وهيدي الدولة أوّل شي بدّو يكون فيا “سيادة” و “استقلال” و “قرار نابع من مصلحة الدولة” مش من مصلحة حدا تاني.
• تاني شي: هيدي الدولة بدها تكون، أكبر من الكلّ، والقانون فيا فوق الكل.
• تالت شي: الأمن والقضاء فيا هنّي اللي بيعملو استقرار وطمأنينة.
• رابع شي: العدالة هيي المبدأ الأساسي يللي بيحكم المواطنين، بالمساواة والحقوق والواجبات، والإنماء المتوازن
• خامس شي: باقتصاد منتج وحر، بصير في فرص عمل، وبصير في يللي بيستاهلو اللبناني لأنو عندن قدرتن، ومبادرتن الفردية.

للغد (المستقبل)

هيك منكون عم نعمل الدولة القوية بلبنان. لأنو بكون في عنا
– رئيس قوي،
– وجيش قوي.
– ومؤسسات قوية.
وهودي كلن ما منقدر نعملن، إذا ما كان التيار قوي.

• التيار القوي، هوي يللي نحنا تواعدنا على بنائو، وبهالمناسبة عم نحط مدماك إضافي فيه.
  التيار القوي هوي نمو، وزيادة انتشار.
  التيار القوي هوي اللي عم نشوفو السنة: ناس جايين من جبل محسن. من عكار. ومن طرابلس. ومن صور. ومن البقاع الشمالي والغربي. ومن بيروت من كل مناطقا. ومن الجبل..
• هيدا هوي نمو التيار يللي بخليه يروح لبناء مؤسسات، وأنظمة وقواعد. ويللي عم يقوم على ديمقراطية.
  وهيدي الديمقراطية عم نلجأ لالها، بعملنا اليومي.
  ومش سرّ انو عم نعمل استطلاعات رأي على رأيكم بكلشي: ورأيكم اللي عم تعطوه منوعدكم رح ناخود فيه، بكل إداءنا النيابي والوزاري، والإداري.
• التيار القوي هوي اللي صار في محاسبة،
  وما تزعلو بس تعرفو انو المجلس التحكيمي اخد قرار بحدا. (طرد – تعليق عضوية) هيدي هيي المحاسبة يللي لطالما طالبنا فيا بالتيار. هيدي هيي المحاسبة يللي اليوم صارت اوتوماتيكية، ومستقلة. وهيي عم تعطي التيار صلابة أكتر، وثقة اكتر بمستقبلو.
• التيار القوي هوي قوي بمبادئو، وبقضيتو وبنضالو، يللي بيستمر فيه.

انا بدي قلكم، انو عهدي الكم اليوم، هوي هيدا التيار يضل معنا كلنا سوا تيار قوي. بوجودكم عم تخلو أقوى. وكل واحد منكم بدو يجيب رفيقو وصديقو، تيكون تيارنا يوم بعد يوم هوي أقوى…

طالما في عنا: نبض حياة بشرايينا، قبضتنا بدها تضل مرفوعة لترفع علامة القوة بالتيار..
لفوق قبضتنا بدها تضل مرفوعة، بيجي فوقا علامة التيار، والإنتصار، والصح.
ولما بيجي إسم لبنان، منشيل هيدي الإيد، ومنحطا على قلبنا، لأنو لبنان بقلبنا، والتيار بيحمي لبنان.. ليبقى لبنان.

عشتم وعاش التيار الوطني الحرّ وعاش لبنان.

جبران باسيل بحفل توزيع 10 آلاف بطاقة للتيار: موجودين عَ مساحة الوطن بكل بيت بلبنان وبرّا (Audio)
– بطاقة التيار الوطني الحرّ فخر إنتمائنا: للإلتزام والتواصل وممارسة ديمقراطيتنا وحماية لبنان.. (الجزء 1)

جبران باسيل بحفل توزيع 10 آلاف بطاقة للتيار: موجودين عَ مساحة الوطن بكل بيت بلبنان وبرّا (Audio)

جبران باسيل يثبّت التيار الأقوى للبنان القوي من ماضيه وحاضره باتجاه المستقبل (Audio)
– عشنا الحرية والسيادة والإستقلال ومشرقيتنا لنحمي ميثاقنا وتنوعنا وخط الإعتدال، ونحنا اللي عم نواجه الفساد
– تفاهمنا مع القوات بالوقت اللي كان في محاولة إستفراد لالن (الجزء 2)

جبران باسيل يثبّت التيار الأقوى للبنان القوي من ماضيه وحاضره باتجاه المستقبل (Audio)

رصد Agoraleaks.com