Agoraleaks Agoraleaks
تقرير غريس مخايل –
لأنّ الذين جهدوا لإنجاح هذا العمل أعطوا من كل قلبهم، واحبوا العماد منذ الصغر، تولد أغنية “بيْ الكلّ للفنان “زين العمر” من قلب آمن بالقضية وكرّس فنّه لخدمتها.
يقول زين العمر: هيدي الصورة، كنت عم سمعو الغنية للجنرال، وعم قلو بارك الغنية، قلي الله يبارك فيكم يا إبني. والله يوفقكم، قلتلو للجنرال كلمة، ليه كل اماتنا بحبوك.
قلي: كل السيدات بحبوني كتير. لأنو عندن ولاد، وبخافو عَ ولادن. بخافو حدا ياخدن منون. بحبو ولادن يبقو بهالوطن.
يقول الملحن جهاد حدشيتي: يشرفني ان ادخل هيدي الغنية، نحنا وزين العمر، لأنو هيدي المناسبة، ناطرينا من سنة 1988، وهلق ناطرين 3 أيام بإذن الرب تتحققْ.
الي الشرف شارك بهيدا العمل. ومن حيّي استاذ حبيب يونس. يللي وضع النص لهالمناسبة.
الشاعر حبيب يونس، الذي عايش العماد عون من سنوات طوال، أراد في القصيدة بيتاً مميزاً خصصه للشهيد. الى جانب الأبيات الأخرى الوطنية عن العماد عون ولبنان.
يقول زين العمر: قصتنا مع الجنرال قصة طويلة وبتشرف، لأنو حلمنا انسان نضيف. ونحنا ورا هيدا الإنسان من سنة 1988، امي مثلاً حاطّا صورة الجنرال بقلب صورة العدرا. وبتقلي هيدا الإنسان بحافظ على الوطن، وبخلّي ولادنا يعيشو بهالوطن.
مَنّا هيني الواحد ييضحي بحياتو كللا وبالعذابات يللي تعذبا تَ يبني وطن. يبني وطن وفي فاسدين صرلون 40 سنة.
يقول الملحن جهاد حدشيتي: كان في لمسة الهية بالعمل. بس تسمع الناس الأغنية رح تفتكر العمل مشغول بعد أسابيع، ونحنا بلشنا فيه من 3 أو 4 أيام، وعملنا كان متواصل.
يضيف حدشيتي: وبحييّ الإستاذ داني حلو، يللي حطّ بصمتو، والغنية يللي رح يسمعا، رح يعرف شو عاملين، وبعتقد في مباركة من السما، وبعتقد عنوان الغنية “بيْ الكلّْ” متل البيْ يللي عم يربّي ولادو، وأكيد البيْ يللي حاطط عينو عَ ولادو، بدها تطلع العيلة ناجحة.
بيْ الكلْ الجنرال عون، ومنحملو مسؤولية يكون بيْ كل الوطن، واكيد بوصول الجنرال عون، رح يكون لبنان عيلة ناجحة بإذن الرب.
بحماسة واندفاع كبيرين، يستمع كل الذين تعاونوا على انجاز الأغنية اليها، مؤمنين أنها ستدخل قلب كل لبناني وطني، ومن القلب تحية لبيْ الكل.
يقول زين العمر: لبنان بالنسبة لإلي، مش أوتيل. يا دللو ما عندو وطن، إنو نحنا بس مننطر لبنان كرمال الحفلة، أو ما يزعل فلان، أو ما يرضى فلان. بدّي ابني يبقى بلبنان، ويقولو ربيان ببلد الكرامة والعزّ والشرف، والناموس.
بدّي قلّو للجنرال: انتا دايماً بالقلب، وبقللك كلمتان، الله يشيل من عمري ويحطّ بعمرك.
نحنا بحاجة لإلك كتير ولبنان بحاجة لالك واللبنانيي بحاجة للفروسة والشهامة. كبير وبتضلّ كبير، منحبك.
الأغنية SOOON عالـ”OTV“..
المصدر: OTV
https://www.youtube.com/watch?v=lEn889U8Quo
