وديع عقل: الكراسي بتغرّ في ناس ضعاف قداما، وبعد انتخاب الرئيس عون الوضع تغيّر.. (Audio)

– صحفيات بيتشمسو بـCannes أمثال ماريا معلوف وبحرضو ضد الجيش..
– بينسأل عن الصرخة الطالعة اللي عم تقول: مينن هودي الضباط ما عم يوقفو القتال..!!!

***

مقتطف من حديث المحامي وديع عقل لقناة الـ”OTV” ضمن برنامج أجندة اليوم: (8 أيلول 2017)

• واحد من المستشهدين العسكريين، كان عم يقشطن البارودة لجماعة داعش، تيطلق النار علين وضُرب بالسكاكين.
• هودي الشباب ما تركو مواقعن العسكرين وفرّوا من أرض المعركة،
  هودي الشباب ما راحو انتحرو،
  هودي الشباب ضحو بأغلي شي عندن، في فخر
• نحنا آلاف السنين هون، وفي ناس عم تبذل دم، تضلّ عايشي بهالمنطقة،
  هودي الشباب امتداد لكل الشباب اللي سقطو قبلن، تيضل في لبنان.
  وهيدي توصية للجيل الجايي، هودي الشباب ما ماتو، هودي الشباب نقتلو، وما حدا يزوّر الماضي

• بعد انتخاب فخامة الرئيس شو تغيّر لبنان،
  ليك قديه كان مرّ الوضع سابقاً، اليوم نحنا ببياض وبسلاسة بالمشهد السياسي
• وزير الدفاع يعقوب الصراف، حكي عن القرار السياسي اللي كان غايب عام 2014، وكيف اليوم في “كارت بلانش” للجيش انو يعمل يللي بريدو

من يتحمل المسؤولية

• التقصير كبير،
  الكراسي بتغرّ كتير، وفي ناس ضعاف عَ الكراسي، وعَ المناصب.
  قعدو يجددو، ويرعو يجددو.. وبدن رئاسة الجمهورية…
• تمام سلام وجان قهوجي، وسمير مقبل بدن يقولو شو صار..
  لازم يعطو افاداتن،
  لازم يستدعو اللواء خير فريجة، قائد لواء السادس المرابض في بعلبك، وبيسألو: ليه قالولك وقّف القصف..!
  بينسأل عن مين كانت طالعة صرختو بالسرايا الحكومي، عم يقول: مينن هودي الضباط ما عم يوقفو فوق القتال..!!!

ورداً على سؤال تهديد بعض أهالي شهداء العسكريين التهديد بالقتل، يقول وديع عقل:

• صراحة، انا لا أقبل الا بالشرعية وبالدولة،
  المشكل انو بالمنطقة فوق كانو عم يشوفوهن،
  ما رئيس بلدية عرسال السابق أبو عجينة، كان عم يتنقل وين مكان، وقائد الجيش السابق جان قهوجي استقبلو، وهوي متهّم بالمحكمة العسكرية بقتل بيار مشعلاني
• البديهيات ما نعملت بوقتا،
  معليه، اليوم تغير الوضع، عهد الرئيس عون ما بيشبهن، وما بيقبل تسوية.
  الست جومانة كانت عم تحكي بزيارة لفخامة الرئيس، سألتو عن تسوية بينحكا فيها وإعفاءات عن بعض المحكومين بالسجون، بقلا: يللي عليه ارتكاب بسيط بحق عسكري، مش موضوع بحث بأمرو
• صلابة العماد عون معروفة، والناس مدعويين يبنو عليا.
  وأنا بشدد للعالم، اوعا حدا يأسكم..

الجيش 

• أجادن، ماكانو عارفين شو مصير ولادن.
  مش عارفين إذا ولادن بيتحررو، إذا مأسورين..
• تمام سلام بوقتا شكّل لجنة وزارية..
  بس لازم تعرف الناس، وتتذكر، انو سقط شباب (6-7) شهدا للجيش، بأول نهار،
  وبعدان صار الجيش يحرّر.. وعمل عملية “كومندس” على احد منازل بعرسال، وحرر منو 7 عسكريين كانو بقلبو
• بعهد جان قهوجي، مش بس هيدي الفضيحة.
  في فضيحة كبيري بالدخول على المدرسة الحربية.
  بتطلع اللايحة مش معروف مين ناجح، بتطلع لعند قائد الجيش، بشوفا وهوي من عندو بيعلن لايحة الفائزين.

شعارات

• المضحك انو البعض بيترأسو وبيقعدو بالصفوف الأمامية بكل المناسبات،
  وبيعملو حالن عم يعطو هبات للدولة وللجيش مساعدات.
  متلن متل صحافيات، بيقعدو مشمسين بـ”Cannes” ع البحر، بيفقعو تصريحات..
• ماريا معلوف وأمثالا.. هودي حرضو على الجيش، وعلى القتل، ولازم يطلع فيون مذكرات توقيف

رصد Agoraleaks.com