الأب الياس مارون غاريوس: وبّخ بوقته وغير وقته، ومن أراد الا يسمع فليرحلْ (Audio)

– بتخافو من الإستشهاد والكنسية قامت على الشهدا، إذا خايف من الموت، التابوت على حسابي مجاني ببلاش. والصلا ببلاش.

***

مقتطف من عظة زوادة الأب الياس مارون غاريوس، عن الشهادة: (أيلول 2017)

• كتير بتأثّر وقت بشوف، انو الشهادة صارت عند تلاميذ المسيح خوف وقلق.
  يا عيب الشوم عَ كل ام وبيْ، بخافو انو ابنن يستشهد، تيقدّم ذاتو ل الله دفاعاً عن كلمة الله.
• معربطين بولادكن،
  بتفقسولنا ولد واحد، وبتدلعو، وبتقولولنا: يقبرني، حياتي هوي..
• بعدان وين حياتك..
  وين ولادك..
  وين عيلتك..
  وين الله بعيلتك؟؟؟
  بتخاف انك تموت!!! عوّض بسلامتك..
  إذا حابب تموت وخايف من الموت، التابوت على حسابي مجاني ببلاش. والصلا ببلاش. والقبر ببلاش.
  وإذا ما بتخاف، يسوع حياتو كلها الك ببلاش. ما تخاف. لأنو يسوع عطاك ذاتو.. هوي  الإناء الحيْ اللي عطاك الحياة، وماء الحياة.

أرجوكم

• علمو ولادكن، انو اللي بني الكنيسة، وجعل فيا قديسين، هني الشهدا القديسين.
• ما بيكفينا نقول: السلام عليكي يا مريم.
  انتم صوت صارخ في برية هذا الدهر المليان شر.
  صلي بأوضتك هيك.. ووقت بتكون برا، وبّخ وعظ في وقته وفي غير وقته، ومن أراد الا يسمع فليرحلْ..
  بعد ناقصنا مسايرة على كلمة المسيح..

رصد Agoraleaks.com