وديع عقل يضع نفسه بتصرف أهالي العسكريين ويدعو الصراف استدعاء قهوجي: (Audio)

– موضوع سفر قهوجي وامثالو مجاناً من خلال الطيران الوطني سنفتحه…

***

مقتطف من حديث المحامي وديع عقل لقناة الـ̰”OTV” ضمن برنامج “أجندة اليوم”:

عن الدعوة الموجهة من قبله لأهالي الشهداء العسكريين

• موضع الإرهاب بشكل عام، وموضوع عرسال بشكل خاص. منو صدفة. ومنو وليدة يوم أو يومين. لما وقعت معركة عرسال، أنا بوقتا قمت دعوى ع 3 نواب: اليوم 2 منهم صارو وزراء
  – أبو عبد كبارة (وزير حالي)
  – معين المرعبي (وزير حالي)
  – خالد الضاهر (نائب)
  لأنو بوقتا حرضو على الجيش، وعملو تحركات بمناطق الشمال، واستهدفو الجيش اللبناني، منعاً لإستمرار المعركة فوق.
  وكان بوقتا عنا تحرّك ضد، أبو طافية، وأبو عجينة، وكل هالمجموعة اللي أساءت للجيش اللبناني، ويللي هني بيتحملو مسؤولية كل الشهدا اللي وقعو فوق.
• القضاء اللبناني ما كان قد الحمل.
  وما كان قد المسؤولية.

يعلّق الإعلامي عبدو الحلو: وفي حينه كان أشرف ريفي وزير للعد، ويضيف المحامي عقل:

• كهيدا المضوع “حبلنا” منو،
  ناس حاطا كفوف بايديّ، وجايي تستثمر اليوم على دم الشهدا تبع الجيش اللبناني،
  هيدا الأمرمرفوض تماماً.
• كلن يتحملو المسؤولية، وأنا تعرضت للتهديد بهيدا الملف بالذات.
  وطلبت من نواب الوقوف معنا، هودي معن حصانة عم يتخبو فيها.. طلبو رفع الحصانة، وما حدا تعاون.
• اليوم بدنا نروح على العملي.
  الله يرحم الشباب منفتخر فيون، اللي استشهدو فوق.
  عملياً:
  1) أهالي الشهداء العسكريين، وورثتهم، بحقلن يدعوا بدعاوي مسؤولية مدنية ومسؤولية جزائية، وانا موجود لأوقف حدن، وفي كتير من المحامين الزملاء تبرعو يكونو موجودين، وبدنا نروح بجرأة بهيدا الملف.
  2) أطلب مباشرة عبر هواء الـ”OTV”، لأنو في طريق قانونية تانية، ممكن يسلكا وزير الدفاع (يعقوب الصراف) وأنا أنتظر منو كمان قرار جريء بهيدا الموضوع. من خلال تشكيل لجنة تحقيق عسكرية فورية، تستدعي قائد الجيش السابق جان قهوجي، (الذي ما زال موجود بالسلك العسكري – بعدن ممديين له، وبعد ما طلع من الجيش)

ورداً على مغادرة قهوجي الأراضي اللبنانية، بقول عقل:

• هيدا ملف تاني،
  والموضوع مين عم يسفّر قهوجي وامثالو مجاناً من خلال الطيران الوطني.
• يجب ان يُستدعى الى التحقيق. ويُفتح ملف معركة عرسال كاملاً.
  في ضباط من الجيش اللبناني، كمان يُستدعو ويُحقّق معهم. ومستعدين يعطو افاداتهم.
• رئيس مجلس الوزراء تمام سلام متورط بمنع المعركة.
  وهوي ما بحقلو قانونياً.. لأنه لا يأمر قائد الجيش.
  قائد الجيش يأتمر بمجلس الوزراء مجتمعاً. وهيدا الشي ما حصل. (للتوضيح للرأي العام)
• اليوم وزير الدفاع اللبناني، عندو صلاحية مهمة بايدو.
  اليوم مش بكرا. بشكّل لجنة تحقيق عسكرية، وبباشرو، ولازم في ناس تفوت على الحبس.

هذا وسيستضيف برنامج “أجندة اليوم” المحامي وديع عقل غداً صباحاً (29 آب 2017)

رصد Agoraleaks.com