خاص – الأب الياس مارون غاريوس: لبنان عالم الكيان الإلهي، ومع الإنتصار ع “الداعشيين” سلام لبنان سيحوّل تلال الشر الى تلال محبة تعّم كل البشر (Audio+Video)

– إنتصار الجيش بأرض القاع ورأس بعلبك، انتصار للبنان بالعالم كلو سوا (Pictures)

حديث الأب الياس مارون غاريوس لموقع “Agoraleaks.com” قبيل ساعات من انتصار جيش لبنان عَ إرهابيي داعش، بجرود القاع ورأس بعلبك وجديدة الفاكهة: (22 آب 2017)

• بهالنهار العظيم هيدا،
  اختبرت شخصياً عظمة “الثالوث الأقدس” بأرض القاع،
  لأنو شفت فيه فعلياً، لبنان هوي الثالوث العظيم جداً، اللي ربنا اختارو حتى يكون مجد بأرض هالدني كلها سوا

• ربنا اختار لبنان أرض لالو مقدسة، ممنوع حدا يدق فيه.
  لا نبي ولا غير نبي.
  ميشان هيك كان يسوع، مصرّ انو يكون لبنان زهرة بأرض قاحلة.

• هالإنتصار بأرض القاع ورأس بعلبك، هيدا انتصار للبنان بالعالم كلو سوا.
  لأنو لبنان هوي عالم الروح.
  هوي عالم الكيان الإلهي، بأرض البشر.
  هوي فعلاً متل ما ربنا سمّاه: أرض السلام.

• لبنان معهد للسلام،
  وثبّت لبنان مع الداعشيين كلن سوا، انو نقطة سلام ببحر الشر، وسلام لبنان هوي النقطة العظيمة اللي رح تقدر تعمّم بكل العالم سلام الحب، اللي اكل ظلم من كل العرب، واليوم رح يعطي سلام لكل العرب. وبإذن الله، والثالوث القدوس، آلآب والإبن والروح القدس، آمين.

https://www.youtube.com/watch?v=QBuP8taNxC0&feature=youtu.be

يا أرزة لبنان احمي لبنان

اخوتي،

منطلب العدرا مريم، ومن قديسينا المحاوطين بنص تلال القاع، ومن الرب يسوع المسيح،
يحوّط التلال بقلوبنا،

• تلال الشر
• تلال الضعف
• تلال الوجع
• تلال المرض
• تلال الخصام الموجودي بقلبنا،

حتى تحولن العدرا مريم، لتلال محبة، ومرفوع عليا صليب الرب يسوع المسيح رمز الإنتصار. آمين.

https://www.youtube.com/watch?v=RphMZ76X6oQ&feature=youtu.be