Agoraleaks Agoraleaks
– ما عندي اعتراض عَ حكم ربنا..
مقتطف من حديث والدة الشهيد علي بزال، زينب البزال لقناة الـ”OTV”:
- تحية للجيش اللبناني وللمقاومة،
بقول الله يقويهم، وتمنيت تكون هالمعركة من زمان - افتخار وعزّ بالجيش اللبناني، اللي هلق عم يحرّر ارضو وجرودو، ومنا بحاجة لحدا. ونحنا منفتخر فيهن.
- الله يقويهم يا رب، وحابي اطلع عَ الجرد ونحنا منصورين بقوة الجيش اللبناني
ووجهّت كلمة لأهل العسكريين المخطوفين لدى داعش، تقول:
- بقلن، انو يتوكلو ب الله، ان كانو ولادن طيبين رح نعتز فيون، وان كانو مستشهدين كمان فخر واعتزاز النا أكتر
- بقلن اصبرو، متل ما انا صبرت.
اللي عند ربنا ما عند حدا.
انشاللله يطلعو ولادن احياء.. - واليوم حصلت المعركة، لأنو اليوم صار عنا قائد للجيش بيرفع الراس. وبدو يحرر الجنوب والجرود من الإرهابيي.
- هلق صار عنا رجال توقف عَ الأرض.
انا تمنيت انو كانو يحررو قبل، حتى يطلع ابننا وابن حميّة، والكل.. بس الحمد الله انو هيك ربنا أراد، وأنا ما عندي اعتراض عَ حكم ربنا.. - بقول لأهالي العسكريين، خلّو أملكم بِ الله.
لازم تتقبلو كلشي، إن كانو مستشهدين هنيئاً الن، وان كانو طيبين نشالله يرجعو بخير وسلامة، كونو قوايا، ما بدنا نضعف قدام هالظلام. ونحنا معن.
رصد Agoraleaks.com
