زوجة الشهيد ابراهيم زهرمان: الفرحة كبيري وعكار كلها جيش.. وطلب من الرئيس عون “بعد في الحجيري” (Audio)

– ولا مرة شفت رئيس عنا بلبنان بينزل هيك نزلة

مقتطف من حديث غوى زهرمان، زوجة الشهيد ابراهيم زهرمان لقناة الـ”OTV”:

كزوجة شهيد استشهد في محيط منطقة عرسال، شو ممكن تقولي للبنانيين عموماً ولأهالي العسكريين، مع هذه التطورات،

• ما فيّي اوصفلك قديه فرحتي كبيري،
  وقت شفت فخامة الرئيس، انو هوي شخصياً عم يتطمّن عَ وضع الجيش بعرسال.
  الله يطوّل بعمرو
• ولا مرة شفت رئيس عنا بلبنان بينزل هيك نزلة.
  ويكون مع قائد الجيش، وكل العسكريين اللي عم يقاتلو وتاركين اطفال وراهن.
• الفرحة كتير كبيري، ونشالله باذن الله منصورين يا رب،
  ويرجع كل عسكري لبيتنو ولعيلتو ولولادو، ولا يحرق قلب، لأنو نحنا دقناها، كتير صعبة

• بتشكر فخامة الرئيس لأنو كل عمرنا نحنا نحلم انو يكون هوي موجود معنا، وكان حلم زوجي من الأساس انو يرجع الجنرال عون ويكون رئيس جمهورية، والحمد الله وصلنالها.
• وهلق وصلنالا، وكل انسان عم ياخود حقو هلق.
  بس بدي اطلب طلب (من فخامة الرئيس)، انو بعد في “الحجيري” اللي هوي كان الأساس وقت استشهد زوجي ابراهيم زهرمان ورفيقو. والله يحمي كل جيشنا.

عن اجواء عكار، تقول:

• اهل عكار مبسوطين كتير،
  وهني دايماً مع الجيش، ونحنا منعرف انو اغلبية الجيش من عكار، وكل اهل عكار مع الجيش وما في شك..

رصد Agoraleaks.com