إنتفاضة “Bacho” لإنقاذ نادي الحكمة: خلص بلعْ يا جماعة “علي بابا”، نحنا ما منتخلى عن كنيستنا (Audio+Video)

– رح تشوفو ولاد الأشرفية شو قادرة تعمل… نحنا أوادم، وقديسين، بس بالوقت ذاتو، شياطين. (التفاصيل)

انتفاضة “باشو”.. التاريخ لن يرحمكم

***

أطلق “بشير هيكل” المعروف بلقب “Bacho” تحذيراً الى ادارة فريق الحكمة، من خلال رسائل واضحة وجهها عبر صفحته الخاصة (Bacho Bachir Haykal) لضرورة وضع النادي بتصرّف “أبونا الريّس جان بول غزالة”، مؤكداً انّ اللعبة انتهت. وداعياً جمهور الحكمة للنزول الى الشارع للإعتراض مساء اليوم (18 آب – 2017) في تمام الساعة السادسة.

الجدير بالذكر أن Bacho له شعبية كبرى لدى جمهور النادي الأخضر، كونه ضابط ايقاع جمهوره منذ حوالي 22 عاماً، واليكم أبرز ما قاله:

• كنا عم نجرب مع الإدارة يروحو عند الأبونا الريّس ويقولولو، “انتا بتحكي باسم نادي “الحكمة” فقط لا غير.
• كل الحكي الفاضي ما بقا ينفع.
  بيار شهوان ممثل الريس انطون الصحناوي، وممثل عن SGBL قدّم استقالتو..
• بكرا لكل جمهور الحكمة، الساعة 6 مسا، قدام مدرسة الحكمة عبرو عن اللي انتو بتحسوه.
  نحنا رايحين نبايع أبونا الريّس. وأبونا الريّس لازم يحكي مع سيدنا المطران.
• الحلم اللي كنا ناطرينو، وموعودين. ونركض شمال.. انتهى الحلم..
  قبرونا، ورجعونا للمقبرة. يتفضلو يخبرونا مين رح يرجع الدَينْ..!!
  كيف هالدوامة وهالجورة اللي وقعنا فيها.. وطمونا، وهلق دعسو علينا..
• هول جماعة “علي بابا”.. ما بدن تردّو النادي للنادي، الله يسامحكم عَ يللي عملتو
  بس التاريخ ما رح يرحمكم.. 
  بنك SGBL، عم يعطينا حلم، قلكن: انا بدي احكي مع شخص واحد، هوي الأبونا الريّس، عنا ثقة فيه.
• كنا نقلكم، انتبهو.. كنتو تقولو: لاق SGBL ما بفلّ.. انطون الصحناوي عطا كلمتو، ولكن قلكن: انا بشتغل مع سيدنا المطران، وأبونا الريّس.. جينا طلبنا منكم طلب، وقلنالكم: من بعد أمركم، بايعو أبونا الريّس“. الجماعة عندن ثقة بهالشخصين.
  – بسيدنا المطران
  – ابونا الريّس.
  ما فهمتوها، لأنو في مصالح شخصية. وبعدكم بتقولولي في “جمعية عمومية”،
  والله العظيم، ما رح تشوفو النادي بقا. لا انتو ولا جمعية عمومية..
• نسوا.. شيلو الخبرية من راسكم، هيدا القانون اللي بدكم تجيبو مبارح واليوم وبكرا، شيلو من راسكم. خبز ما رح يطلعلكم. انتهيتو. نحنا عرفناكم وسميناكم بالإسم. فلو.. مغارة علي بابا سكرناها…
• اليوم 18 آب 2017، جمهور الحكمة، بكل هدوء واحترام، رايحين عند الأبونا الريس، نبايعو كجمهور حكمة، وهوي بقرر مصير النادي. وصدقوني هوي اللي بقرّر مصير النادي تبعنا. وغير هيك ما بقا في حديث، ما بقا بدنا نسمع كذب. هودي أعضاء النادي انتهو.. واللجنة الإدارية، والجمعية العمومية ما بقا نآمن فيون. ومش رح نخليهم يفوتو عَ النادي. ولا رح نخليون يعملو انتخابات. ولا رح نخليهن يفوتو عَ ملعب غزير…

وفي تسجيل آخر قال بشير هيكل:

• الأخبار اللي عم توصلنا، ما بقا تنحمل نهائياً. وخاصة بالأشرفية.
  بدنا نشحط الحراميي من نادي الحكمة.
• رئيس نادي الحكمة عم يعطي مشروع لعشر سنين، عم يردّ نادي الحكمة لنادي الحكمة، وللمطرانية، وللكنيسة.
  يا عيب الشوم يا حراميي، كيف الكم عين تطلعو..
  انتو مقررين تعملو انتخابات بنادي الحكمة… انتو اللي بتقررو؟؟ انتو حراميي ونصابين. انتو الحلم دبحتو.
  ما رح نخلي واحد فيكم يدعس بنادي الحكمة. وبدي رجال عندو شوارب، يقلي أنا فايت عَ نادي الحكمة.
• نادي الحكمة، نحنا مبايعينو لأبونا الريس، وسيدنا المطران.
  شو عملتو انتو؟؟ اجاكم حلم… بس كلكن موظفين عند واحد اسمو “رشيد أبو شقرا”
• ما بدنا نقول عَ السمسرات، وع المراهنات. استروا عَ حالكم… 
  كبرانة القصة، اكتر ما انتو بتتخيلو.. ونحنا كتير أوادم، ونحنا قديسين، بس بالوقت ذاتو، شياطين الحكمة.
• نحنا جمهور الحكمة، من وين الكن حق تاخدو الحلم من ولادنا، انتو يا كذابين ويا دجالين بالإدارة. من عدا واحد اسمو مارون غالب.
• شركة SGBL، ما بقا واثقة فيكم.
  تتعبو جيابكم. هيدي الكرسي بدي ياها… وهيدي ما تقرّب صوبا للكرسي..
  شو عملتو بنادي وجمهور الحكمة
• ما الكم مطرح بنادي الحكمة، انتو والجمعية العمومية رح نفرجيكم مين الأشرفية؟؟ رح نفرجيكم مين رجال الأشرفية..؟؟ رح نفرجيكم رجال الحكمة بس تنزل عَ الأرض.
• خلص قرفنا منكم.. روحو يا حراميي ويا سراقين..
  واحد يطلع يجاوبني.. كلكم موظفين عند رشيد أبو شقرا..
  خلصنا قرف، وحاش تمغمغوها.. خسرت افضل بنك بالعالم من ورا عهركم، وكذبكم؟؟ كفرتونا، وقرفتونا…
• سمسرة عَ نادي الحكمة.. شو بعد بدكم؟
  الأوادم تفلْ من نادي الحكمة؟ 
  بواب جهنم رح تفتح.. انتو مش قدا هالشغلة.. وقلنالكم عنا معلومات عن كل واحد شو عامل بنادي الحكمة.
• كرمال الصفقات.. حاش تكذبو عَ العلم،
  نحنا اللي منجيب الجمهور.. انتو ما عندكم حدن… انتو كذابين ودجالين، وسراقين.
• معكم مهلة، تقولولو للأبونا، نحنا تحت عبايتك..
  هيدا آخر إنذار.. بس انتو ما احترمتو الجمهور… انتو حرامية نادي الحكمة… نحنا ما رح نتخلى عن كنيستنا..
• نحنا ما منصدق الاّ الكنيسة تبعنا،
  الا العدرا تبعنا.
  الا الصليب تبعنا.
  نحنا ضحينا كرمال نادي الحكمة. انتو بتعرفو ولاد الأشرفية.
  بدعي كل جمهور الحكمة من وين ما تكون.. وقفو وقفة رجال، رد الإعتبار للشرفاء، للريس انطون الصحناوي، ول SGBL..
• انتو يا 40 حرامي،
  طلبنا منكم طلب،
  وبنك SGBL طلب منكم طلب،
  منتعاطا مع الأب جان – بول أبو غزالة
  
• هوي رئيس المدرسة
  هوي الرئيس الفخري لمدرسة الحكمة.
  هوي الرئيس الفخري للنادي.
  انتو شو الكن معنا..
• ياعيب الشوم….. استحو.. قرفتونا.. بكرا رح تشوفو الأجراس كيف رح تندق بالأشرفية.. ما بقا قادرين نحملكم.
• 14 سنة بلع.. ما خلص..
  ساعة فلتان، وساعة علتان.. عنا حكي منعريكم.. استرو حالكم، لأنو بكرا ما في حدا يستركم..

https://www.youtube.com/watch?v=8J6j9-3FHok&feature=youtu.be

رصد Agoraleaks.com