ميشال أبونجم: السوري ليه بدو يفلْ إذا منظمات “un” بتشجعو يبقى بلبنان… وطبيعي يكون في تكامل بين حزب الله والجيش (Audio)

– ريتا نصور: بكفي صرنا نشوف صورة رئيس وقائد عم ينسقو تكتيك عسكري مش عم يرفعو كاس الشامبانيا

مقتطف من حديث الصحفي ميشال أبو نجم لقناة الـ”OTV” ضمن برنامج “أجندة اليوم”:

• اليوم انتقاد مشاركة حزب الله بتحرير جرود عرسال من ارهابيي النصرة، كان خجول. ومعروف انو الجيش اللبناني هوي من الأساس مُبادر بالحرب على الإرهاب. من ايام معارك الضنية عام 2000، وعمل مديرية المخابرات، والأجهزة بالتسعينات لمحاصرة الحالة المتشددة، وصولاً لهلق بالمعارك مع داعش والنصرة.
• الجيش اللبناني فقط يحتاج الى قرار سياسي.
  واللي كان آذيه بسنة 2014 مع بداية الأزمة السورية، هوي تضعضع السلطة السياسية، لا بل تآمرها بسياسة تجاه النأي بالنفس السخيفة تجاه الحرب السورية
• اليوم في رئيس جمهورية. واللي قالو قدام وفد كبار ضباط الجيش اللبناني، انو انتو بتاخدو المبادرة على الأرض، ونحنا منغطيكم. وهيدا الأمر ما كان متوفر. وهيدا الشي اكيد بيعطي باذن الله النصر بحربو عَ داعش بجرود رأس بعلبك والقاع.
• من الطبيعي يكون في تكامل بين حزب الله والجيش اللبناني، 
  معادلة التسعينات، وانخراط حزب الله بالدولة قامت عَ اساس تعاون مع الدولة ، وفق المعادلة المسماة (شعب + جيش + مقاومة) ومكرسّة رسمياً بالبيان الوزاري.
• من جهة مشاركة حزب الله بالجهة السورية، هيدا شي مطلوب، ولازم نطلع من النبرة السخيفة حول التنسيق مع الجيش السوري، كونا مسالة أمني وبتهمّ الأمن القومي، وبموضوع النازحين، حدّث ولا حرج
• العدد الكبير اللي فل من النازحين مع النصرة أمر له دلالات مخيفة.
  بعض اللبنانيين يتذرعون بذرائع واهية، المسؤولية والجرم الكبير تمارسه منظمات الأمم المتحدة. اللي عم تعطي النازح السوري شغلات ما بيحلم فيها. وبتخلي يبقا بلبنان. فليه بدو يفل؟؟!
• اعتراف الوزير بالمشنوق، بأكد انو استفاقتنا دايماً بد فترة،
  وهيك بتكون التداعيات صارت. واليوم كيف بيقدر يبرّر بقاء النازحين السوريين، انو شو هيي ورقة بدكم تستعملوها بعدان، في مكان ما وزمان ما.
• الجيش اللبناني سبق جيوش عربية اخرى بمواجهتو للإرهاب، مش بالصدفة حصلت انشقاقات بكل جيوش العربية، ومش بالصدفة سقطت الموصل بالعراق سنة 2014. ولا بالصدفة سقطت بعد المدن السورية بطرق سريعة
• ولت ايام يتراجع الجيش اللبناني تحت ضغط السلطة السياسة،
  متل ما صار بنهر البارد، وسنة 2014… كان في قرار سياسي داعم للجيش.
  نتذكر زيارة ميقاتي لوزارة الدفاع، واعتبار الأمر رسالة كبح للجيش انو يكفي المعركة. ولولا هيدي السياسات، ما كنا وصلنا لَ يللي وصلنالو، وما كنا وصلنا انواهل عرسال صارو يصرخو من الإرهاب ومن تداعيات النزوح السوري
• للأسف في طبقة سياسية بلبنان معودي عَ حالة الإنتظار، وهيي متآمرة على لبنان وعَ الجيش ومشاركة بالجريمة

تعقّب الإعلامية زيتا نصور انجيليني: بكفي صرنا نشوف صورة رئيس الجمهورية وقائد جيش عم ينسقو تكتيك عسكري مش عم يرفعو كاس الشامبانيا، وفي عسكر مخطوفين…. بينزل الرئيس القوي عَ وزارة الدفاع، وبيُشرف على العمليات شخصياً.. يعقّب أبو نجم:

• القوي مش بحاجة لَ يثبّت قوتو. الضعيف بدو بحالة مستمرة لَ يقول: انا قوي وشوفوني أنا قوي

الإقتصاد الفاسد

• بالتسعينات الرئيس عون كان يركز على كيفية ادارة الدولة بالملف الإقتصادي والإجتماعي
• الرئيس عون اليوم منو فؤاد شهاب بمرحلة السبعينات، مع  اعلان عزوفو عن الترشح سنة 1970، واعتبار بيانو وقف للمشروع الإصلاحي، نتيجة تدخل اقليمي ودولي، ونتيجة مرحلة سياسية بلبنان اوقفت الإستمرار بالإصلاح حتى ما نوصول لحرب أهلية.
• الجنرال عون هوي شخص مقاتل، ومثابر بالقتال كرمال موضوع محاربة الفساد. واعادة تثبيت الدولة.
• بناء الدولة هيي مسؤولية الجميع، طبقة سياسية وأحزاب وشعب واعلام.. و
  أهمّ شي نقول ما في حل سحري. في 30 سنة من احتلال ومافيا سرقت الدولة.
• العماد عون جايي يحفّز المجتمع انو يقوم بدورو، وفي تراجع بالفساد بطيء ولكن ثابت وملحوظ.
• في طبقة سياسية مشروعا مستند عَ الزبائنية السياسية. وع منطق الفساد والمحاسيب. وهيدا أخطر بكتير من الإرهاب التكفيري. لأنو اليوم وقت بدن ينزلو مقاتلين حزب الله من الجرود، قد يجدون الأمور انو رح تروح الأمور نحو الأسوأ بموضوع الفساد.
• عَ قد ما مشارك حزب الله بالمعركة ضد الإرهاب التكفيري، عندو مسؤولية انو يشارك بالمعركة ضد الفساد وبادارة الدولة، على اهمية المعركة الأمنية
• نحنا كمجتمع مشاركين بمنظومة الفساد، ويللا منمشي اموري، بعدان مش كلشي نزتو ونكون اتكاليين، ونظريين. وما في شك شطف الدرج بيجي من فوق.

ترامب

• الرئيس الأميركي يوم بعد يوم، عم يصير محاصر، الإعلام منو معو. ودايماً في هجومات عليه.
• اميركا حتى الآن لا تعتبر سورية ضمن استراتجيتها التاريخية، مصالحها الإستراتيجية بمكان آخر. هيي تكتفي بوضع خطوط حمر بالجنوب ع الحدود مع اسرائيل، والأردن. وبتتلاعب بالمنظمات المسلحة. وهيدا الشي بأكد عقم الرهان على الولايات المتحدة بأي منطقة بالعالم.
• مع اميركا، بعود عن الشر وغنيلو، لأنو بجربو بالمجتمعات الضعيفي،
  بالعراق دمرو الجيش العراقي، ووصلنا اليوم لنشوء منظمات مسلحة، ووصلنا للإرهاب التكفيري
• دعم اميركا للجيش اللبناني ايجابي، ورغم انو ما في أسلحة متطورة.

ورداً على كلام متحدث باسم وزارة الدفاع الأميركية، عن وجود قوات خاصة تنسّق مع الجيش اللبناني، وتذكيره بالمساعدات وحجمها، يقول أبو نجم:

• الأميركي لا يعطي الجيش اللبناني سلاح حتى لا نقاتل اسرائيل.
  التنسيق العسكري بين الجيش اللبناني وأميركا ليس ابن اليوم، هو قائم.
  ولكن اللي بطمّن، ما حدا يعلم الجيش الوطنية، ويقلو شو بدو يعمل، وعندو عقيدة قتالية واضحة، عم يتعاون مع كل الجيوش. والعدو واضح هوي اسرائيل والإرهاب التكفيري.. وما ننسى عدو الفساد انو الجيش اللبناني محصّن.
• المطلوب من بقية المؤسسات بالدولة أن تعمل متل الجيش اللبناني.
• الوضع بلبنان الى أفضل. مش لأنو منحبو للرئيس عون. لأنو هيدي الحقيقة.
  منقرب نحو الكارثة، إذا بدنا نضلّ على المعالجات الكلاسيكية.
• الرئيس عون حط ايدو عَ الجرح، لما حكي عن الإقتصاد الريعي.
  وحط ايدو على المشكلة البنيوية بالإقتصاد اللبناني. انو اقتصاد منو منتج، واقتصاد قائم على الودائع، وضرب للطبقة الوسطى.

رصد Agoraleaks.com