الأب مروان خوري عن الصلا: منا تجارة طلبنا وعَ الرب يعطينا.. (الجزء 2- Audio)

– عن حالة شفاء فريدة مع الأب تارديف، وكلام العذراء لرائية فيتسكا… (التفاصيل)

عظة الراهب المريمي الأب مروان خوري في قداس السلام بدير القديسة تريزيا الطفل يسوع – سهيلة، عن كيفية الصلاة – جزء 2: (31 تموز 2017)

• أبائي الأجلاء، وأخوتي الأحباء.
  بدي كمّل التأمل عن الصلا. تأملنا انو لازم نشيل من فكرنا، التجارة بالصلا.
  الصلا منا تجارة مع السما. كأنك بتدفع أبانا وسلام، وبتاخود اللي عايزو..
• انطلقنا من فكرة الإنجيل، بس يقول يسوع 3 إشيا:
  1- اسألوا تعطو
  2- أطلبوا تجدوا
  3- اقرعوا يُفتح لكم.
• قلنا انو اول شي لازم نسألو بحياتنا، أن يحلّ ملكوت الله فينا. أن يحلّ الله فينا.
  انو نصير نحنا والرب بشراكة طيبة. من هيك بقول يسوع: أطلبوا أولاً ملكوت الله، وكل اللي عايزينو ستُعطى وتُزاد… ما رح ينقصك شي.
• نتعاطى معو من حبيب لحبيب.
  بس تبلش مع ربك، عايز، وعايز.. لتكون فعلاً علاقة صحيحة، اسألوا، ومن يسأل الاّ الفقير..
  قلو يا رب، بلاك الحياة ما بتسوا. انتا الغنى تبعي. هيدا أول طلب بالأبانا، عند ما بتخاطب بيّك بالسما.
• اطلبو تجدوا.. بخبّر الإنجيل عن المرأة اللي ضيعّت الدرهم. ضوّت السراج، وراحت تنبش عليه.
  وبس لقيتو عمّ الفرحة البيت. وراحت دعيت جيرانا واقاربها، وقالتلن: لقد وجدت درهمي الضائع.
  شو معناتا هالفرحة. وعَ شو عم تنبّش؟  اطلب تجد، يعني في عندك شي مضيعو لازم تنبش عليه..!!
  قيمتك.. يا ريت بتعرف أنت ابن من؟ أنت ابن الله، خالق الكون، وكل سلطان الكون بقبضة ايدو، وانت ابنو، وهوي بيّك.. ضيعّت الملوكية، هيدا هوي الدرهم الضائع.
• اللي بخليك تلاقي الضايع بحياتك، انك تصلي للروح القدس.
  
  أن تطلب روح الله الغايب عنك. لأنو انتا بلا الله، كالهشيم قدام النار. وما بتسوا شي حياتك.
  روح الله هوي اللي بيعطيك القمة، وبخليك تحسّ انو بيْ وأنت إبنو.
• اقرعوا يُفتح لكم. خطاياك سكروا النعمة عنك. رجاع دقْ، حتى يفتح الرب باب هالنعمة…
  طلوب هودي، وبعدان عروض عَ الرب عوزك الأرضي…

شو اللي بخلي الله يسمع كلماتي.

• أكيد مش الكلام الحلو. عندو كلمات احلى مني بكتير. ولا الشعر…
  نحنا منصير نبّش عَ الصلوات الحلوة..
  الإنجيل بيحكي عن وثني كان عندو شخص عزيز عليه، خادم لالو.. 
  بس عندو حب، وعم يفكّر بعوز الآخر، من دون قرابة دموية….
• سمع بيسوع، وارسل اليه، بعض شيوخ اليهود، يسأله أن يأتي ويُنقذ خادمه.
  بالصلا نحن نطلب من الله ان يأتي صوبنا. ننادي بينا.
  نحنا منفكر بدنا نعمل اللي ما بينعمل، حتى الله يسمعنا. وعندو 7 مليار بهالبشرية، مش فاضي الاّ لصلاتي، وحاجاتي؟؟؟ هون نحنا بحاجة للروح القدس، تتحسّ بقيمتك عند الرب…
• لما بتصلي قدام الرب، الـ7 مليار ع جنب. وانتا الوحيد مش شايف غيرك الرب.
  بتقدر تحس انك وحيد. لأنو ما في متلك. وعندك فرادتك. وبيتطلع فيك بهالفرادة.
  لا اجا متلك. ولا رح يجي متلك… انتا ابنو الوحيد بالنسبة لالو، انت منك رقم.
  بيعرفك باسمك. وبيعرف عدد شعر راسك. ولما بتحكي معو، ما بيصغي الاّ لالك. وبكل كيانو هوي معك.
  
• راحت الجماعة اللي ارسلهم الشخص، الحّوا يتوسلون اليه… كتير مهم نستنجد بالقديسين. ابعتن وقلن، انتو طلبو من يسوع.
• الله ما بدو واسطة تَ احكي معو.. لكن القديس بالإختبار اللي عاشو بحبو لَ الله. ما وصلت لنضجو. ولكن قوة الحب اللي عاشا مع الرب والإختبار عم يخليني استفيد من قوة محبتو لَ الله..
• ان تستنجد بجماعة السما أولاً، وكمان نستنجد بأمواتنا..
  – بيّك
  – امّك
  – ستّك
  – جدّك… أقاربك. طلوب معونتهم. والنفوس المطهرية تشفع لالنا ليل ونهار.. ليه ؟ لأنو بعدن احبائنا، وبعدن بحبونا، وبعدن بيعتبرو حالن بشراكة معنh.. لكن نحنا للأسف بطلنا بشراكة معن. قلن أنا بساعدكم بصلاتي، وانتو ساعدوني بشفاعتكم عند الرب… ان كانو بالمطهر أو بالسما.
• نستنجد بجماعات الصلا على الأرض.
  طلوب. بس يكون عندك شي بأمس الحاجة لالو… وكّل جماعات الصلا يصلوا معك.
  أخويات.  اشخاص بتعرفن.. لأنو بس تصلي الجماعة، تستمطر نعمْ السما.
  شو بقول ربنا باللإنجيل؟؟؟ كل ما اجتمع اثنين باسمي اكون ثالث فيما بينهم.
  
  نطلب، وشوفو قوة صلا الجماعة..
• بقولولو ليسوع: انه مُستحق ان تصنع معه ها، لأنه يُحب أمتنا، وقد بنى لنا مجمع.
  الصلا قد تكون كلمة بتقولا.
  بس فعل الحب كمان. وأعمال الخير، هيي صلا.
  كل فعل حب بتعملو بحق حدا عايز. كل عمل خير بتعملو هيدا صلا.
• المحبة ما بتضيع، وهوي اللي قال بالإنجيل: كاس ماي صغير فعلتموه مع اخوتي هؤلاء العطشانين الصغار بقلبي بتحفروه، وما بنسى فضلكم للأبد.
• مضى يسوع معكم، وقبل الدعوة، وراح..
  بس تصلي… اللهي يأتي صوبك، وما بهمو شكلك، وما بهمو ماضيك. ولا تاريخك. بهمو انت. لأنك فريد، وانت ابنو..
• انا بس كنت صغير، كنت عذّب امي، بس يصير شي معي، كانت تنسى كلشي وتركض.
  هيدي الأم. وهيدا الله.
  اذا محبتنا الناقصة عَ الأرض هالقد صوب اولادنا واحبائنا، فكم بالأحرى الله صون عيلتو، يللي هيي نحنا.
• نشيل الشكوك من راسنا، ونسألو ونآمن، الرب يأتي.
  بقلو لما شافو جايي، بيترك البيت قائد المئة، وبوح صوبو،
  وبقلو: يا رب، لا تزعج نفسك، لأني لست أهلاً ان تدخل تحت سقف بيتي، لأني غيرمستحق.. كتير بحب الرب بصلاتنا، نكون متواضعين. الصلا غير المُستجابة عند الله هيي صلاة المتكبّر. نتذكّر الفريسي والعشار بس طلعو عَ الهيكل يصلوا. الفريسي، قال أشكرك، لست كذاك العشار الخاطئ، انا بدفع الضريبة، أنا، أنا… طلع الخاطئ مبرّر عند الله ومُستجاب، والفريسي طلع خاطئ من الهيكل.
• الله ما بحب المُتكبّر.
  
  مش معناتا نذلّ قدامو. لكن اقرّ بضعفك، أقرّ بخطيتك، وندام عليها.
  قلو: يا رب إذا بدك تعاملني بحسب أعمالي، ما بستحق شي.
  لكن بحسب رحمتك ارحمني. حكيه بلغة المتواضع. لأنو الإبن تيكون ابن، بدو يكون متواضع.

الإيمان

• بالأخير، بقلو يسوع، وبجاوبو: أقول لكم، لم اجد مثل هذا الإيمان في اسرائيل.
  كتير ندمج بصلاتنا الإيمان.
• انا متأثر كتير بالأب تارديف، في صلا حاططها،
  هوي وعم يطلب للمريض تيشفى. بقلو: اشكرك يا رب لأنك استجبت لي. 
  أنا مأكّد أنك سمعتني.. ورح تعطيني اللي بدك ياه.
  نحكي بثقة مع الرب. حرّر ايمانك من الشك. لما بتحكي معو، آمن بحبو لالك.
  الخطية منا عائق بينك وبينو، مستعد يغفرلك ياها،ويعطيك اللي بدك ياه.

الأب ترديف

• مرة كان مقدّس، بملعب فوتبول. وكان في 40 الف إنسان.
  وجايبينلو كالمعتاد.. لأنو كان يصلي بالقداس عَ المرضى..
  عمل القداس، وصلّى.. في بعض الأشخاص شفوا، البعض الآخر لاق.
• خلص القداس وفلو العالم، في مرا جايبي إبنا على الكرسي، اجا حارس الملعب قلها:
  مدام إذا بتريدي، بدنا نسكر خلص القداس. قالتلو بدّك تسكّر سكّر، انا من هون مش فاللي. لأنو يسوع مش كذاب. قال أطلبوا تجدوا، وبدّو يعطيني. وما كانت خلصت الكلمة، كان فلْ الأبونا، ما شافت ابنا الاّ وقف وبلش يمشي.
• الثقة اللي منحكي فيا مع الرب، بتقدر تاخود اللي بدك ياه منو.
  مش بالكلمات. نتطلع بالنازفة. (ما حكيت) هيدا نوع من الصلا.
  
  ما قالت ليسوع: بدّي.. حطّت النيّة. وراحت تزحف، ودقّت بثوبو، فاخدت اللي بدها ياه.
  بهالثقة، وقفّت يسوع، ويقلن: حدا سحب مني قوة، بدون إذني…

الصلا بالحاح لكن..

• نتعلم انو نصلي بتواضع، ونصلي بايمان. ونطلب شفاعة القديسين، ومعونة جماعات الصلا على الأرض، وان نُلحّ بالطلب… نعم نلحّ ونكفي
• فيتسكا إحدى رؤاة مديوغوريه، بتطهرلا العدرا كل يوم.
  
  خبرتني قصة: انو بتجي لعندا عيلة.. بتطلب منا انو تطلب من العدرا وقت الظهور، تشفي ابنن المريض.
  بتقدّم فيتسكا وقت ظهور العدرا هالطلب، بتقلا العدرا: قوليلن يصلو ويصوموا ابنن بصحْ.
  بتوصل الرسالة فيتسكا، بينبسطو:
  ببلشو بالصوم والصلا.
  بيرجعو بعد 6 اشهر، عَ مديوغوريه، بقولولا لفيتسكا، قوليلا للعدرا: صمنا وصلينا، بس الصبي ما صَحْ.
  بتنقل هالمعلومة للعدرا.. بتقلا العدرا، قوليلن: يكفو الصوم والصلا.
  الوقت بايد الله، مش بايدنا.
  كأنو العدرا عم تقلنا، صلّوا وألحوا… صلّوا واصبروا.
  الرب وعدك رح يعطيك. لكن الوقت بايدو مش بايدك، انت هلق بدّك، الرب بيعرف أيمتى، لأنو هوي بيْ وبيعرف يعطي العطايا بوقتا، وبالعطايا الصالحة لأبنائو اللي بحبو.

رصد Agoraleaks.com