باسيل في تدشين ساحة نضال 7 آب: رح نستعيد أرضنا المسلوبة، ورح نعيد للبنانيين الإيمان بدولة لبنان. ياللي بتعلى علينا جميعاً.. (Audio)

– الأمل هوي الشي الوحيد اللي واجهنا فيه…

حديث رئيس التيار الوطني الحر جبران باسيل، في ذكرى 7 آب، وتدشين ساحتها: (2017)

• التيار الوطني الحر، أبناء 7 آب.
  لغير الخالق ما ركعنا، وبغير الحرية ما عملنا.
  للحرية ساحتا، ساحة 7 آب.
• 7 آب محطة من سلسلة محطات، منا يوم.
  وإذا بدنا نعدّ ايام النضال، ساحات لبنان كلها ما بتساعنا، وما بتساع نضالنا.
• اليوم نحنا بلشنا نهارنا، بجرودنا الشرقية، طلعنا وقفنا مع أهلنا، ومع جيشنا، وعرفنا انو قد ما كان نضالنا كبير، بضل نقطة ببحر دماء شهداء أهلنا وجيشنا
• 7 آب هوي عنوان للحرية، والسيادة والإستقلال.
  7 آب.
  مين بقول؟؟
  مين بقول نحنا اليوم واقفين هون. وانو هيدا النهار كان بدن ياه، ليكسرو صمودنا، ومقاومتنا، وارادتنا، ونضالنا.
  كان بدن ياه لدفن قضيتنا، وكان هوي القيامة. وكان هوي الشعلة المُضاءة.
• 7 آب مش بس انو توقفنا، ونحبسنا، ونضربنا,
  وانو كبارنا وكبيرنا اللواء لطيف.. و حبيب يونس وكتار من الأوادم فاتو على الحبوسي، ولأنو طلعو، ولأنو لمينا الفدية…
• 7 آب هوي امتداد لنهار يللي راح في المرحوم غازي عاد ، زار السجين المُضربْ عن الطعام طوني اوريان ، وأخد منو الشعلة لكنيسة “مار الياس”، وهونيك ضلّت الشعلة مُضاءة لطلعو كلن. ولكفّت المسيرة. ولطلعنا من تحت التراب…

سلاحنا

• اليوم مطلوب منا أقل بكتير من 7 آب.
  هيدا النهار يللي ما كان سلاحنا فيه الاّ الأمل.
• الأمل هوي الشي الوحيد اللي واجهنا فيه.
  واجهنا فيه الظلم. والتعسّف. والوصاية. والتسلط.. بأمل كبير
• اليوم مطلوب ايمان وثقة..
  ايمان برئيسنا..
  ايمان بلبناننا..
  ايمان بدولتنا.. لنقدر نكفّي ونستمرّ..
  هني اعتقلونا وفكّرو انو منخاف من عتمة الحبس. وما عرفو طاقتنا متجددة، ونورنا متجدد
  
• ب 7 آب يللي كسر عتمة الحبس، ما رح يُعصي عليه اليوم يكسر عتمة الكهربا…
  7 آب هيي نخبة شباب، بادروا، وسبقو كل الناس. ولحقوهم كل الناس ب 14 آذار 2005
  متل ما اليوم هودي الشباب ذاتن، بدن يكسرو الفساد والشعب اللبناني بدو يلحقن، بدّو ينتصرو على الفساد
• 7 آب هوي الأمل، والقوة يللي بتمثال اليوم بيحمل شعار القوة.
  هيدي القبضة اللي واجهنا فيها دول، ودبابات، وأنظمة.
  هيدا العناد اللي حملو التيار وحمل فيه العلم والمشعل.. ولو ما كلو نور، ما كان بضل لفوق، وبضلّ مرفوع.
• اليوم نحنا واقفين بهيدي الساحة عم نستعيدا،
  ومين كان بقول، الساحة اللي نضرب فيا:
  
  – زياد اسود
  – فادي جريصاتي
  – منصور فاضل وكتار.. وبتصير ساحة 7 آب…
• رفاقنا جو طرابلسي، وسليمان بالبلدية بيشتغلو، والبلدية بتوافق، والمحافظ بوقّع. ووزيرالداخلية بصادق على ساحة العدلية يصير اسما ساحة 7 آب.
• هيدي هيي العبرة.
  
  هيدي هيي الأمثولة لكل اللبنانيين.
  – انو صبرو بتلاقو.
  – صمدو بتوجدو.
  نحنا جيل عون، ونحنا أبناء 7 آب.
  – متل ما استعدنا الساحة،
  – واستعدنا الرئاسة،
  – واستعدنا الحكومة المتوازنة،
  – واستعدنا التمثيل الصحيح،
  واستعدنا جيشنا،
  – واستعدنا قرارنا
  اليوم عم نستعيد أرضنا المسلوبة، لأنو بدنا نعيد للبنان وللبنانيين الأمل فيه. والإيمان بدولة لبنان. ونحنا التيار الوطني الحر أكيد أصغر منا، وهيي بتعلى علينا جميعاً…
  عشتم، وعاش التيار الوطني الحر، وعاش لبنان

رصد Agoraleaks.com