Agoraleaks Agoraleaks
– قرار تصفية الإرهاب قرار داخلي لبناني، وهيدا اللي سمعتو من فخامة الرئيس
مقتطف من حديث رئيس الحركة التصحيحية حنا عتيق ضمن لقناة الـ”OTV”: (الجزء 1)
فيما يخص تحرير المقاومة لعرسال من الإرهابيين
- تغيير العهد حرّر عرسال، وهذا هو فارق آب 2014 عن آب 2017،
القرار السياسي بدأ مع وصول فخامة الرئيس عون، ولنا قائد جيش جديد،
القرار السياسي الحاسم بانهاء الوجود المسلّح التكفيري، تحدث عنو الرئيس عون، وهي الحرب الإستباقية، واليوم تُنفّذ… - نحنا كنّا منتمنّآ تنتهي المعركة من 3 سنين، وقت هوجم الجيش بمواقعو بعرسال، وصار اللي صار..
الجيش ما قصّر بواجباتو، قام بكل واجباتو،
ولكن القرار السياسي أدّى الى ما نحن فيه، وأخدو الأسرى العسكريين وطلعو،
وصار في حالة شاذة عَ الحدود الشرقية، وان شاء الله قريباً الجيش يُنهي حالة داعش بجرود رأس بعلبك والقاع
- ممّا رأيته من معارك ومشاهد من جرود عرسال،
كنت أتمنى أن أشارك شخصياً، وكنت أتمنى كل اللبنانيي يشاركو فيه،
لأنو المعركة تحرير لأرضنا…
ورداً على قول الإعلامي جورج ياسمين، بأنه شارك بما في الكفاية للدفاع عن لبنان، قال الحنون:
- لاق،
واجباتنا نضلّ نشارك بتحرير أرضنا وحماية بلدنا.
بالآخر الإنسان بدّو يضلو يعطي لحين يصير مش قادر يعطي
من ذاكرة المقاومة المسيحيّة اللبنانيّة
تدريب مظليّة – وحدات الصدم الخاصة في القوات اللبنانية – البوار، كسروان
- اللي شفتو بعرسال، إنجاز كبير من حزب الله:
– بالتكتيك،
– بتقنية القتال
– معرفة جيدة للأرض، ومستطلعها، وبيعرف كل الزواريب تبعها
– حتى بيعرف الدشم وين، وكيف اتجاهات السلاح فيها، وكيف مرمى السلاح.. - المعلومات اللي كانت عند الحزب، والتخطيط الدقيق جعلت المعركة حاسمة
السلاح اللي استخدمو الحزب منو كبير واستراتيجي،
الصواريخ 106 ملم وأسلحة فردية.. - بقدّر الجهد اللي نوضع هونيك، كانو عم يقاتلو عَ مرتفع بين 2000 و2500 متر، وهذا الأمر يتطلب قوة وجهد أساسية، وتقنية عالية بالقتال، وقوة جسدية هائلة
- حزب الله أنجز المهمة بسرعة هائلة، وسيطر عَ مواقع النصرة بكلفة كتير قليلي،
والنصرة كانت خسرانة سلفاً بالمواجهة مع حزب الله، لأسباب عديدة:
– تواجد النصرة بمنطقة معزولة
– الطريق باتجاه المخيمات، مش مفتوحة بسهولة
– عديد النصرة ما كان كتير كبير
وكل منطقة معزولة ساقطة عسكرياً، ورغم انو مدربين على القتال والمواجهة والمدافعة، ولكن بالآخر في قوة تانية أرادت انو تزيلن، وهيي أقوى: تسليحاً و تدريباً و عقيدة و جهداً و ايماناً - الخطة العسكرية لحزب الله باتجاه التلال فاجأتهم للنصرة،
دخلوا من زاوية فليطا، المنطقة الوسطى بينهم وبين الجيش السوري،
وفاتو بهجوم تاني على النصرة من الأراضي اللبنانية، من ممّر ضيق..
الخطة الإستباقية لحزب الله
- مع دخول حزب الله الى القصير، بدأت الأمور تأخذ منحى مفصلي في سورية.
كل المحلات اللي حارب فيها حزب الله، من القصير، وصولاً الى حلب وانتهاء بالقلمون عام 2015، ومن بعدها بمضايا، وبوادي بردى.. وكلها مناطق صعبة، وكان الحزب عم يربح - حزب الله متمرسّ على مناطق جبلية، وكمان بمناطق مأهولة…
داعش وظروف المعركة
- هم اقل عدداً من النصرة، وهم مطوقون بالتمام، وإن كانوا بمناطق أوسع من مناطق النصرة
- الجيش اللبناني بجهوزية كاملة،
وهو ما بدّو شهادة من حدا باصابة الأهداف،ومعروف بدقة اصابتو،
وخلال التاريخ أنا بعرفو، وأنا خضت معارك - الجيش اللبناني يملك احسن ضباط، ان كان على مستوى القتال، او بمستوى المدفعية.
واليوم الجيش وراه كل الشعب اللبناني - داعش منتشر بجرود رأس بعلبك والقاع وصولاً للجهة السورية منطقة “قارة”…
ورداً على سؤال، إقفال المنافذ كلها على العدو، أليس هذا دفع للإستشراس.. اليس مفضلاً ترك منفذ لجماعة داعش، لأنه في حينه ستقاتل حتى الرجل الأخير.. وهم لا يردّوا عليك بمسألة العسكريين المخطوفين.. يقول حنا العتيق:
- داعش، لم يفاوض حتى الآن،
ولم يتدخل بالمعركة ضدّ النصرة.. تصوّر انو داعش عم يتفرّج على النصرة قدامو عم تنهار، وحزب الله واصل لجرود عرسال، وعارف انو جايي دورا - سنرى إن كانوا يريدون المفاوضة، ام لا؟؟؟
هل يريدون تسليمنا الأسرى العسكريين من الجيشس اللبناني؟
أم أنهم سيقاتلون حتى آخر عدهم، ويريدون يستشرسون بالقتال… - بالنهاية شو مكان قرار داعش، بالنهاية الجيش ربحان، والشعب اللبناني ربحان، والمعركة ربحانة
- أنا بتأمّل “داعش” تفاوض قبل ما يفوت الجيش اللبناني،
لأنو بالنسبة لإلي “رنجر جيش لبناني” بيسواهم كلن فوق - برأيي الشخصي، قرار تصفية الإرهاب قرار داخلي لبناني، وهيدا اللي سمعتو من فخامة الرئيس،
وبخطابو بعيد الجيش قرر انو ماشيين للآخر بمحاربة الإرهاب،
ما رح افصلها عن اللي صار بالخليج، ولكن القرار مش مبارح اتخّذ،في تحضيرات اشهر - المناخ كان جيّد، بآب تموز ما في غطيطة، الرؤية جيدة.. ولكن ما فينا نفصلها عن يللي عم يصير بسورية والعراق وصولاً للخليج
الإثنين : 02/01/2012
زار وفد من كتلة نواب زحلة ضم النواب ( عاصم عراجي – جوزيف معلوف – إنطوان أبو ضاهر شانط جنجينيان )
وآخر من القوات اللبنانية إقليم زحلة تقدمه الأستاذ( شارل سعد ) بلدية عرسال، في جولة لرفض تأكيد وجود ارهابيين.
- ما رح ننسى الزيارات لبعض النواب لعرسال، ووضع خطوط حمر على جرود عرسال، وبقعة عرسال.
ما رح ننسى كيف تصرفو مع قيادة الجيش، وقت هجوم عرسال.
ما رح ننسى شو صار بوادي خالد.. - خطوط الحمر بوجّ الجيش، كانت قرار دولي خارجي، لوضع بؤر أمنية على الحدودن بتأمين التدريب واللوجستية وارسال العناصرالى الداخل السوري
مقاومة الشعب
- وقت الجيش بيحرم من تأدية واجباتو، بيتطفل الشعب والناس والمقاومة،
نحنا بسنة 1975-1976، نزلنا عَ ساحات القتال، لَ نحمي حالنا أولاً، لأنو الجيش حُرم من تأدية واجباتو، ووضعو بالثكنات، وبعدان أحمد الخطيب أخد الثكنات، وشقفو الجيش.. - نزلنا نحنا، وقمنا بواجباتنا، وقت الجيش ما كان قادر يقوم بواجباتو
- بالجنوب مثلاً، في محلات كتيري الجيش ما كان مسموح يروح،
قامو الناس هونيك، ودافعو، وحررو أرضن، وقالو للجيش تفضل،
اليوم نفس الشي، مش كان مسموح للجيش (بالسياسة) يفوت على جرود عرسال، كونو في تدخلات اقليمية ودولية، نفذّت التحرير المقاومة، وأهدت هذا النصر للجيش، وللشعب اللبناني ككل - كلام السيد نصرالله جداً عالي ومسؤول لكل اللبنانيين، وأهدى النصر لكل اللبنانيين
سورية
- الدولة السورية معترف فيا عالمياً، والجيش السوري ينسّق مع كافة الجيوش لمحاربة داعش والنصرة،
الحرب في سورية حُسمت لصالح الدولة السورية، طبعاً لم تنتهي أزمة سورية، - إذا كان الخلاف مع الدولة السورية، إنو احتلّت لبنان، وقعدت عنا 20 سنة،
ما في الأتراك سبقوهم وقعدو 400 سنة..
نحنا محكومين بالعلاقة الجيدة مع سورية، كان في حرب بلبنان، وكان محتل لبنان، ولكن عملنا 12 قمة رئاسية مع الرئيس الأسد!!! - الحرب بسورية على نهايتها، وتنظيم داعش والنصرة، عم يتصفو،
نحنا محكومين اقتصادياً مع سورية، زراعياً وتجارياً وصناعياً، وخدماتياً..
هيدي جغرافيتنا، نحنا محكومين بسورية ومع البحر كمنافذ على العالم الخارجي..
بدنا نعمل مصلحة الشعب اللبناني أولاً، متل ما بدها سورية تعمل مصلحة الشعب السوري أولاً..
في الجزء الثاني يردّ رئيس قوات الصدم في القوات اللبنانية حنا العتيق، على مقولة رئيس القوات سمير جعجع تسليم سلاحه للجيش اللبناني، طالباً من كافة القيادات المسيحية التضامن لوضع استراتيجية لبنانية مشرقية لخمسين سنة آتية…
رصد Agoraleaks.com
