بالصوت جيسكار لحود: بطرس حرب إنتا البحصة.. قصّر لسانك (audio)

الراحة بالصراحة (صوت المدى) .. ما الي عين خبّر شو قلتلنا بوقتا

انتا عم تجيب سيرة التعيين بالملف الرئاسي، وتشكك بـ”ميشال عون”

انتا يا بطرس؟

يا بطرس أنت البحصة.

أقلّ من بحصة انت.

وعن جدّ مفكّر حالك غيفارا ثورة الأرز

يا حبيبي انتا من أبرز رموز الفساد وملفاتك تاريخية من وزارة التربية لضباط المخابرات السوريين، ولحدّ هلق منعرفا.

انت يا أبو عبد المنعم، يا زلمة الإحتلالات عم تجيب سيرة الشرفاء.

انتا يا اقطاعي

سكتنالك وقلنا بكرا بروق بطرس

بكرا بيحترم ارادة الناس.

خيي شوف طبيب نفسي

انتا عم تقول عن العماد كرئيس للجمهورية مش خيار سليم.

بتحبّ ذكرك، بس قصدناك ببيتك، ايام الإحتلال تتحكي بموضوع كتاب الدكتور ادونيس العكرا “لما صار إسمي 16” شو قلتلنا

ما الي عين خبّر شو قلتلنا بوقتا

كنت متل العادي، رمز للإنهزام، وللفشل وللرضوخ

انت مقتنع انك رمز من رموز الإستقلال اللبناني

صحيح يللي ارتشوا ماتوا

كنت حابب قلك، استحي عَ شيبتك، بس ما بتزبط

بسيطة، عندي حلّْ

استحي ع صبغتك

الراحة بالصراحة، و ما تزعل منّي، بس ما عدت قادر اسكت عليك بقا، انتا صار لازم تسكت

المصدر: صوت المدى