Agoraleaks Agoraleaks
– جريصاتي كان لازم يعمل معركة.. (التفاصيل)
مقتطف من حديث نائب رئيس مجلس النواب الأسبق ايلي الفرزلي لقناة “الجديد”: (30 تموز 2017)
حول الموازنة
- انا مع معادلة فخامة الرئيس ميشال عون،
العقل يقول، انو الموازنة تنحطّ قبل الضرائب، وهيدي قصة في غاية الأهمية - انا مع فخامة الرئيس بتعليق المادة الدستورية التي تتعلق بالموضوع ليكون هناك إخراج حقيقي لمسألة قطع الحساب.
- في مليارات الدولارات، الشعب اللبناني بدّو جواب؟
كفى ولدنة.. سمعت حديث لوزير المال (علي حسن خليل) بقول:
في مساعدات وهبات، مش مسجلّة بالقيود.
سلسلة الرتب والرواتب أنا مع تصديقها
القضاء
- الجسم القضائي مش موظّف. ومش استاذ جامعة…!
الجسم القضائي لازم يكون مرتاح مادياً، وأنا مع راحتو المادية - الصندوق التعاضدي يجب معالجته.. وفوراً ودون تردّد، مهابة القضاء أصيبت بنكسات.
- بولس الرسول يقول: الكرامة لمن ليس كرامة، والمهابة لمن له مهابة.
عملو كرامة لحالكم.
شو كل ما سمعتو بتشكيلات، منلاقيكم عَ بواب الزعما، تبويس إيدين… وإنتا ربنا الأعلى، حتى نعمل تابعين لشخصكم في القضاء!! - أيا قضاء بيبقى بلبنان.
– هيك كان يعمل عاطف النقيب..!
– هيك كان يعمل حليم الحايك..!
– هيك كان يعملو كبار قضاة الجمهورية، اللي عملو مجد القضاء بلبنان، يللي بعرفن من ايام أهلي لليوم.. - وقفو عن المآدب، وقفو عن الأكل. وقفو عن السهر بالليالي.
مبارح شخص متل القاضي “داني شرابية” بيتعاطى بمسألة الدكتور نادر صعب،
شو بيعمل؟
بيعمل كل شيء قضائي محترم…
بدل طبيب بعيّن 3 أطباء شرعيين، بيعطو تقريرن،
– وبيعمل تشريح للجثة
– الأهل بيرفضو، يصرّ على ذلك، ليتأكد من سبب الوفاة
– هل هناك خطأ طبي، ام لا؟
في التشريح بيطلع الوفاة، سببها جلطة دهنية رئوية.
وإذا بيستقيل؟ قال طالع صورة بعشاء مبيّن صوة الدكتور نادر صعب، إعتبر حالو انو مشكوك بأمرو، قدّم استقالتو من الملف..
رجعت اللجنة الطبية، بنقابة الأطباء، برئاسة شخصية محترمة الدكتور “مريم رجب”، أكدت التقرير الذي كان أعطي… - كيف أنا بدّي حافظ على كرامتي، وعَ كرامة الجسم القضائي، وقت بتصير زلمة فلان.
يا قضاة.. انتو وقاعدين على القوس، شو بينقال!
– هيدا زلمة فلان.. وهيدا زلمة فلان..
وبصير المواطن والمتقاضي يقعدو على بواب السياسيين المعنيين ليعملو وسايط - انا ما بسمح لنفسي احكي عن القضاة، ولكن عم شوف الشواذ.
انتا يا وزيرالعدل (سليم جريصاتي) يا حبيبي، انتا صديقي. ولكن اتكلم معو بألم، كما عن وزيرالصحة (الحاصباني).
جريصاتي كان عليه أن يقوم بمعركة
- هذه معركة كان يستحق ان تتصدى لها في مجلس النواب، وزير العدل قال: صندوق التعاضد تركوه.
قام احد الشخصيات السياسية ردّ: متلن متل الموظفين، بلا صندوق تعاضد.. سكتْ.
كان لازم يعمل معركة. وبعلّق استقالتي على هيدا الموضوع. انتا مش عم تدافع عن صندوق تعاضد، عم تدافع عن استقلالية القضاء.
قصة القضاء قصة، فيها دويلات…
إذا هيدا الموضوع ما بدو يتصلّح.. برأيي يعملو محاكم عرفية. - فصل القضاء عن السياسة وفصل الإدارة عن السياسة، هيدا هوي الإصلاح، الباقي كلو تفاصيل.. هيك عمل فؤاد شهاب، وهكذا ينوي فخامة رئيس البلاد ان يفعل
الأطباء
- في لبنان، هني واجهة لبنان الحضارية،
من نحنا وصغار، لبنان مستشفى الشرق، وهو بالواقع كذلك، وما يزال…
هذه جامعاتنا، وهذه مستشفياتنا.. ما حدا بيقدر يناقش بهالنقطة - بستغرب كيف عم يسمحو بهالجسم النقابي، (نقابة الأطباء تعبّر) انو تضل القصة عرضة لمذبحة حقيقية لسمعة العمل النقابي
- مؤخراً كان موضوع نقاش وفاة المرحومة “فرح قصاب”،
نقيب الأطباء بعتْ تمنّع وتمترس، على مدى 60 يوم خلافاً للمهلة التي اعطيت من القضاء (15 يوم) وتقرير اللجنة كان موجود بين يديه، وبحثت اللجنة المنتخبة التقرير بالمجلس، وأخدت أكثرية… نعم الدكتور نادر صعب ابن بلدي، ولكن القصة بطّلت قصة نادر صعب… صرت عم احكي عن مسألة القضاء ومسألة نقابة الأطباء.. - قصة نادر صعب انتهت من شهر..
اسقاط الكيدية، لأنو العمل النقابي عمل مقدس..
وزير الصحة (غسان حاصباني) استسلام للشعبوية، انو سكّر مستشفيات، وفتاح مستشفيات..
أدعو الوزير حاصباني لأني أحترمه لمناقشة علنية على شاشة التلفزيون، تتعلق بقضية نادر صعب، لأظهر انّه كان متحيزاً، وخلّي يقلي لاق… وإذا ما كان متحيّز انا سأعتذر منه علناً أمام الرأي العام اللبناني. - أما آن يا معالي الوزير، يا دولة الرئيس، لهذا الفارس (نادر صعب) أن يترجل عن صليب قرارك المُستند الى اللا-شيء في نقابة الأطباء، من اجل تقويم العمل النقابي…
رصد Agoraleaks.com
