Agoraleaks Agoraleaks
– وقت النميمة والحكي ع بعضنا لنضرّ نجاح بعضنا.. هيدا شو!!
زوادة من الأب الياس مارون غاريوس (إنسجام الروح والجسد حتى تكون حياتنا شهادة حقيقية ليسوع ?)
- بالإنجيل حصل تشاور بين اليهود والفريسيين والصدوقيين،
عم يتفقو ويتشاورو مع بعضن، كيف ممكن يهلكو يسوع؟ - اليوم،
نحنا كبشر، كولاد يسوع،
قديه عم نتشاور مع بعضنا، حتى نهلك المسيح بحياتنا، وبحياة كل انسان عم يحيط فينا؟
بتقولولي: أبونا عم تزيدا، وعم تبهدلنا؟
لاق؟؟
– وقت أنا بقعد مع خيي الإنسان، وبتشاور على “انسان” لأنو زاعجني نجاحو، ولازم دمرو..!
هيدا مش تآمر عَ يسوع!!
جاوبو…!!
– وقت النسوان بيقعدو مع بعضن بالبيت، عَ فنجان القهوة،
وبيتشورو عَ نسوان تانيين.. هيدا مش تشاور عَ يسوع لإهلاكو…!
جاوبو…!
– وقت نحنا منقعد، أحزاب ضدّ أحزاب، ومنتشاور كيف بدنا نعمل مكيدة لبعضنا،
هيدا مش هلاك ليسوع..!
– وقت نحنا منتشاور، ومنقعد شركات تتفق على شركات، حتى تدمرها.
هيدا مش هلاك ليسوع…!! - نحن ندمّر يسوع، ونقتله في كل لحظة في بيوتنا ومجتمعاتنا، وأحزابنا، وبحرياتنا المرتّة والمزيفّة.
انا بدّي قلكم،
- لازم ناخود قرار، نخلق انسجام ما بين جسدنا المتطلب للشهوات، والغرائز:
القتل + إعدام الآخر بالصيت الخ… انو نجعل جسدنا متشاورمع روحنا، لتقول الروح لجسدنا: “قم وإنتصر” لأنو المسيح منتظرك بالإنتصار.. - بدنا نطلب من الرب يسوع المسيح، يمنحنا بروحو القدوس،
انسجام الروح والجسد، حتى تكون حياتنا شهادة حقيقية مطلقة لالو…
رصد Agoraleaks.com
