وديع عقل يذكّر نديم الجميل بليلة قطع النصرة رأس أحد العسكريين: الله يرحم بيّك “طق الحنك” وقفو (Audio)

– جورج ياسمين يسأل عن النقيق والنعيق…!!

المستشار القانوني لوزارة مكافحة الفساد المحامي وديع عقل لقناة الـ”OTV”:

• كيف نقتلو شباب الجيش اللبناني،
  بتتذكرو اللبنانيي انو فصلولن روسن عن جسمن.
  يا عيب الشوم عَ الأصوات اللي عم تطلع..
  يا عيب الشوم يا نديم الجميل
• يا نديم الجميل يا عيب الشوم عليك؟
  من سنتان لما اجانا خبر، وكنا بسهرة عائلية بمطعم ببيروت، وموجودين بعشا لأحد الأشخاص.
  نديم الجميل كان قاعد ورايي.
  بيوصلنا “SMS” على سيللوليراتنا، بقول انو احد عناصر الجيش تمّ إعدامو من قبل جبهة النصرة..
  بطلّع بزوجتي، وبيللي معنا، وبقلن شباب:
  إعذروني، ما بقا فينا هون نضلّ بجو “طقش وفقش”.
  في شبْ استشهد كرمالنا فوق، ونحنا رح نترك المحل.
  
• بترك المحل نديم ضلّ سهران، ما تجي تخبرني يا نديم الجميل، ويللي متلك، وانت مثل.
  ما تجي تخبرني شو عم تعملو!!
  أنت شو عم تعمل!!
• الله يرحم بيّك يا نديم الجميل.
  هيدا طق الحنك بالكلام.. يوقف.
• هودي اللي استشهدو فوق متربصين فوق، هودي ودّولنا سيارات فجرّت أهلنا، وعيلنا ببيروت.
  هودي ودوّلنا عَ الشمال مقاتلين قاتلو الجيش، على اشهر وسنين طويلة..
  هودي سندو أحمد الأسير الأزعر اللي قاعد بالحبس، وناطرين المحاكمة يللي طولّت. حاج بقا يطوّل هالفضاء. خلص بقا هيدي قضية وطنية كبرى تًحسم في أيام واسابيع وأشهر، حاش بقا نتلطى بقوانين متل ما عم ينشغل. الناس حبلتْ.
• هودي اللي فوق
  – جبهة النصرة
  – القاعدة
  – داعش
  – فتح الشام…
  هيدي البضاعة مقاتلين شرسين، أجادن الجيش اللبناني، وأجادو حزب الله، وتحية لالن جميعاً عَ يللي عملو وشكراً، وشكراً وشكراً

معادلة جديدة

• فخرنا العماد ميشال عون، لأنو هذه المعادلة الذهبية الجديدة، رذل وكسّر الخشب ميشال عون.
  اليوم في معادلة بالبلد، معادلة ذهب:
  – رئيس للجمهورية
  – جيش
  – مقاومة
  – شعب شريف وعظيم
  وهيدا لبنان القوي، لأنو راح لبنان اللي لقمة سائغة..

هذا وأشار الإعلامي جورج ياسمين عن مفارقة تحصل:

• من أسبوعين الجيش اللبناني عملْ مداهمات بعرسال، واتهم زوراً وافتراءً بارتكاب انتهاكات..
  يومتا عمل مداهمات على ارهابيين، ولقّط إرهابيين.
  بالمداهمات، ما بفوت الجيش بالـ”نقيفة” ولا بفوت بالـ”خردقة” ولا بفرقيع “ديك”!
  فايتين بسلاح، لأنو اللي مقابيلن مسلحين، وفي ناس نسفو وفجرّو حالن بوجّ الجيش. وراح اصابات، ومات منن للإرهابيين، فقامت القيامة، انو الجيش شو عم يعمل؟
  صار بدن راس الجيش، وبدن محاكمات
  نعيق ونقيق بحق الجيش…
• هلق من بعد ما بلش حزب الله بعملياتو بالتنسيق مع الجيش اللبناني،
  شو طلعت أصوات..
  نحنا ما بدنا حزب الله..
  شو عم يعمل حزب الله بدنا الجيش!!
  فليتدخل الجيش وليحسم الأمر، وليتولى زمام المبادرة الجيش ويزيح حزب الله عَ جنب..

مين بدّن؟
الجيش أو حزب الله.. أو ما بدن التنين…

رصد Agoraleaks.com