كلام خطير من ناجي غاريوس بخصوص تأمر الأمم المتحدة بموضوع النازحين السوريين… (Audio)

– لو شلنا المسلحين من جرود عرسال.. في خلايا نايمة بالمخيمات..

مقتطف من حديث عضو تكتل التغيير والإصلاح النائب الد. ناجي غاريوس لقناة الـ”OTV”:

النازحون السوريون

• هيدي الموضوع لازم كان ينبحث من زمان، من 4 سنين او 5 سنين.
  صارو يماطلو، شي يتخبا ورا الأمم المتحدة، شي شوف شو بدا الأمم المتحدة…
  قلنا 68 سنة ناطرين شو بدا الأمم المتحدة، بالنسبة للفلسطينيين، وبعدنا محلنا
• الأمم المتحدة “مخباية”
  معليش، منقولا  واضحة.
  اليوم عرسال شو المشكل؟
  – النازحين: يللي هني 5 مرات اكتر من سكان المنطقة اهل عرسال
  – الإرهابيين: والخلايا النائمة
• حتماً بدّو يصير في ضرب “كماشة” بين الجيش السوري، والجيش اللبناني، ويحطو الإرهابيين تحت القصف

• اليوم الجيش اللبناني عم يقوم بواجب وطني كبير، حتى نحنا نبقا أحياء
  الوجود الكثيف السوري، يعني لنازحين السوريين بالمنطقة هني 5 مرات أكتر من عدد أهل عرسال.
  كيف الحل؟
  لنفترض شالو المسلحين،
  رح يرجع يصير في مسلحين ، لأنو في كمان بعض الخلايا النايمة، وعندا كمان سلاح، ورح نضل ملتهيين بموضوع الأمن والنازحين السوريين..

التنسيق مع سورية

• بما أنو في عنا تبادل دبلواسي بيننا وبين سورية
  – في عنا تبادل عسكري بيننا وبين سوريا
  – في عنا تبادل تجاري بيننا وبين سوريا، وعم نشتري من عندن كهربا
  – في تبادل مع الأمم المتحدة وسورية
  على شو نحنا ما بدنا نعمل تبادل..!!
  الأمم المتحدة مخباية،
  الأمم المتحدة ما بحلو قضايا. بتتلقى شكاوى. بتعمل اجتماع بمجلس الأمن. بتطلع بتوصية
  وما طلعو بقرار الاّ عَ لبنان، حطو تحت الفصل السابع.. بعد 2006

تأمر الأمم المتحدة

• بدّي خبركم شغلة،
  انا بلجنة الصحة، اجت مندوبة الأمم المتحدة تبع النازحين السوريين،
  دعينا وراها كلجنة صحة، حتى نأمّن مستلزمات الصحية للنازحين وليللي مستقبلين النازحين، بتقول:
  
  نحنا رصدنا ل 5 سنوات (شوف هالكلمة) موازنة مليار و700 مليون $ ميشان النازحين السوريين بلبنان
  قلتلا: ليش 5 سنين؟
  أنا بعترض. وسجلّت اعتراضي..
  هيدي طريقة انو عم تفسريلنا انو هودي السوريين باقيين “مينيموم” 5 سنين، ويمكن تجددولن بعدان.
  وعم تعطو السوريين أكتر من اللبنانيين..
  كأنكم عم تقولولنا بدكم تبقو السوريين هون بلبنان
  من بعدا شي شهر، صار في المؤتمر بأميركا، قام اليوم يللي هوي اليوم الرئيس الألماني “شتاينماير” (كان وزير خارجية) بقول:
  بدكم تتأقلمو..
  لازم يتأقلمو السوريين معكم بلبنانز
  بعدان،
  – بتعلموهم
  – بتطببوهم
  – بتشغلوهم
  وبيحكو عن إندماج مش عن عودة
  انا هون بدي اطلب من الوزرا اللي هني، عم يقولو : ما بدنا نتعاون مع السوري، حتى يعودو النازحين بأمان
  نحط “نتفة” صغيري ماي بالنبيدات تبعنا، ونتعاون سوا، لأنو نحنا منا ضدّ السوريين،
  بس نحنا مع اللبنانيين.
  عم ننسى “مكسيموم” انو الهمّ الكبير للدولة اللبنانية، النازحين السوريين، وكأنو ما في عنّا مشكلة الاّ النازحين السوريين، نسيو انو في نازحين شباب لبنانية منعلمّهم، وأهلن بيتعبو علين، وبيصرفو مصاري

رصد Agoraleaks.com