Agoraleaks Agoraleaks
انتا اللي متشجّع وبتقول دايماً: أنا بعمل شو ما بدو الرب، وما بعمل الاّ ارادتو ومشيئتو، الك هالخبرية:
- بقولو كان في رجال عم يتصيّد بالغابة،
وكانت كل الأرض مغطاية بالتلج - هوي وراجع عَ بيتو كانت عم تعتّم..
زحط،
وقع،
ولاقى حالو متمسّك بشلح… - ببلش يصرخ ويقول: يا رب دخيلك ساعدني، قلي شو لازم اعمل، مش حابب موت.
- بيسمع صوت عم يقلو:
إذا بدّك تخلص، اتروك الشلحْ اللي ماسكو بايدك؟؟؟
بقلو: اترك الشلح، ما في عندك حل تاني..
وما بيترك الشلح، وبيتجمّد وبموت.. - الصبح بيجو أهل الضيعة، يفتشو عليه. بلاقو ميّت ومتجمّد، بيفصل بينو وبين الأرض 10 سنتم….
الزوادة بتقلي وبتقلك:
- انتا المتحمّس عَ مثال بطرس وتقول:
إذا رحت يا رب على الموت، انا رايح معك… - راجع حساباتك، قديه عم تسمع كلامو، وتعمل فيه…
أو عم تعمل ارادتك، وعم تقول هيدي إرادة الرب…
الله معك من “صوت المحبة”
