ناجي حايك: كل سوري يجب أن يكون عميل للدولة اللبنانية وشندب يشجّع العمل الإنتحاري وعليه دفع الثمن (Audio)

– حتى يرجع السوريي الى بلدن، في طريقتين.. (التفاصيل)

مقتطف من حديث عضو المجلس السياسي في التيار الوطني الحرّ الدكتور ناجي حايك لقناة “OTV”:

مسؤولية إسلامية – مسيحية مشتركة

• الأزهر مطلوب منو يوجّه المسلمين (هوي عم يعمل) ولكن مطلوب منو اكتر لتوجيهن باتجاه الطرق الصحيحية وابعاد الفكر الداعشي
• من عند المسيحيين مطلوب من كل الكنائس والطوائف، دعوة المؤمنين لحقيقة المسيحية.
  وحقيقة المسيحية محبة الآخر. وصولاً لمحبة الأعداء

النزوح السوري

• التيار الوطني الحر كان سبّاق الى الدعوة لقوننة الوجود النازح السوري،
  والعمل على إعادة قسم كبير الى ارضن، لأنو في محلات بطّل في عمليات عسكرية، متل حلب، الناس بحلب لازم يرجعو
• حتى يرجع السوري الى بلدو، في طريقتين:
  1- توقيف الحوافز اللي بلبنان، وتعطيهن ياها بسورية
  2- التعاطي المباشر مع الدولة السورية
• إذا كانو السوريي بحبو أو ما بحبو الرئيس السوري بشارالأسد،
  الشي الأكيد انو البديل الذي ظهر عن الرئيس الأسد هوي بديل مقزّز وبديل مجرم.
  لذلك السوريين يفضلون الرئيس الأسد

المخيمات

• المخيمات إن بعرسال وغيرا، صارت مقرّ للإجرام وللإرهاب، ويجب ضربن
• مقارنة بين وجود فخامة الرئيس ببعبدا ووجود العماد عون باليرزة واللي كان موجود على أيام الفراغ او الرئيس سليمان،
  – قبل المخيمات كانت كلا فالتة، ولا كان في قرار مركزي، ولا تناغم بين قيادة الجيش ورئاسة الجمهورية وبين القوى الأمنية، وكان في قائد جيش طالع بالو يعمل رئيس جمهورية، ومستعدّ انو يبيع ويشتري بالأمن متل ما شفنا بنهر البارد، وبعضن كان مفتكر انو الوجود السوري بمخيمات عرسال رح يسبّب شرارة لوصول عسكري الى رئاسة الجمهورية.
  – هلق في دولة مركزية. رئيس جمهورية صارم وقاطع واللبنانيي ملتفين حولو، وفي قائد جيش حازم، وفي تنسيق بين مختلف الأجهزة، وفي قرار حكومي واضح حول محاربة الإرهاب..
• كل شخص سوري موجود بلبنان مفروض يكون عميل للدولة اللبنانية.
  يعني بأي مخيم سوري بيطلع منو انتحاريين بفجرو، يجب أن يرحل اللي فيه.
  لا يمكن يصير في تعاطي مع المتفجرات بمخيم مكتظ ، والمخيم فيه عشرات الإنتحاريين يعني الناس شايفة في أحزمة ناسفة.
• يطلع فرقاء لبنانيين يطالبو باخلاء سبيلن،
  محامي متل طارق شندب شكلو متل شكل الإنتحاريين الدواعش، مفروض نقابة محامي الشمال انو تعمل على طردو؟
  المجرم الو حق يتوكّل عنو المحامي.
  ولكن المحامي ما بيقدر يعمل دعاية للإجرام والإرهاب بنوع من دعاية، يجب إزالة الحصانة عنه. ولازم يدفع الثمن
• نحنا لبنان قياسنا 20 مرة أقل من سورية.
  هالناس الموجودي بلبنان فيون يكونو بالأراضي السوريي.
• في خطر كبير ناسيينو.
  السوريين الذين ولدوا في لبنان، ولم يتمّ تسجيلن.. صارو مكتومي القيد… حتى ما بكرا يطالبو بالجنسية اللبنانية، مفروض يتسجلو في سورية…

رصد Agoraleaks.com