جيسكار لحود يوثّق كلمة تاريخية للعماد عون (التفاصيل – Audio)

دقيقة سمط مع جيسكار لحود على إذاعة “صوت المدى” (92.5 FM)

• الحلو بالجنرال عون، ومن قَبل ما يصير الرئيس عون،
  كلشي بقولو وبفكّر فيه، وبخططلو بيتحقّق
  كلشي
• الزعران الموجودين بالحياة السياسية اللبنانية نجحو يعرقلو ، يأخرو
  وبالوقت اللي كانو عم يأخرو ويعرقلو، كانو عم يأخرونا ويعرقلونا،
  وعم يأخرو تقدّم لبنان نحو الأمام ونحو الأفضل
• اللي قالو الجنرال وخططلو من سنة 1990، عرقلو لسنة 2005
  ورجعو كلن متل الشاطرين وقفو بالصفّ واحد واحد،
  وحكيو لغتو ونسخو مواقفو، وحاولو يسرقوها حتى..
• أنا شخصياً سألتو مرّة بأصعب الظروف كنّا،
  شو يا جنرال، عم يعرقلوك هالزعران، واردي تصير رئيس،
  ابتسم وقلي جملة، بعتبرا تاريخية: متل النسر بجي غاطط عليا.
  ذهلني بوقتا، شو عم يحكي، ما الكل مبينين ضدّو،
  كلن ما بدن ياه.
  وبالفعل متل النسر غطّ عليا
• وعد بقانون انتخابي عصري متطور، وهيك صار.
  انتبهو الرئيس عون منو لا اله، ولا قديس،
  الرئيس عون بكل بساطة، لبناني أصلي مش تقليد،
  المشكلة مش فيه، المشكلة فيون هني، هنّي تقليد
  
• الكل يستفيدو من يللي صار،
  الكل يترشّح، ويشكّل لوائح، المجتمع المدني اللي عن جدّ مجتمع مدني يشكّل لوائح، يخرق، ويقنع الناس.
  في فرص للجميع يا جماعة، خففو نق وروحو عَ الشغل،
  ونصيحة لعبوها صح، وما تفرجونا شي بيشبه تحالف اشرف ريفي وفريد هيكل الخازن مع حفظ الألقاب، كمثل..
• اذا اللوائح المعارضة رح تكون من لوائح اللي جامعن الحقد،
  الفرصة الأكبر رح تكون للكفاءات، وهيئات المجتمع المدني..
  روحو عَ الشغل ون شالله خير

رصد Agoraleaks.com