Agoraleaks Agoraleaks
– يمكن الكتائب ندمانين، وتحرك الحراك المدني بهاللحظة لا صدى له
مقتطف من حديث الكاتب السياسي والإعلامي في صحيفة النهار إبراهيم بيرم ضمن برنامج “أجندة”:
- اللقاء في قصر بعبدا، ما في حدا يغيب عنو. حدث كبير كان، وهوي نقلة نوعية من الحياة السياسية بعد إقرار قانون الإنتخاب،
هيدا لقاء مهم، لأنو للمرة الأولى بالبيان الختامي، بينحكى عن 3 نقاط اساسية: الشأن الميثاقي، والإصلاحي، والإقتصادي، - البيان النهائي بيتحدث عن دولة مدنية، ولقاء مبارح بيحرز كان يتضوى عليه بشكل جادّ، مش بشكل مهاجمة،
هوي أول شي يجمع الأضطاد وكل الوان الطيف السياسي بشكل لافت.
وللمرة الأولى بتحسي في رياحة سياسية وصفاء سياسي، وما في حدّة بين القوى السياسية، والصراع بين حزب الله والمستقبل انتهى، والصراع اللي كان بين المستقبل والتيار الوطني الحرّ انتهى وبالعكس.. - الرئيس الحريري عم يبحث عن دور ضمن هيدا الاستقرار السياسي.
انا مواكب الحياة السياسية من سنة 1980،
في استقرار ورغبة من الأطراف لعدم الذهاب باتجاه المشكل، بل باتجاه الحلول والبحث عن تسويات - كل عمرو متهم الرئيس عون متهّم انّو ضد اتفاق الطائف،
للمرة الأولى عم يطالب كيف بدنا نطبّق اتفاق الطائف، وموضوع الغاء الطائفية السياسية
للمرة الأولى بينقال تعو تنعمل خطة اقتصادية، مش عملية تلزيق شوية أرقام ونعمل موازنة - على الأقل كان للعونيين وبشخص رئيس التيار، فضيلة طرح القوانين الإنتخابية،
البحث عن قانون جديد، والحوار، والسجال والنقاش، كان عندو هيدي الجرأة، بالوقت اغلبية القوى السياسية كانت ناطرة، إمّا لتحرق الأفكار، او تستغرقا بمشاكل - اللي نعمل بالفترة الماضية، منّو سلبي هالقد، تنقول عم يتغطّى باللقاء،
في ورشة عمل مستمرّة، من قانون انتخابي، الى معالجة القضايا، وفي جرأة من الحكم لملامسة القضايا
كان بالزمانات، كل الأمور تؤجل وتُرحّل،
كل القوى أتيح لها الفرصة انو تجي تناقش بقضايا البلد الأساسية، فلماذا اطلاق النار بلقاء بهذا الحجم،
دايماً، انو نحنا الوضع الإقليمي، ونحنا قاعدين خيفانين، هلق لاق، في قضايا لبنانية عم نناقشها بمعزل عن الوضع الإقليمي نهائياً وتأثيراتو، وصراعاتو اللي هيّي مش عارفين أيمتى بتنتهي، يمكن بدها عقود - ضرورة النظرالى اللقاء في بعبدا بشكل إيجابي مش سلبي، متل ما تحاول بعض الصحف
ورداً على تجاهل صحيفة الأخبار، للقاء في بعبدا بعناوينها الرئيسية والثانوية، سأل بيرم
- معقول.. يعني هيدا بيحملنا لتساؤل، امّا هيي هفوة او..
وعن اعتبار الإعلامية لا قزي، انو التقزيم جاء حتى على لسان القوات، بوصفه بالصبحية، يردّ إبراهيم بيرم:
- لاق مش هيك الأمور، منا صبحية،
الاّ إذا هوي جايي يعمل صبحية، مع احترامنا لإلو - من الأساس عم قول في عتب على هيدي القوى والأقلام، اللي عم تحاول تقلل من أهمية هذا اللقاء
- الرئيس الحريري اليوم بمرحلة جديدي، بالصورة والشكل والهيئة والخطاب السياسي هوي مختلف تماماً عن المرحلة الماضية،
وهيدا الشي من عوامل الإستقرار والتوازن بالبلد - الكتائب بمغادرتن الحكم، او على الأقل بعدم دخولن للحكومة الجديدي،
هنّي ندمانين، أنا مع معارضة بناءة والخ، ولكن بهيدي اللحظة حتى الحراك المدني، بهيدي اللحظة وبعد إقرار قانون انتخاب، الصوت المعارض لا صدى له.
رصد Agoraleaks.com
