Agoraleaks Agoraleaks
– جورج ياسمين عن علاقة القوات والتيار.. هيك مش زابطة!!
مقتطف من حديث نائب رئيس التيار الوطني الحر للشؤون الإدارية رومل صابر:
رداً على سؤال تناغم “قواتي – مردة” بخصوص الكهرباء، لضرب عملية توثّب التيار الوطني الحر، بهذا الخصوص، يقول:
- المضحك المُبكي، انو خلال 25 سنة، ما حدا حرّك ساكن بالكهربا
بلد متل لبنان صار مكلّفتو الكهربا 32 مليار $، وما في كهربا
العراق بعد الحرب اللي صارت، وعندو كهربا بـ12 مليار $ - ما بلّش حدا يحطّ خطط مزبوطة، الاّ وقت استلم الوزير باسيل قطاع الطاقة،
ولو تنفذّت اليوم، كان عنا اليوم كهربا 24 ساعة
مع زيادة الساعات اللي نعطت للمواطن، نزّلت فاتورة “الموتور” 25 الف ل ل.
وهيدا شي ملموس بين الشعب - نحنا كتيار عنا كامل الثقة بنزاهة وشفافية الوزير سيزار أبي خليل، وبالقدرات التقنية والعملية.
المؤسسات بلبنان الها حق تستدرج عروض، وهيدا اللي صار.
بدنا كهربا أو ما بدنا أو لاق
بدنا كهربا أرخص من الموجود، او ما بدنا كهربا أرخص؟
اللي عم ينجاب اليوم، حتى تكون الكهربا أرخص من انتاج الدولة اللبنانية.
صارت القصة متل أيام زمان، إذا ما حدا طلعلو كم “لحسة” من هون، بدّو يوقّف المشروع.
لاق.. ما رح نخلي المشروع يوقف؟
يسأل الإعلامي جورج ياسمين، ولكن ما حصل في افتتاح سدّ القيسماني، امر مفضوح ومئذي، وبشعة من بعض الأصحاب. صار في تكتّل من القوات والإشتراكي على مقاطعة احتفال القيسماني.. عم تنلعب مكشوفة، من الأصحاب وغير الأصحاب، يعلّق رومل صابر.
- انها الانتخابات النيابية، ما بدن يخلوك تحقّق شي ضمن الفترة هيدي،
حتى ما يقولو التيار الوطني الحر ووزرائو عم يشتغلو
هيدا عيبْ.
لو نفذّت الخطة من 4 – 5 سنين، كنا خلصنا اليوم، وصار في عنا كهربا وماي للكلّ.
ويشير ياسمين الى ان المشكلة اليوم مع التيار على ما يبدو، هو أنّ، العماد عون رئيس للجمهورية، وبقصر بعبدا، وجبران باسيل رئيس التيار أكتر وأكثر يكتسب الأرض، فالعين عم تتفتح على التيار، مع حضور ينتشر اكثر فأكثر، إضافة الى اصدقائه، ومناصريه..
فالتيار يكبر بشكل أكبر مما هم يتقبلونه، التيار خارج الحكم ولم يتقبلوه، فكيف هو بالسلطة الفعلية.. وكلامنا هذا بمحبة نقولها لأن الأمور مش زابطة بين التيار والقوات..
رصد Agoraleaks.com
