Agoraleaks Agoraleaks
– كلن كانو يقولو، ولو ما بتجمع بسدود الميْ حتى ما تروح هدر على البحر (غريس مخايل)
المياه لِ 27 قرية للشرب والري، مع قدرة قصوى لمحطة تقنية ومعالجة المياه أسفل السدّ، تصل الى 12 الف متر مكعّب، في اليوم. حجم تخزين ثابت للبحيرة يصل الى مليون متر مكعب، هو ما يؤمنه سدّ القيسماني لأهالي قضاء بعبدا، فلماذا ثمّة بعض يعترض؟
يقول النائب ناجي غاريوس:
- كلن كانو يقولو، ولو ما في حكومات بلبنان بتجمع بسدود حتى ما تروح الميْ هدر على البحر.
- لما جينا عملنا السدّ،
قالو ما بدّن ياه، بأثّر عَ ميْ الشاغور - منتفهّم أهلنا بحمانا، ونحنا عايشين بحمانا متل أهل حمانا
هنّي بيعرفو تماماً، انو السدّ مفيد.
يقول:
- وصلت الشكاوى لوزارة الطاقة،
معالي الوزير أخد على عاتقو طلب، ينعد دراسة لمحطة تنقية لمياه نبع الشاغور
خلصت الدراسة، ومعالي الوزير والوزارة عم يهتمو باجراء التلزيم بأسرع وقت ممكن
في 2013، وُضع حجر الأساس، واليوم في 2017 دُشنّ السدّ بعد عدة عراقيل. وهذه المياه التي تجمّعت فيه، هي امطار شهر واحد.
يقول غاريوس:
- مش عاملين نحنا انجاز لأهلنا بالتيار الوطني الحرّ،
نحنا عاملين انجاز لكل اللبنانيين
كلنا سوا رح نشرب من هالماي هيدي - كلنا سوا رح نشتغل سوا للبنان. لبنان للكلّ.
يقول مستشار وزير الطاقة زياد زخور:
- في نظريات ناس بتكون مع المشروع، وناس ضدّ
بعلم الجبر، إذا انطلقنا من فرضية غلط.
فيكي تكتبي وراالفرضية الغلط شو ما بدّك - وإذا في خلفيات غير علمية وغير هندسية، الجواب تبعو مش من وزارة الطاقة
إذا كان اللسدّ يؤمن المياه لقرى المتن الأوسط والأعلى في قضاء بعبدا، فهل هذا يعني ان أهالي ساحل بعبدا مغبونون؟
يقول نائب بعبدا، ناجي غاريوس:
- في مشروع سدّ البسري والأولي، عم نجرّ المي منن، وصولاً لكعب علو 450 متر، عَ طول الشط الممتد من الشوف ليلحق بيروت.
كل القرى الموجودي عَ علو 450 متر – 500 متر عن سطح البحر، رح يشربو
يقول زياد زخور:
- في عنا بعد قسم من قسطل جرّ المياه، من محطة المعالجة للخزانات،
لم يتم تنفيذو للحظة هيدي، نتيجة عدم توفّر اعتماد للإستملاك لمجلس الإنماء والإعمار - رفع المجلس لمجلس الوزراء وأخد قرار فيه، وحولو لوزارة المالية
نحنا متأكدين انو وزارة المالية عم تهتّم توفّر الإعتمادات لحتى يتمّ استكمال المشروع
رصد Agoraleaks.com
https://www.youtube.com/watch?v=C8t2AUIDiAg
