إفتراءات طالت مستشفى “نادر صعب” ضحيتها الرأي العام.. (التفاصيل)

– ابتزاز الناس بالتشهير من خلال الإعلام..

مقتطف من حديث نائب رئيس مجلس النواب الأسبق ايلي الفرزلي، لقناة الـ”OTV”:

عن المسؤولية القضائية والإعلامية والسياسية فيما يحصل من انتشار لعمليات القتل على الطرقات..

الإعلام

• بعتذر من كل الإعلاميين،
  يجب ان يكون دور هادف بصناعة ثقافة الاستقرار النفسي،
  وعدم خلق مناخات.. انتا بمقدار ما بتركّز عَ مسألة الجرم والجريمة،
  بمقدار ما بطريقة تركيزك بتقدر تخلق مناخ فعل وردّة الفعل، وتمنعو

القضاء

• استسهال عملية اطلاق النار، والإعتداء والقتل، والذبح يعود لأمر القضاء وفقدان هيبتو

يُسأل الإعلامي جان عزيز: في قضية مستشفى “نادر صعب”، القضاء ما بيّن انو تأخّر، يعلّق الفرزلي:

• بالعكس،
  صار في محاولة من قرار القضاء.
  مما أجبر القاضي يعزف عن الإستمرار بمهمتو
• قاضي يُقدم على المطالبة ، بدل ما يعيّن طبيب شرعي واحد،
  عيّن تلاتي.
  قاضي طالب باجراء التشريح، لمعرفة سبب الوفاة، وعمّا إذا كان هناك خطأ مهني ارتكب، ام لا؟
  رُفض بداية الأمر من الأهل
• نتيجة اصرارو عملو التشريح، وتبيّن انو سبب الوفاة هي جلطة رئوية دماغية،
  وهيي من نتائج أي عملية قد تحصل
  وإذ
  بالإعلام في لفلفة..

عتب

•  هون كان عتبي الشديد ع الصديق وزير العدل سليم جريصاتي، وقولو:
  سأمنع اللفلفة
• أي لفلفة؟ وشو؟
  اما انو في لفلفة، اذهب اليها أيها الوزيرباتجاه العقاب، او انو ما في لفلفة، انجبرت تقول هيدا الكلام، لترضي الرأي العام المصنوع من الإعلام
• لكن كان يجب ان تستطرد وتقول:
  اني امنع الإعتداء على بريء
• بالقضاء في فلسفة تقول: افضل ان يحكم على 100 مجرم بالبراءة، من ان يُحكم ع بريء بالجرم
• كيف بدك تعمل لبنان مستشفى الشرق،
  اذا كل مريض فات عَ مستشفى، (أنا بحب حدا يموت)
  الله يرحما. أساساً عيلة الدكتور نادر صعب، كانت عم تبكي وزعلانة على الفقيدة، أنا أكيد اكتر من المرتبطين بمصالح بوالد الفقيد

لبنان مستشفى الشرق

• إذا كل حادث صار بمستشفى..
  معرضّة المستشفى يصير فيها حالات، او لاق..
  هون مش خطأ، حادثة
• الأطباء الكبار صار معن حوادث
  إذا طلعت على الإعلام وبلشت نشر فيهن.

يُسأل الفرزلي عن شائعة هروبه من البلد، يقول الفرزلي:

• الدكتور نادر صعب، موجود هون.. كيف هرب؟
  طبعاً مش مزبوط
  طلع كلام انو غير منتسب للنقابة. مش مزبوط
  طلع كلام انو مستشفاه مش مرخًّص.. مش مزبوط!
  طلع كلام انو دفعت المريضة (رحمها الله) 50 الف $، وهيي دافعة 5 آلاف!
  طلع كلام انو ما في عندو أساليب الإنعاش، وكل هيدا موجود!
  بس إعلام مُركّز، للنيل من اسم ناجح.. طار اسمو في البلاد العربية في شرق العرب وغربها

لصالح مين يُسأل الفرزلي، يردّ:

• مصالح
  او محاولة ابتزاز واستدعائو لحتى يقوم بالواجب
• لذلك انا علناً على التلفزيون بقول:
  اذا الدكتور نادر صعب قد ارتكب خطأ طبياً، ليأخذوا رأسه،
  بس فينا نحسما عبر الإعلام، ومنطلع قرار اعدام، قبل ما تُستكمل التحقيقات!
• القضاء متاكل راسو بالإعلام،
  متّاكل راسو برجال السياسة.. بالتشكيلات القضائية، بالمصالح القضائية..
• انا ابن بيت، عايش بالقضاء
  جزء من الجسم القضائي،
  ما عادت محمولة قصة القضاء، الإستخفاف بالقضاء، اسلوبن، طريقتن، غداواتن، عشاواتن، محسوبياتن عَ الزعامات السياسية

مثل عن قضاء 1947

• سنة 1947، قاضي بمحكمة جنايات زحلة،
  بجبلو “كارت” احدن، من الشيخ سلطان (سليم خوري) شقيق رئيس البلاد، بيعطي الكارت،
  بقلو القاضي، “لاقيني عَ المحكمة تشوفك”؟
  بفوت عَ المحكمة، جلسة جنايات، قلن هيدا “الكارت” إجاني من واحد اسمو سلطان سليم بتوصية، ولقطو وخزقو قدام المتقاضين وقدام المحامين والرأي العام..
  وين بعد في منّا هيدي.
  القضاء اللبناني، كان اهم قضاء بالشرق..
  قوانين الجزائية والمدنية كانت من اهم القوانين

رصد Agoraleaks.com