بالصوت – تعريف الموت مع الأب مروان خوري (mtv)

مقتطف من حديث الراهب المريمي الأب مروان خوري لقناة الـ”mtv”:

شو هيي القيامة والخلاص؟

• اشبّه الأرض متل حشا كبير،
  متل ما حشا الإم. هوي حشا صغير. بيحمل ولد أو تنين أو تلاتة.
• الأرض هي حشا، الرب خلقو، حاملة البشرية،
  ونحنا بقلب الحشا عم نتمخّض.

الموت

• بالموت، متل ما بتجي ساعتو للولد، تيخلق…
  وقت الولادة مع امّو بصير يشدّ بدّو يفوت لجوا،
  ما بدّو يضهر
• بفكّر هالشدّ اللي عم تشدّ فيه امّو، تَ ضهرو لبرا.
  بفكّر امّي عم تقتلني..
  ميشان هيك، هو بشدّ لجوا، وهيي بتشدّ فيه لبرا،
  بس يضهر بيصرخ..
  بحسّ حالو فات عَ عالم غريب: أضواء وأصوات، ما كان سامعا.
  كان عايش بصمت، وعم يسبح بهالبحيرة الصغيري الموجودي برحم امّو..
• بصرختو بتفتح روايي، وبقلّع بالحياة..
  بعد فترة من هالزمن سألو هالولد؟ بحب يرجع عَ بطن امّو، بقلّك لاق..!
  هيدي الحياة، نحنا بقلب الحشا تبعا،
  بالموت منشدّ بدنا نبقا هون،
  ومنفتكر الله عم يقتلنا، أو الله موتلنا أحبا لالنا
  لكن:
• الله متل الأم، لما بتجي ساعتي،
  طلاع منّا لهالحياة.
  انتا ما جيت تتبقا فيا…
  بشدّ أنا بدّي ابقا. والرب بشدّ فيّي تَ اضهر!!
  ولما بضهر، ويا ريت منسأل، اللي صارو بالعالم التاني، إذا بحبو يرجعو على هالحياة،
  بقولولك لاق.
• اكتشفو شو سرّ السعادة، وشو هيي الحياة الحقيقية يللي الرب داعينا عيشا
  ساعتا بعرف، أنا هون كنت عم بولدْ، أو بالأحرى عم اتمخّض بحشا الأرض،
  حتى أولد للحياة الحقيقية يللي دعوتي، ان أكون بالسما مع الله.

المصدر: mtv