ناجي حايك لبري: حدا قايلك من المقربين انو انتا بتعمل متل ما بدّك؟ (Audio)

– مثل واضح عن طائفية بري.. وشو رأين يوضعو مقعد شيعي بكسروان ومقعد سني بجبيل

مقتطف من حديث عضو المجلس السياسي للتيار الوطني الحرّ ناجي حايك لقناة “OTV” ضمن برنامج “أجندة اليوم”:

الضمانات

• في حدا بجيب 95% وحدا 5%
  الضمانات تمنع يجي تبع الـ5%

عن بري الطائفي

• الطائفية بتكون الشخص اللي كل ادائو مربوط:
  1) يا امّا طمع لطائفتو
  2) يا امّا بالإعتداء ع طائفة أخرى
• نحنا ما عنا طمع لطائفتنا، ولا اعتداء على طائفة أخرى
• لما منطالب بحقوق المسيحيين،
  نحنا عم ننتزعا من أيادي الطائفيين،
  الرئيس بري بيحكي انو هوي ضدّ الطائفية، أنا من هون بتحدّى حركة أمل، تقلنا قديه فيه عندا مش غير مسلمين، غير شيعة
• اللي بكون خطابو الإنتخابي لا يستجلب الاّ مذهب واحد، ما في يقول عن حالو منو طائفي، وهوي ضدّ الطائفية

بري

• الرئيس بري معتقد انو هوي بدير البلد متل ما بدّو،
  بقول: نحنا شلنا وحطينا وعطينا.. لبنان مش شركة هوي بديرا ومالكها، ورئيس مجلس الإدارة، وصاحب كل الأسهم
• لبنان هوي خليط من الأحزاب ومن المذاهب، وجُب على كل مذهب وكل حزب يحترم الفريق الآخر،
  يحترم تمثيلنا متل ما نحنا منحترم تمثيلو الى ابعد حدّ
• بحطّ مهل بري.. ما بعرف مين قايلو من المقربين انو انتا بتعمل متل ما بدّك؟
  وبتعطيون أو ما بتعطيون..
  شو هالحكي: في رئيس جمهورية ببعبدا، ميشان هيك بدها ضبط
• 15 دايرة عَ النسبية تراجع،
  تراجع عن مجلس الشيوخ يرأسه ارثوذكسي
  ونحنا كنا معتقدين انو بدو يتراجع،  وهيك عم يصير
• اذا مفتكر انو هلق نحنا متل سنة 1989-1990، مغلطين كتير
  نحنا عنا ملء الثقة برئيس الجمهورية وبقيادة التيار الوطني الحر، ومنعرف انو الوزير باسيل ما بمرّق شي،
  وما حدا بيقدر يمرّق قوانين انتخابية، ويقول بكرا منعطيكم بعدان،
  كل شيء يُكتبْ،
  الاتفاق اليوم بكون مع تواقيع،
  ما هنّي بوقعوا ويلحسو امضاؤن،
  مع تواقيع لإقرار مجلس الشيوخ،
  على 40% من الحاصل الإنتخابي،
  على حقوق تصويت العسكريين،
  على البطاقة الممغنطة،
  على اللامركزية الإدارية..
• اتفقنا معن على قانون انتخاب، وقالو نعم.
  بس أعلنت انو اتفقنا، بقولو، بس هيدي مش قبلانين فيا..
  كيف بلا ضوابط وبلا اصلاحات؟

نقل المقاعد

• ليه مستحيين نحكي عن المقاعد، قي 20 مقعد زادوهم بعد الطائف ليه؟
  ميشان يسرقو 10 نواب مسيحيي؟ يا اما بيلغوها، يا اما بيعطوها للمغتربين..
  انو بطرابلس بصوّت 300 ماروني.. أو 500 ماروني بمنطقة تانية..
  القصة مش انقاصاً للموارنة هونيك، بس هيدا المقعد مش عم ياخدو هنّي..؟؟
  عم يجي حدا ينقيلن ياه!!
• إذا بيعتبرو نقل المقاعد مطلب طائفي، منقلن:
  – يتفضلو يعطونا مقعد سني ع جبيل، لأنو نسبة السنة بجبيل قد نسبة الموارنة بطرابلس؟ (هيدا حل)
  – يعطونا مقعد شيعي عَ كسروان، ومقعد سني
  – مقعد شيعي على جزين
  – مقعد سني بالكورة..
  ما بيعطوهم مقعد لأنو اقلية، بيتركوهم يستعملوهم بالنسبية ميشان الأصوات التفضيلية
• يروقو علينا شوي صغيري
  نحنا ثابتين بمطالبنا، ومش بري بحطّ المهلة، نحنا منحط المهلة
  اذا ما عطيونا اللي بدنا ياه، ما في قانون انتخاب ب 12 الشهر، وما في تمديد للمجلس النيابي
• نحنا القانون الحالي ما بدنا ياه، لأنو منو عادل.
  هل القانون العادل بيعطينا بتحالفنا مع (حزب الله + القوات اللبنانية + المستقبل) كتلة نيابية وازنة أكيد.
  نحنا بدنا قانون انتخابي عادل، والقانون العادل بكون نسبي مع الضوابط
• الفريق الآخر صار مغيّر 50 مرّة، بيعطينا مهل، متل كأنو تلاميذ مدرسة،
  الحقوق اللي عم نطالب فيا هي حقوق مسروقة

طائفية بري

• التشكيلات القضائية واقفي، لأنا ناقصة 3 قضاة شيعة
  قال ما في توازن؟ طيب نحنا 20 – 30 نايب، شو هودي؟؟
• الإشكالية حول قانون الإنتخاب، منا بآلية الإقرار،
  الإشكالية بالضوابط والتفاصيل، اللي فيا بالنسبة لالنا الملايكة مش الشياطين

رداً على سؤال وين حزب الله؟

• حزب الله وقف الى جانبنا بكتير الأمور، هيدي هيّي الحقيقة
  بس تجي ع موضوع الرئيس بري، بقول: أبعدوا عني هذه الكأس،
  لأنو في خصوصية شيعية، وبيفهم كمان انو عنا نحنا كمان خصوصية مسيحية بموضوع علاقتنا مع القوات اللبنانية

عن قول بري: لن نقبل بقانون طائفي لو قامت الساعة

• قلنالن من الأول، انو قانون الإنتخابي ابدى من رئاسة الجمهورية
• ما حدا يلعبنا على حفّة الهاوية، ونحنا ايدنا ما بتوجعنا
  اللي مفكّر انو في عضّ اصابع، هنّي عم يعضو اصبعن، وهني رح يقولو “آخ”
• نحنا منا خافين، ونحنا مع جمهورنا ومع الشعب اللبناني واضحين،
  وما منوقف نفسرلن شو عم يصير،
  اذا ما أخدنا حقوقنا كاملة، بكون في اعتداء علينا، ولن يحصل. ودبابات ومدافع ما بقا فيه، وغازي كنعان ما بقا موجود
• نحنا بالعكس قانون الستين متل ما هلق بربحّنا،
  نحنا بدنا قانون عصري، لأنو قانون الستين غير مناسب، وما بيسوا
  بالمصلحة الآنية موجود قانون الستين، مناخود اكترية، ومنرجع نغير القانون بعدان،
  اذا بفكرنْ ما منقدر نعمل هيك
  بس نحنا عم نتعاطى بمحبة مع كل الناس، مش قصة معك يومين يا بتقبل يا اصطفل، بلغي اقتراحي،
  الغيه اقتراحك، ونحنا منلغي اقتراحنا، كل اقتراح ما بناسبنا ما منقبلو
• بدنا نسبية مع حقوق مطلقة، حقوقنا مطلقة مش نسبية.

رصد Agoraleaks.com