جورج يونس: ما حدا بزايد عَ محبتنا لـ”MEA” وعم نكون ايجابيين بس عنا تمنيّ انو يحبونا كمان (Audio)

– عن الوزن والخطوات الإستباقية، والتحرّكات المقبلة… (التفاصيل)

مقتطف من حديث منسّق العلاقات العامة لحملة flight or fight جورج يونس لقناة الـ”OTV” ضمن برنامج “أجندة اليوم”:

• صرختنا بلشت من حوالي تقريباً شهر ونص،
  بلشناها عَ السكتْ، ما حدا تجاوب معنا،
  لما علينا الصوت شوي، كمان ما حدا تجاوب معنا،
  وجهنا خطاب لـ”MEA” ورجعنا وجهنا خطاب للسيد عماد الحوت، ما كان في تجاوب،
  من بعدا تلاقو الشباب على وسائل التواصل، وقدرنا نربط كل دول الخليج بحكم كوني كنت مغترب سابق لفترة طويلة، والعلاقات موجودي، وعنا الإنتماء والولاء
• بلشّت مع شخص جرّب يحجز،
  لأنو بيطلبو منّا نحجز قبل بوقت، لناخود أسعار منيحة،
  لما اجا شخص يحجز لعيد الميلاد ورأس السنة،
  طلع الـ”تيكيت” ب 741$، بالوقت بغير خطوط في ياخدا بـ350$، الفرق كتير كبير
• بلشت الحملة وكبرتْ، ولما الصرخة طلعت،
  تفاجأنا انّو العملية مش محصورة بدولة معينة،
  صار يينا تواصل مع دول باوروبا، ومع دول منتشرين وما في وصول لشركة “MEA”..
• معاناة اللبنانيي كبيري، لأنو في عنا اغتراب كبير منتشر بالعالم،
  وكلنا منعرف انو عدد المغتربين اكبر بكتير من عدد المقيمين بلبنان،
  اليوم الاقتصاد بلبنان، قايم بشكل كتير كبير على مساهمة المغتربين (8 مليارات $ سنوياً مساهمتن)،
  التمنّي انو هالصرخة توصل لأصحاب الشأن، وللمعنيين،
  نحنا عنا كتير انتماء لشركة طيران الشرق الأوسط، وما تتخيلو الشعور لما نشوف أرزة MEA بأي مطار بالعالم بتكوني فيه، بتحسي حالك وصلتي على لبنان قبل ما تطلعي عَ الطيارة
• لما بينقال من بعض المسؤولين، انو تعو عَ طيران تاني،
  مش معودين نشتغل هيك مع بعض، عنا هالولاء وهالإنتماء،
  نحنا بدنا نشتغل مع MEA، وحملتنا هيّي مدنية، وما في وراها حدا،
  أساساً ما فيكي تعملي سياسة بدول الخليج، بطبيعة الحال يمكن في اشخاص عندن حيثيات معينة،
  صرختنا هيّي صرخة ألم ومحبة للبنان
• اليوم لما بكون عنا عهد وحكومة عم تعمل كتير مبادرات تتشجّع المغترب يجي لعنا، ويتفاعل مع الأرض،
  ليه ما نشجعو يجي اكتر من مرّة عَ لبنان،
  منعرف انو اذا في شخص موظف بشركة بالخليج، بيطلعلو “تيكيت” بلاش بالسنة، شو اللي عم نعملو تنخليه يجي اكتر من مرة بالسنة؟
• اليوم وضع الشباب اللبنانيي بالخليج متراجع،
  في كتير شباب عم تفقد شغلا، وعندا معاناة..

الردّ على MEA

• ما بدنا نزايد ع طيران MEA، في كتير شركات عندن طيرات كتير مهمي،
  اجانا تقرير من الكويت، انو إذا بتحجزي يوم التلاتا، بتاخدي التيكيت بـ88 دينار،
  إذا بتحجزي يوم الخميس (الفرصة) بيطلع التيكيت 188 دينار.. ونهار الجعة بيرجع يتغير السعر
• ما حدا بزايد عَ محبتنا لشركة MEA، نحنا هالقد منحبن،
  عنا تمنيّ انو يحبونا عَ قد ما منحبّن، لأنو بدنا مصلحة هالبلد، ومنحبّ البلد

الوزن

• الطيران اللي بتجي من الخليج، بتعطيك وزن زايد بيوصل ل 46 كلغ،
  اذا عدد اللبنانيي الموجودين بالخليج حوالي 400 الف،
  بدل ما نعطيهم 30 كلغ، 46 كلغ، وضربناه بعدد اللبنانيي اللي بسافرو عَ الخليج، منعرف قديش فينا نحرّك الاقتصاد اللبناني بشكل صحيح
  هنّي بالعملية كتير دقيقين، بالوقت إذا بدنا نسافر عَ غير خطوط، كل هالشغلات مش موجودي
• السيد محمد الحوب بنفس البيان اللي طلع فيه علينا،
  قال انو حصتن من السوق 35%، معناتا 65% من اللبنانيي عم يستعملو طيران تاني
• اليوم لما طيارة بدها 3 ساعات ونص طيران، وطيارة تانية ساعتين طيران،
  التكلفة عليا اقلّ بكتير من ناحية الوقت والفيول، وكلشي تاني، بوقت التيكيت اغلى بكتير
• اليوم اللي بفوت عَ صفحتنا (flight or fight) عم يجينا مقارنات من لبنانيي متواجدين بكل بلدان العالم،
  وعم يفرجونا انو حاجزين عَ غير طيران

خطوات استباقية

• جربّت الـ”MEA” تعمل خطوات استباقية للتحرك اللي عم نعملو،
  يعني من حوالي اسبوع، التيكيت من بعد ما كان 2400 ريال، صار 1550 ريال،
  نفس الشي صار بالكويت، التيكيت كان بـ500$ صار 240 $،
  لهيدا السبب نحنا بدنا تكون الخطوات دايمة، ومش لإحتواء صرختنا..
• اليوم الحملة اللي عم نعملا، لاقت تعاطف من حتى المقيمين بلبنان،
  أصحاب الشركات، اللي عندو شغل، اللي بسافرو، الفنانين.. الجميع عم يتعاطف معنا، وفي احتضان للحالة..
  في كتيراشيا حطيناها، وفي اشيا رح تنزل بالأيام الجايي..

رداً على سؤال رأي المسؤولين السياسيين من تحركهم، سيما الوزير باسيل كان متعاطفاً، كونه يؤيد عودة المغتربين، وزيادة التواصل، يقول جورج يونس:

• في كتير سياسيين دعمونا، في النائب سامي الجميل، في فنانين.
  هالشغلة الها حساسية بمحل معيّن، عم نجرّب نحنا نكون شفافين، بحكم وضع الشباب بالخليج وقصة السياسة
• كل اللي عم يواكب التحرّك، عم نشكرو.
  في توجّه قريباً، حتى نبلش تواصل مع بعض المسؤولين، ان كان بدول الخليج، او بلبنان،
  عم نجرّب نكون ايجابيين مع MEA، ومنتمنى انو تلاقينا بايجابية، لأنو نحنا ما بدنا نخلّي ولا كرسي فاضية عَ طيران الشرق الأوسط كل السنة، مش بس بأوقات الزحمة، وقصة الإتفاقيات الدولية منتفهما، بس متل ما بتنطبق على MEA، بتنطبق عَ شركات تانية
• الوزير عبود تواصل معنا، في معلومات من احدى الدول الأوروبية التجارية،
  عندا 1800 طيارة كل يوم بالخليج، طلعت الأرباح تبعا 1,3 بليون يورو بخلال سنة،
  لتشوفي قديه، لما بتخفضي الأسعار بطريقة ايجابية، بصير في استخدام أكتر، وبصير في كمية اكتر، وهيدي بتعوّض اشيا تانية،
  وشركات الطيران التانية مش عم تخسر
• لما 3 أشخاص بياخدو “تيكيت” من أوروبا بـ 4000 يوو،
  بالوقت في تاخدي تيكيت عبر قبرص او أي دولة تانية، بـ 500$
  ليه عم نخلّي المغترب اللبناني يتعب، ،
  بالعكس، بدال ما يصرف مصرياتو برا، شباب بالخليج فيون يجو لو “ويك آند” بيننزلو عَ لبنان، ومنحرّك الاقتصاد بلبنان..

رصد Agoraleaks.com