باسيل من بكركي للناس: كنا نتمنى تكتمل عملية اصلاح التمثيل.. أنجزنا جزء بـ2009، وجزء بـ2017 وسنُكمل المسيرة (Audio+Video)

– في أبشع منا كلمة “مسيحية الأطراف”، هني القلب.. ونحنا ما كالبنا بنقل المقاعد..
– يكفينا فخراً انو تيار عندو الأكثرية الشعبية طالب بالنسبية

مقتطف من حديث رئيس التيار الوطني الحر الوزير جبران باسيل، إثر لقائه البطريرك الراعي في بكركي:

• حبيينا نقوم بزيارة للبطريرك لأنو القانون اليوم اللي فيه اتجاه السير فيه، اللي هوي قانون الــ15 دائرة، اخد شرعيتو ببكركي،
  صحيح قدّم الإقتراح العماد عون، وأول موافقة اخدا من الأحزاب الأربعة، وكان قانون الـ15 دايرة الخيار التاني بعد قانون اللقاء الأرثوذكسي
• بما انو ما مشي الأرثوذكسي ومشاريع أخرى، اليوم ماشي قانون الـ15 دايرة، يبدو ان هذه المهمة ع طريق الإنجاز، وبدها انجاز.. ورح نضلّ نقاتل لتمثيل افضل
• منعترف انو كان فينا نعمل احسن،
  ولكن بكل ظرف الواحد بيوصل لحدّ الممكن،
  ولكن المعركة تستمر لإحقاق الحقوق وتصحيح التمثيل بشكل كامل،
  وفكري بروح مع هيدا القانون لكتير من اللبنانيي يللي مع هالقانون بعد بيشعرو تمثيلن مش مكتمل
• اعترفت للبطريرك بما فشلنا احقاقو،
  وبما نجحنا في تحقيقه
• نشالله يستكمل بتحصينو بالضمانات، خصوصي انو مشروع قانون مجلس الشيوخ لم نقدر ننجزو،
  ومفروض ننجزو قبل الدورة الجايي.
• إذا حقيقة بدنا نثبّت الناس بأرضا، لازم نوقف عمليات نقل النفوس الجماعي،
  في جملة من الأمور مناسبة لتثبّت العيش المشترك، وللحفاظ على الخصوصية والتنوع، وهيدا غنى لبنان الأساسي
• في عنا فرصة لإنجاز عدة أمور يللي هيّي بتعطي اكتر طمأنينة ومعنى حقيقي لعيشنا الواحد
• كل شغلة الا مسارها،
  نحكى مثلاً بمقاعد النيابية، ونحنا مش اللي طرحناها، نحنا طرحنا شي أعمق، وأصحّ بصحة التمثيل
  إذا حدا طرحا، بتقلو لاق؟

• صحّة التمثيل تحقق بمجموعة اشيا، واليوم مع إقرار القانون، في اشيا قادرين ننجزا اليوم، وصولاً الى الدولة المدنية
• يجب استكمال صحة تمثيل المكونات
• المسيحيين منتشرين على كل الأرض اللبنانيي،
  اليوم هني بيدفعو الضريبة الأكبر،
  ولكن في مسلمين منتشرين ضمن اغلبية مسيحية،
  ولكن تواجد المسيحيين ع الشريط الشمالي والجنوبي والشرقي وبقلب الوطن، لازم يتكافأوا مش يتجازوا
• الضمانات اللي عم نطالب فيها، هيي لتثبيت وجودن وين ما هنّي، وهيك بتثبّت وجودن
• بتثبتلن وجودن لما بحسو أنو صوتن فعال، والنسبية بتعطيهن هيدا الشي،
  النسبية أفضل من الستين، ومبارح استقبلت 11 رئيس بلدية من شرق صيدا،
  اليوم صار عندن امكانية يصير صوتن مؤثر اكتر من قانون الستين، ولكن اليوم ما فينا نأمنلن ضمانات أكتر؟
  هيدا اللي عم نحطو بالقانون بالتأهيلي.. ما لازم حدا بلبنان يشعر إنو مغبون..
  في أبشع منا كلمة “مسيحية الأطراف”!
  شعورن انو بتستغني عنون غلط، لازم يشعرو وين مكانو إنو هنّي بالقلب
• كل الحكي عن نقلن، مين حكي فيه؟
  ما نحنا مش عم نقبل بنقل نفوس واحد.. حتى يبقى ابن عكار والبقاع والجنوب بأرضو
  وهيدا معنى لبنان، وتنحافظ عليون بدنا نعطيهم حقوقن السياسية كاملة سياسياً، مش بس انّو بعيشو، وبكونو متآخين،
  أكيد متآخين مع المجتمعات اللي فيها، طبعاً..
  وهنّي عاملين معنى التآخي
• فتح الجلسة الإستثنائية، صلاحية لرئيس الجمهورية، بالإتفاق مع رئيس الجمهورية، وما في نقاش عليا بالبلد،
  ون الله ردّ رح ينقرّ القانون بين 7 و20 حزيران
• ما ننسى انو بعد في شغل، والقانون بدّو ينعدّ ويتقدّم لمجلس الوزرا

ورداً على سؤال موقفي المردة والكتائب، قال:

• ولا مرّة الاّ وضعنا معايير واحدة،
  ولا قانون بيلغي حدا،
  ونحنا منقول يكفينا فخرا، انو تيار عندو الأكثرية الشعبية، وعم يطالب بالنسبية
  انتا قادر تاخود 5 نواب بكسروان و3 بجبيل، ونواب المتن، بتجي بتقول بدي اعملن عَ النسبية وبتخسر فيون..
• نحنا منآمن بالتنوع،
  منكون بدنا نلغي غيرنا
• فيشي قانون طرحناه منو نسبي؟
  كل القوانين اللي طرحناهم هيي نسبية، ما كان عنّا همّ الاّ يكون الكلّ عم يشاركو،
  هلق بالمشاركة والنسبية، كل واحد بياخود النسبي التي يمثلها

هل يمكن الا يصدر القانون، من خلال التفاصيل العلقانة؟

• بعتقد انو وصلنا لمحل، انّو ما عنا خيار الا نتفّق عَ قانون انتخابي،
  وصرنا بهيدا المحل..
• ما بجوز نوقف القانون كرمال تفاصيل مش مهمي،
  بس في تفاصيل كتير مهمي، هيي بتشكل جزء من القانون
• مش بس نقول نسبية، قانون الـ15 دايرة النا عم نشتغل فيه، وهوي طالع من بكركي من 4 سنين،
  همنا الأساسي، بس لغينا احتمالات،
  التمديد
  والفراغ،
  والستين،
  ليكون امامنا الإنتخاب، وهيدا قانون افضل من الستينخلينا نقول شغلة، عنا مسؤولية تاريخية، ومنعلنو اليوم قدام الناس،
  ومن بعد لقاء سيدنا الراعي،
  كلن اضحكو عليّي، ليه عم تحكي عن قانون انتخاب بسنة 2015، خلّص بيومك؟
  انا بعتبر عم نعمل قانون انتخاب لبعد 2015،
  هيدا القانون كنا منتمنى، تخلص معركة اصلاح التمثيل بالـ2017،
  ولكن يبدو انها ستستمرّ، ونحن سنبقى نقاتل لتحصيل حقوق كل لبناني بالتمثيل الصحيح،
  أنجزنا جزء بالـ2009، جزء بالـ2017، ونُكمل المسيرة

رصد Agoraleaks.com

https://www.youtube.com/watch?v=9M7Ym2SCIPs