مايكل حداد: ألوف المرات “شابقْ عَ وجّي”.. الإعاقة هيي الخوف والنجاح من بعد صعوبات وفشل (التفاصيل -Audio)

– 60 الف خطوة كرمالك يا هالأرزة وكرمالك يا “لبنان – الرسالة”

مقتطف من حديث “مايكل حداد” ضمن برنامج #عا سطوح بيروت:

• كسرنا أوّل عائق من قدامك يا أرزة لبنان،
  من ارزة بشري لأرزة تنورين
• بعد فيشي اسمو إعاقة،
  بعد فيشي اسمو “حرام”
  بعد فيشي اسمو مستحيل!!!
• 60 الف خطوة بجبالك يا لبنان، كرمالك يا هالأرزة، وكرمالك يا “لبنان – الرسالة“

•  انا بعمر 6 سنين، صار معي شلل، بحادث “جيتسكي”،
  عندي 75% شلل، مش شلل نصفي
• بكل حياتي ومسيرتي، قررّت انو بدّي امشي،
  اهم انجاز بحياتي، هوّي لما عملتْ اوّل فشخة..
• كيف بوقف، وكيف قدرتْ نقلت حالي (75 % من جسمي مشلول) من نقطة A لنقطة B
  وهيدا الشي خلّا المجتمع العلمي اتعاون معو حتى نلاقي حل نقدر نمشي عالم عندن ذات المشكلة، وهيدا اهم انجاز عم نشتغل عليه

• عم حاول بكل جهدي فرجي، انو الإنسان بالإيمان والإرادة بيقدر يتخطّى كلشي،
  من شخص ما بيقدر يمشي، لشخص قدر مشي من ارز بشري الى ارز تنورين، مع الجيش اللبناني، وفوج المغاوير،
  وكان بوقتا الجنرال شامل روكز، وحملت الأرزة اللبنانية لأن ما كنت عم امشي لحالي،
  كنت عم امشي لوصّل رسالة
• الإعاقة هيّي “نفسية” تفكير
  المواطنية هيّي الأساس، حملت الأزة كرمال لبنان،
  وبغضّ النظر عن المشاكل الموجودي بلبنان، وبغضّ النظر عن المشاكل اللي أنا عم واجها،
  اليوم واجباتنا بأي شي نعملو، نقدر نوصّل لبنان بلد “رسالة”، وخاصة مواطنيتنا،
  ولازم نتذكّرانو في ناس ماتت ورح تموت كرمال هيدا البلد، وكرمال الهوية اللبنانية
• الحياة والنجاح بتواجهها كتير من المشاكل،
  من بعد مشي من أرز بشري لأرز تنورين، تسلقّت صخرة الروشة مع الجيش اللبناني،
  وصعدنا الى أعلى بلبنان “القرنة السودا”

• الإعاقة المزبوطة هيّي بالمجتمع هيي “التحول المناخي” وعلى هيدا الأساس تعينّت سفير بيئي لدى برنامج الأمم المتحدة الإنمائي
• النشاط تبعي، كرمال:
  1) هويتي اللبنانية
  2) الطبيعة والبيئة

• اللي بعرقلنا، بس نحطّ الخوف تبعنا، هيدي الإعاقة،
  كان كلشي عندي مستحيل، وعيت عَ حالي بتخت ما عم اقدر اتحرّك،
  لاق، اكتشفت انّو بدّي اعمل شي،
  صرت احلم انو يكون عندي نجاح، واكتشفت انّو النجاح ما رح يجي لوحدو، بدّي اشتغل عليه
  والنجاح بيجي ورا صعوبات وفشل، ما بيجي هيك
• صرت اشتغل للنجاح من ورا طريقة تفكير،
  الإيمان موجود بالإنسان ما بنكرو، والعقل، ولكن في صعوبات..
  شبقتي على الأرض.. يا بتستسلمي يا بتكفّي،
  وقتا إنتي تعملي اغلاط كتير وتتجاوزيها، هون رح يصير فيشي بدماغك،
  في  طريقتين: يا الإستسلام يا الإستمرار
• ألوف المرات واقع على الأرض،
  ووقت بقلب، بشبُقْ كلوح الشجرة، لأنو ما بقدر هدّي حالي،
  وكل مرّة كنت اخبط على الأرض، كان عندي اوّل سؤال: هل رح استسلم وضلني على الأرض، أو كفّي لتاني فشخة

• تجربتي المتواضعة، يللي عم اعملو، ما بنافس مع حدا،
  عم اعمل شي، والنتيجة لالو، هوي علمي.. وبوجّه التحية للجامعة اللبنانية – الأميركية، ولكل الأطبا اللي عم يتابعوني
• كنت فكّر متل ما كانت الناس تفكرّ، الاّ بس بلشّت اتمرّن مع فوج المغاوير والجيش،
  هيدا الشي يمكن أكتر شي غيرّلي حياتي
• فيشي اكتر من انو يحطّ “ميدلية”
  في ناس عنجدّ مؤمنين بالبلد، كل انسان في يغيّر، ناخود مثلاً كوريا كيف كانت ووين صارت..
• نحنا دايماً بدنا ننزل ونطلع، الحلو انو نحنا كلبنانيين، وسيما قوة الإغتراب Diaspora،
  عنجدّ فينا نحرّك العالم
• عم حضّر حالي تإمشي 100 كلم بالقطب الشمالي
  
  
  

رصد Agoraleaks.com