علي قدامي وقصة الركض لـ3 ايام متواصلة: كرمال بنتي Saria.. (التفاصيل Audio)

– وصلت لمرحلة جسمي كلو عم يوجعني، وعم اركض، والفضل.. 

مقتطف من حديث “علي قدامي” ضمن برنامج #ع سطوح بيروت:

• مني رياضي من الأساس،
  بلّشت كتير مأخّر، وكان في سبب كتير كبير هوي لَ سمحلي اركض وهيّي بنتي
• خلقتْ كان عندا مشاكلْ،
  والركض ساعد كتير بنتي، اليوم صار عمرا 17 سنة وبتركض
• خلقت معا مرض، وبعدا عندا ياه، وعم تتعالج،
  وكان لازم نعمل شي تنشجعها على اشيا تانية، ونضهر من العلاج اللي كانت ماشية فيه
• اضطريت اركض،
  كونو اهون رياضة بالحياة، (من ناحية الكلفة)
  الركض مافي أهون منو، “شورت” و “تي شيرت”
  حسيّت انو لازم اعمل شي لَ هالبنتْ، بس أخدتني لبعيد..

• صرت اركض مسافات كتير طويلي، اركض:
  – بالقطب الجنوبي (قارة أنتاركتيكا) 250 كلم بالتلج
  – صحرا “اتاكاما” يللي هيّي اعلى صحرا بالعالم، ارتفاعا يراوح 3500 متر فوق البحر
  – سبق 520 كلم باستراليا
  من سنة 2010 وما وقفّت، كل سنة بركض سباقات بالعالم
• ما فيشي بلاقي لازم اركض ما بركضو،
  ما في محل صعب، ومن اصعب السباقات بالعالم بروح بركضو من أجل بنتي “Saria”

جمعية سند (SANAD Hospice Lebanon)

• من بنتي “ساريا” لجميعة “سند” اللي بتهتمّ بأشخاص اللي بعانو من بعد علاج السرطان، أو من أمراض كتير مزمنة.
  جمعية “سند” بتهتم فيون، في حال ما في امل بالمستشفى،
  هني بيهتمو فيون ببيوتن
• انطلاقاً من مشكلة بنتي، صرت امشي ع أساس 3 نقاط:
  1) المحبة. 2) الأمل. 3) الحلم.
  ولقيت انو موجود عند “سند” هودي التلات النقاط

• وأنا بقول لو ما كان في “سند” كنت أنا عملتْ “سند”،
  اليوم انا عم اركض لـ”سند” وسنة الماضية ركضت 48 ساعة دون توقف، وبعد ما خلصت، سألني الصحفي: شو شعورك
  قلتلو: سنة الجايي 3 ايام
• علقنا بالمشروع، وهيدي السنة ركضنا 3 أيام دون توقف

عن التحديات التي تواجهه سيما ان عمر علي 55 سنة؟

• كل الوقت منقول: شو الله جابرني؟
  بس الواحد عندو قضية، بينسى حالو، بينسى أوجاعو
• هودي السباقات، صقلو بنية جسمي،
  ومش بس جسدياً، حتى ذهنياً،
  انا بحط نسبة 70% مئوية للفكر والذهن، وللعضل بعطي نسبة 30%
• بتوصلي لمحل، الجسد موجوع
  إذا بدّك تردي على جسمك، بتوقفي وبتقعدي،
  بدنا ننسى
  

• سنة الماضية كنت عَ آخر 10 ساعات، ما خليت الناس تركض قدامي، ليه؟
  وصلت لمرحلة، جسمي كتير عم يوجعني، عم اتعب وعم اركض، وعم جرّب اطلع من جسمي، وفكّر بشغلات تانية، حتى انسى الأوجاع، بس يقطع حدا قدامي بتذكّر انو عم اركض.. بيرجع الوجع،
  فطلبت من الناس اللي عم يرافقوني، بليز إذا في مجال تبقو ورا، ما بدي شوف حدا قدامي،
  بدّي انسا حالي، هون العقل بياخدنا لبعيد، منفكّر بالناس اللي منحبّن
• ركضت  48 ساعة لسند، أو72 ساعة، كيف اجت؟
  كنت عم اركض بالصحرا باستراليا، مسافة 520 كلم،
  آخر نهار كان عنا 130 كلم لازم نقطعن، بأقل من 30 ساعة،
  وصلت لمرحلة من بعد 20 ساعة ركض، كنت عمّ فكّر باشيا حتى انسي حالي،
  شفت حالي عم اركض، وناس عم تصورني، وعم اركض لجمعية 48 ساعة دون توقف،
  وصلت عَ لبنان وحكيت مع “سند” وقلتلم بدّي اركض

عما يتمناه لإبنته “ساريا”؟

• بتمنّى أنو تصير أقوى منّي، والحياة قدامنا،
  نشالله أنا الحقا، مش هيّي تلحقني

رصد Agoraleaks.com