Agoraleaks Agoraleaks
– في فساد رياضي، وكلّ اللي عم يطلعو ببرنامج “Replay” صارو..
مقتطف من حديث الإعلامي الرياضي ايلي نصار ضمن برنامج #ع_سطوح_بيروت:
- حالة البلد اللي منعيشو بكل واقعنا، والواقع الرياضي ما فينا نفصلو عن الواقع هيدا،
مشاكل، سلبيات، عَ رغم بعض الإضاءات او الشمعة بآخر النفق اللي منشوفا بابطال وبطلات ومواهب لبنانية بترفع الراس - اكيد في إيجابيات بس للأسف السلبيات اكتر بكتير لأسباب كتيري
ورداً على سؤال، انو اللبناني لاحق المحسوبيات الطائفية بعالم الرياضة، يردّ نصّار:
إذا بدّك إحكيكي بهالقد صراحة، بقلك:
- اتحاد الفوتبول محسوب على حركة أمل
- اتحاد “الباسكيت” للقوات اللبنانية
- اتحاد “الكرة الطائرة” للتيار الوطني الحر
هيك البلد، كمان بالنوادي
- العهد تابع لحزب الله،
- الصفا للحزب التقدمي الإشتراكي،
- الرياضي للمستقبل
- النجمة، الأنصار
نكون واقعيين، نحنا عايشين بالبلد، يمكن بكل العالم ما في غير عنا هيدا الإنتماء السياسي قبل للإنتماء للوطن، أو لنادي أو لمنطقة
***
3 من الأبطال اللي عندن مستقبل كتير كبير، وبأكّد أنو في المئات عندن الموهبة والخامة يكونو ابطال عالميين، بدن بس شوية دعم، يعني فريق الرياضي أو الحكمة، بكلّف مليونان ونص $ بالسنة، ماريا بريدي، أو انطوني شويري، أو غابريالا الدويهي، أو راي باسيل، بمليونان ونص $ انا بمضيلي هلق، على الهوا، انو منجيب ميداليات باسم لبنان بتدخلنا بالتاريخ
***
في ناس أصحاء ما بيقدرو وما عندن الإرادة الصلبة اللي عندن ياها الشباب، وما عندن ياها رياضيين
- هلق بعمر 10 سنين، عم يقدرو يحطو حالن بمكان يقولو: أنا لبناني، ونحنا منفتخر فيون، انو هودي لبنانيين
- بنت عمرا 10 سنين، بتروح تربح بطولة غرب آسيا بالتنس،
اول شي بتعملو بترفع علم لبنان
وأكّد ايلي نصار استمراره محاربة الفساد الرياضي، وقال:
- متل ما في فساد بغير أمكنة، بالرياضة في فساد
- كلّ اللي عم يطلعو ببرنامج “Replay” من الرياضيين،
بيحكو صارو نفس الحكي اللي كنا نحكي من 10 أو 15 سنة - هيدا بيعني انو عملنا شوية تغيير،
بس حطينا الـ”تران” عَ السكّة، وما بقا يرجع لورا
رصد Agoraleaks.com
