Agoraleaks Agoraleaks
الجنرال عون تحوّل الى مركب نجاة لخلاص تيار المستقبل من حالة التخبّط.. ونحنا مش زعلانين
مقتطفات من حديث المحلل السياسي لحبيب فياض لقناة الـ”OTV” ضمن برنامج “يوم جديد”:
– لا الجنرال عون بيقبل يوصل على الرئاسة وهوي بحالة توتر وقطيعة ومأزومية مع طرف بمستوى حركة أمل او مع شخصية الرئيس بري
– لا الرئيس بري كمان يللي بيعتبر حالو امّ الصبي وإذا وصلت الأمورللحظة بتستدعي من الرئيس بري إنو وحتى لو بدّو يتنازل ويذهب الى الملاقات الى منتصف الطريق، الرئيس بري ما بيقدر يتحمّل مسؤولية عدم انضاج الإستحقاق الرئاسي كما يجب تحت عنوان إنو هوي زعلان، أو عندو ملاحضات على الإعلان اللي تمّ، أو أنو هوي عندو مطلب ما قدر يحققو
– هناك قرار مركزي بين امل وحزب الله لا يمكن العودة عنه.. ما ممكن يمكن يختلفو ويتصارعو
– حزب الله من جهة بدو يبقى حليفو الجنرال عون مرشحاً يصل الى رئاسة الجمهورية، ومن جهة تانية، هيدي المبررات الموجودي عند بري يريد أن يحوّل هذه التحفظات الى عملية تفاهمية بين التيار وامل
– حزب الله على قدّ ما هوي حريص على وحدة الطائفة الشيعية، هوي حريص كمان على التحالف الوطني يللي بيربطو مع أكبر تكتّل مسيحي المتمثل بالجنرال عون
– يمكن يكون في عندي ملاحظات على حركة أمل، وقد نختلف بكتير من المطارح، بس لازم كل اللبنانيين يعترفو انو بري هو رجل المهمات الصعبي، محسوب ع 8 آذار بس هوي الوحيد من 8 آذار أو 14 آذار، هوي منحاز بس بنفس الوقت محايد.
– يللي كان يعمل مبادرات لطاولة حوار، هوي الرئيس بري ووقت يبقى يكون في طرفين بيختلفو مع بعض، كان يجي الرئيس بري يصالحهم.
– إذا ذهبنا الى انتخاب رئيس للجمهورية من دون التفاهم مع حركة أمل والرئيس بري، هذا الأمر سوف يفضي بنا مجدداً أيضاً الى أزمة ولكن من نوع آخر، لذلك متل ما نحلّت أزمة الرئاسة ضمن ظروف معينة، يجب أن نمنع تكرار هذه الظروف على مستوى رئاسة مجلس النواب، وحتى لو كان الرئيس بري جدّي بالذهاب الى المعارضة، الاّ أنه سيشارك في الانتخابات النيابية، وسيكون له كتلة نيابية، وهوي مع حزب الله ما رح يقدرو يجيبو رئيس للجمهورية رئيس للمجلس من الناحية العددية، بس على خلفية ميثاقية يمنعو الآخرين إنو يجيبو حدا رئيس للمجلس غير الرئيس بري، وبالتالي نحن سنكون أمام أزمة وطنية أخرى من نوع آخر.. لهذا السبب حزب الله مش رح يسكت ويقعد عَ جنب، ورح يبذل كل جهدو لتدوير الزوايا بين الجانبين
– الجنرال عون تحوّل الى مركب نجاة يمكن أن يؤدي الى خلاص تيار المستقبل من الحالة التي تتخبّط به، ونحنا مش زعلانين
– الوضع في لبنان وصل لمطرح لا يوصف، صرنا مش فاسدين، صرنا نموذج للفساد،
– الناس تعوّل على التيار والجنرال عون لمحاربة الفساد
