الفرزلي: بس تحكي بالحقوق Oh طائفية، “Tabou” لمنعنا.. ليكي الإصابة بوجّي، ما قاتلت لَ كون مستتبع (Audio)

– لمن يفهم بالإشارة، تعاونو وما تعادو موازين القوى السياسية الجديدي (التفاصيل)
– صبراً يا أخوة، وقفو تكاذب.. (التفاصيل)
– عن مؤتمر سان ريمو وتمسك الموارنة بالنسبية، ورفضهم ضمّ وادي النصارى (التفاصيل)
– عن انتخابات البقاع 1996، واكرم شهيب (التفاصيل)

مقتطف من حديث رئيس مجلس النواب السابق ايلي الفرزلي لقناة “الجديد”:

• الواقع الديمغرافي والسكاني، والسياسي، والإجتماعي بالبلد، يفرض ان تكون النسبية هي المدخل لتأمين تمثيل شرائح المجتمع اللبناني،
  الخلاف على النسبية التي تمنع أن تتحوّل مع الوقت الى أكثرية،
  النسبية ما بتبقى، إذا أصيبت بانتكاسة في التنفيذ،
  لازم نتفق مع بعض النخب، وصفولي المجتمع اللبناني شو؟
  الدستور اللبناني شو؟ حدا بيحكيلك بالمواطنة،  التاني بيحكيلك بالطوائف، التالت بيحكيلك بالكيانات المذهبية
  ما منقدر تقنع البعض بتوصيف الواقع خارج إطار الواقع

مؤتمر “سان ريمو”

• في شغلة لفت النظر اليها دولة الرئيس الحسيني: عن مؤتمر “سان ريمو”،
  وقت راحو الموارنة للمطالبة بدولة لبنان الكبير، بحدودو الحالية،
  الفرنساويي كانوا عم يطبقهم روحوا عَ دويلات الطوائف،
  شو بدكم، ليكو سورية 4 دويلات.. ما قبلو، بدّن هذه الدولة بحدودا الحالية،
  ويُقال انّو ما قبلو انضمام “وادي النصارى” لأنو فيا ارثوذكس، قبلو بالجنوب اللي فيه شيعة
  بسان ريمو طالب الموارنة بتطبيق النسبية، نريد نظام تمثيلي بجبل لبنان، لأنو يجب أن تتمثل الأقليات تمثيلاً صحيحاً.
  كان الموارنة هني الأكثرية الساحقة عددياً، ولكن طالما المجتمع طوائفي، مين برشّح الناس بالوائح النسبية،
  هل الأكثريات ترشّح ممثلي الأقليات؟
• لنفترض ببيئة معينة 70% ارثوذكس، و30% موارنة، مين برشّح نواب الموارنة؟
  هذه الـ70% قادرة انّو ترشّح نواب ما أنزل بهم من سلطان، ويفرضوهم على الموارنة،  صح أو لاق؟
  صح.. فاذن شو عملنا بالنسبية؟ قتلناها،
  فصبراً ومهلاً يا أخوة، خدوها عَ الرواق، السيّد المسيح بقول: لا تدينوا حتى لا تُدانوا.
  أنا مني طالع عَ التلفزيون حتى اعمل أستاذ بمسألة توزيع الإتهامات والإدانات…
  أنا عم وصّف الواقع، وعلى اللبيب ان يفهم،
  في قوى سياسية كانت مستفيدة منذ عام 1989 واتفاق الطائف، وبالتالي معتبرين المسيحيي “تفليسة”،
  وزعّت ذممها النيابية والوزارية والإدارية على مختلف الكيانات، وبدن يستمرو بهالوضع..
  
• مددو لنفسن مرتين، كل مرة 17 شهر تقريباً، ما ناقشو قانون انتخاب،
  المناقشات كانت شكلية.. وأمر واقع يللا منروح عّ الستين
  بعض الأطراف تظنّ إذا رحنا عَ الستين، منكون دكينا عهد ميشال عون دكاً مبيناً،
  بس رفض، تأملو بالذهاب اكتر الى مرحلة اسما التمديد، كمان صيغة التمديد دون سقف وبالطريقة اللي كانت رايحا، هو أيضا أمر يُلحق ضرر، كمان فشلت
• بقي هدف واحد: انتاج قانون أو تطبيق مادة 25 من الدستور،
  تدعو الحكومة الهيئات الانتخابية للإنتخاب وفقاً بالقانون المعمول به والساري المفعول
• استهداف بعض القوى السياسية، مع عدم انتاج قانون انتخاب، ما بقا يلحق العماد عون رئيس البلاد ضرر،
  من هو معنيّ، يرجعو يفهموني تمام، ما يعيشو أوهام،
  أصبحت واضحة للرأي العام، لذلك بالعكس ستحدث ردّة فعل فحذاري..
  أنا رأيي الشخصي في وقت من هلق ل 20 حزيران، وبآخر أيار بتنتهي مدّة العقد العادي للمجلس،
  انا مع فتح دورة استثنائية لإستكمال البحث وإنتاج قانون، والاّ بتموز برأيي في انتخابات
• العماد عون ما رح يضعف، سيزداد عناداً من قبل شعبيته في تأييده، وتأييد تياره،
  تموز كلام مش موعد
  

البقاع بانتخابات 1996

• يجب عدم اهمال كيفية عدم تحويل النسبية لنظام أكثري، وساعتها سيقوم الردّة عليه،
  متل ما صار سنة 1996، التجربة لازم الشعب اللبناني يعرفها،
  انا من اللي قاتلو سنة 1996، حتى يكون البقاع دائرة واحدة،
  كنا ظانين بنيّة سليمة انو الذهاب الى الدائرة الواسعة تطرح الخطاب الوطني، تمنع الخطاب الطائفي والمذهبي،
  بتمنع انو تكون شغلتك معقبّة معاملات كنايب، لممارسات معينة حتى احياناً ضدّ القانون، لإخلاء سبيل متهّم بجرم..
• اللي دكّ البقاع دائرة واحدي، لأنو عَ كعبا أصبح البقاع، 3 أقسام،
  1) كيان مذهبي شيعي
  2) كيان مذهبي مسيحي
  3) كيان مذهبي سنّي
  طلعت صرخة الدروز.. اجا لعندي اكرم شهيب، يقلي، نسبة الدروز كذا، وفعاليتن كانت 14% وسقطت ل 7-6%،
  رجاء بركي منخرج من البقاع دائرة انتخابية وحدي،
  وقتا حسيّت في طائفية، أنا ارتديّت عليه، وفصلت البقاع الغربي عن زحلة بالـ2000

يُسأل الفرزلي، ولكن مطالبة المسيحيين بحقوقن، يُثار بوجههم “تعو نرجع نعدّ” المسيحيي 36%.. يجيب:

• يللا عدّوا،
  باسم المسيحيين شرفو عدّو، وقولي ما بدّي طائف، وعملي قانون جديد،
  مع مين عم يشتغلو هنّي، يروقو بالن علينا،
  ليش، إذا قلتي في حقوق مستباحة، بتكوني عم تحكي طائفية!
  ولو اناشريكك بالوطن، كيف بتقبل تستبيحني خلافاً لنص الدستور، القصة منا حقوق طائفة، أصبحت حقوق وطنية،
  الك حق تقلي، هيدا طرح طائفي، عندما اصبح اتحدث عن حقوق طائفة فوق السقف الدستوري

وجودنا وجود حرّ

• ما حدن يهدّد حدا، وما حدا يعتدي على حدا، نحنا مع العيش المشترك،
  مع إيجاد حل لهه الصيغة لحتى تبقا وتدوم،
  ليكي بالمنطقة شو عم يصير، مقاطعات أربعة بسورية تحت عنوان مناطق نفوذ
• إدارة ضهرك للمشكل يؤدي الى تفاقم المشكل، اياكم ان نتكاذب مجدداً،
  بس تحكي بحقوقك، oh هيدي طائفية، بتخلقي “Tabou” بتمنعيني انو احكي بالموضوع، لاق، ليكي وجّي،
  هيدا كان ضدّ النظام المارونية السياسية، ما كان ضدّ مين من كان أبداً،
  بس انا ما قتلت المارونية السياسية لإستبدلها بنوع آخر من السياسيات يللي بتستتبعني، وتحولني لحالة مستتبعة ومستولدة بكنفا
• الرأي العام عم يتابع، والرأي العام متعاطف مع فكرة الغاء الستين، رئيس الجمهورية مش دكتاتور، في صلاحيات،
  بس وقف فخامة الرئيس بمجلس الوزرا، وقلن: أنا إذا بدّي أُخيّر بين الفراغ أوالستين او التمديد، بفضّل الفراغ، قامت الدنيا وما قعدت..
  وقتا فسرا الرئيس بري، قال هيدا حثّ لإنتاج قانون
• رئيس الجمهورية رأس كل السلطات، إذا سلطة مش موجودي، أسقط التمديد،
  بعدو الشغل عم يتمّ لإنتاج قانون،
  في حال لم يُنتج قانون، بياخود البلد للفراغ، كل همو يترجم قسمو الدستوري الى واقع،
  
• إستناداً الى موازين القوى الجديدة، التي سينتجها المجلس، سيُعمل أكيداً وحثيثاً، وفي نفس نضالي لإنتاج قانون انتخابي جديد،
  بنصح القوى السياسية القائمة، ما تراهن انّو سيُدك عهد ميشال عون..
  رئيس الجمهورية قال بدّو يطبق المادة 25 من الدستور.. دعوة الهيئات الانتخابية للإنتخب، سيُنتج موازين قوى جديدي ستنشأ..
  هيدا مسار… سيعمل جاهداً لإنتاج قانون انتخابي جديد،
  الرئيس إذا قدر يخلّي نص المجلس يستقيل، وليفهم الكبير والصغير
• أنا لا املك معلومات، ولكن يجب انشاء مجلس فيه موالاة ومعارضة،
  يجب الاّ يُخطئ أحد باستوطاء حيط ارادتو (لأنو ما حدا عندو فكرة استيطاء رئيس الجمهورية)
  قصدي النَفَسْ والأهداف التي تتعلق بنقل البلاد من الحالة اللادستورية الى الحالة الدستورية
• المدخل الرئيسي لمحاربة الفساد، قانون انتخاب يُنتج معارضة وموالاة،
• التطورات اللي أنتجت العماد عون رئيساً للجمهورية، هي التاطورات نفسا التي تريد انتاج قانون انتخاب،
  ليش اجا ميشال عون برضى الطبقة السياسية؟

يسأل: بشو إجا، يقول الفرزلي:

• إجا بحكم إدارة المعركة بصورة سليمة، والإرادة الشعبية ضلّت واقفي حدّو.
• لا شكّ انو حزب الله اخلص بهذا التحالف، بس بدّي اسأل، لو من شعبية الجنرال عون ضلت واقفي معو، كان استطاع حزب الله ان يستمر بهذا التحالف؟
• بخصوص تيار المستقبل، كنّا شايفين مسبقاً أنه سيأتي الوقت الذي سيذهب فيه الى الإتفاق،
  ومبارح بحديث لروتانا الخليجية، قال الحريري رداً على سؤال شو ندمان:
  قلها ندمت لأني أنا من سنة 2009 ما مشيتْ مع ميشال عون.
• القراءة السياسية تفرض علينا الخروج بخلاصات استراتيجية حقيقية،
  شخص متلي مواطن مسكين، وقف سنة 2010، وقت طلعو الحريري وجابو الرئيس ميقاتي،
  وقفت وقلت: لا لدولة الرئيس ميقاتي، أنا اتمسك بدولة الرئيس الحريري، ليش؟
  هيدي عملتا، لنو كان بدو يعطيني الخيارات؟ بدّو يتصدّق عليّي بشو؟
  عملتا انو رأيت، في مكوّن اسمو السنة، بيرتاح لوجود هذا الرجل
  في مكون شيعي بيرتاح لوجود الرئيس بري
  في مكون مسيحي، (انا عم ضمن معركتا) مع مجيء العماد عون رئيساً للجمهورية
  هيدي قوانين اللعبة في لبنان

رصد Agoraleaks.com