موظفو مستشفى كسروان للوزير حاصباني: ليه المعاشات وقفتْ فجأة.. نحنا مش محل “سمانة:! (Audio)

– اندريه القزيلي + عماد الهاشم + آني عرجي: ردّ علينا يا وزير حاصباني !! (تقرير غريس مخايل)

لا يزال مستشفى كسروان الفتوح الحكومي – البوار، يستقبل مرضاه يومياً، ويُقدّم واجباته الإنسانية في المنطقة، بالرغم من وضعه الحرج، فالمستشفى المصرّ على اسعاف المرضى، أصبح بحاجة الى عناية فائقة نتيجة إدخاله في الزواريب السياسية.

يقول أحد موظفي مستشفى كسروان – الفتوح (البوار)عماد الهاشم:

• هيدي المستشفى، فيها من جميع الطوائف،
  لا قبض، ولا ليرة. ولا شي ابداً..
• نحنا مكربجين، نحنا عَ انهيار
  نحنا موظفين، بدنا معاشاتنا، ولا موظف الاّ ما عليه دين بالبنك، مش قادر يوفي، البنك شو بدّو يحجزلو؟
  بيحجلو بيتو كرمال 300- 400 ل.ل.

بعد قرار إعادة تفعيله والإتيان بلجنة مؤقتة، برئاسة الدكتور اندريه القزيلي، لترتيب بيته اموره الداخلية، اصطدمت بالمناكفات السياسية.

يقول رئيس اللجنة المؤقتة في مستشفى البوار الدكتور اندريه القزيلي:

• المصاري موجودي بمصرف لبنان،
  بس نحنا كيف بدنا ندفع للموظفين، بأوّل 3 اشهر من سنة 2017، نحنا شاغلين 280 مليون ليرة زيادة عن اول 6 اشهر 2016.
• مطلعين ربح بالمستشفى،
  أوّل مرّة بيطلع ربح بالمستشفى
• طلع وقف تنفيذي بمجلس شورى الدولة، ما بلغونا
  رحنا اتفقنا على آلية كيف بدنا ندفع معاشات الموظفين.. ومشية هيدي الآلية على شهرين،
  ليه بدها تتوقف فجأة؟

النزاع غطاؤه قضائي، لكن باطنه سياسي، يقول اندريه القزيلي:

• تواصلنا مع وزارة الصحة، هيدي رابع مراسلة، من عدا الحكي اللي صار مباشرة، وما عنا جواب
• وكل المراسلات موثقة، مننزل ومنحطّ مراسلة، ومناخود رقم فيا،
  برأيي اكيد في مناكفات سياسية، نحنا عم ندفع قسم من الثمن،
  وهيئتو ثمن كبير
• ما فيشي مبرّر، هيك فجأة كل الحلول اللي كانت مطروحة، وقفتْ، وصار في نوع من تضييق خناق،
  ما بيتفسّر انّو ما معكم مصاري، حتى ما ندفعلكم،
  في مصاري بمصرف لبنان،
  والآلية، مش انو نحنا عم نتصرف فيا، الوزير عم يتصرّف فيا،
  وبعدان هيدي مستشفى، مش دكانة سمانة

في يوم الممرض العالمي، الذي يُحتفل به في 12 أيار، موظفون في مستشفى البوار يؤدون وظيفتهم ورسالتهم الإنسانية، وهم على شفير الهاوية، تقول الممرضة آني عرجة:

• ما فيهم يتركونا بهيدي الحالة 20 عيلة مش عارفين شو مصيرنا،
  بعد شوي، رح يقولولنا المستشفى سكرّت وفلّو
• نحنا ما رح نفلّ، نحنا تعبنا بهيدي المؤسسة،
  نحنا اسسنا.. وما مننسى انّو مديرنا انسان كتير آدمي، بدنا نكفّي نحنا واياه، بس مش هيك بيتركونا
• انا عم ناديه لوزير الصحة، ليش وقفتْ المعاشات،
  مش هيدي مؤسسة تابعة للدولة وللوزارة، يردّو علينا

قرار النهوض بمستشفى كسروان الفتوح الحكومي، بقي حبراً على ورق، بالرغم من الجهد الذي يُبذل داخله، تًطرح علامات استفهام عدّة حول لامبالاة وزارة الصحة، التي لا تحرّك ساكناً لإنقاذه من الإقفال.

المصدر: OTV
رصد Agoraleaks.com