ايلي الفرزلي: خافو الله.. مات ميشال عفلق مؤسس حزب البعث بالعراق، ما فينا الاّ نعلن الاّ انو أشهر اسلامو! (Audio)

– بيانات صباحية باسم مسيحيين بيقروها عشية، وشو عم يحاول يقول ادمون صعب استاذي..!!

مقتطف من حديث نائب رئيس مجلس النواب السابق ايلي الفرزلي لقناة “المنار”:

• واحد بيجي يقلك، “المواطنة”
  المواطنة غير موجودي بالولادة، بالزواج، بالأحوال الشخصية، بالموت وبالأرث.. حتى بالترشيح والذهاب الى صندوقة الإقتراع.
• نايب كسروان اليوم صرلن 70 سنة، مين بينتخبن؟ مش موارنة كسروان
  نايب النبطية مين بينتخبو؟ نايب الضنية مين بينتخبو؟
• اجت سنة 1989 اعتبرو المكوّن المسيحي تفليسة،
  يجب ان توزّع هذه التفليسة على الدائنين، وبلشو يوزعو ذممن النيابية والوزارية،
  هذه هي الحقيقة المطلقة، وهذه واقعة مادية،
  حدن يقلي لاق، انا بتراجع
  القصة بعرفا، وما حدا في يقلي لاق، لديّ الكثير لأتحدث عنه في السرّ والعلن في هذا الموضوع
• اجو يقولو هلق 25 سنة توزيع ذمم نيابية ووزارية، آن الأوان لإستعادة الحقوق واعطائها لأصحابها تحت سقف الدستور
• جينا نفاوضن، شو هيدي،
  طالعلك 34 نايب، بدك ترجع ل 64 نائب!!!
  لاق ممنوع. مش مسموحة، انا بدي 7 ، وهيداك بدو 6 نواب، وهوي بدو 5،
  تعا نقعد نجمّع، ونحوّش.
• ما في خلفية تانية، غيرابقاء المسيحيين مستتبعين ومستولدين من كنف الآخرين،
  كاذبٌ ذلك المسيحي اللي بقلك، مش هيك بيعرف، ومش هيك بقول، ومش هيك بيحكي،
  البيانات باسمن بتطلع الصبح، بيقروها هنّي ونايمين، ما بيعرفو مين طلعها.
  بيعرفو إنو المكتب الإعلامي تبع رئيس كتلتن طلعا

رداً على سؤال الرسالة المفتوحة من الإعلامي ادمون صعب للرئيس عون، في صحيفة “الأخبار“: لقد أهدرنا كثير الوقت، وكفى مناورات، وكفى بيع المسيحيين أوهاماً بأن في الإمكان وضع قانون انتخابي يمكّن المسيحيين من انتخاب نوابهم 64 بأصواتهم.، يقول الفرزلي:

• سمعت كلام السيّد نصرالله، هو اكّد ان الثنائية الشيعية ما زالان يؤيدان القانون الأرثوذكسي،
  كلام السيّد ردّ على المخطّط الذي يهدف الى زرع الفتنة بين المكونين

وعن قول صعب، ان المسيحيين يتناقصون بسرعة قياسية، يردّ الفرزلي:

• شو عم يحاول يقول استاذي ادمون صعب،
  كنت ولد، وهوي كان مدير المكتبة الأمركانية بزحلة،
  كنت فوت لعندو على المكتبة ويرعاني كولد
• شو عم يحاول يقول: انو عدد المسيحيين عم ينقص،
  الطائف فلسفتو كلها وقف العدّ،
  والاّ تعو عيدو النظر

عن كلام الوزير رشيد درباس، “ان المفاخرة بالتمسك بالمستحيل، يجعل من الممكن هزيمة”، يقول الفرزلي:

• يقلي شو هوّي المستحيل؟
  يحددلي شو هوي المستحيل؟
• هل يحق للطرف الأخر إنّ الإستمرار بالإستتباع وممنوع ان تقول الغاء الشراكة
• أيا هاوية هيدي، ليس من تحتي تحت،
  كلنا لازم نكون أم الصبي.. ومنكون ام الصبي عبر الإعتراف بخصوصيات بعضنا بعض،
  كلام السيّد هوي الإستراتيجي، والكلام الباقي كلّو تكتي وارضاء لشعبيات

الخصوصيات

• وقف وليد جنبلاط قدام القصر الجمهوري، وصاح بأعلى صوتو،
  عندما طرح لبنان دائرة واحدة على أساس النسبية،
  قال حرفياً: أنا عندي خصوصيتي، أرجو احتراما، ولا اريد ان أذوب بالمساحات الكبرى
  أنا رددّت ورا وقلت: إن كلامك صح، ونحن نؤيدك فيه
• وقفت الطائفة السنية الكريمة، وقت أخرج سعد الحريري من رئاسة الحكومة،
  كُلّف الرئيس ميقاتي (أنا طبعاً كنت ضدّ تكليفه في ذلك الحين) كوني كنت هذه الخطوة 100%
  ما نزل عَ رئاسة مجلس الوزراء الاً ما راح الى دار الإفتاء،
  واجتمع وفي بيان: إن للطائفة السنية خصوصيتها
  على راسنا، وهيدا كلام جميل، وانا أردّد وراه
• طلعو الشيعة من الحكومة سنة 2006، فقدت الحكومة ميثاقيتها،
  المادة 95 من الدستور واضحة، وللطائفة الشيعية خصوصيتها،
  وهذا حق، وأيدّنا هذا الحق

• اللي عم يتصرّف عَ أساس الإستتباع، كل فعل الو ردّة فعل مساوي له بالقوة مضاد له في الإتجاه،
  عم يقلو هذا التصرف ما بيبني بلد ولا بيبني شراكة،
  إذا قلو هيك بكون عم يرتكب جريمة
• اثناء الوجود السوري، لم تكن المشكلة مع سورية،
  المشكلة بالعمق، كانت ميثاقية، وبعد 2005، المشكلة هيي ميثاقية، وستستمرّ حتى قيامة الساعة
• من أيام نبوخذنصّر (حمورابي) يعني 2070 ق.م. ايمتى الدولة المدنية انتصرت على الدولة الدينية؟
  هذا الشرق؟
  هذا العراق.. بموت ميشال عفلق مؤسس الحزب.. ما فينا الاّ نعلن الاّ انو أشهر اسلامو!!!
  لاه يا زلمي؟؟ خافو الله
  خود سورية.. هيدا هوي قدرك، وهيدا هوي الشرق

عن الهجرة قال الفرزلي:

• عم يفلو…

ولكن هذا ما يقوله ادمون صعب! يردّ:

• أستاذ ادمون عتلان شغلي وحيدة، شو بدّك، هوّي بيعرف كل اللي قلتلك ياه،
  هوي عتلان هم شغلي وحيدي:
  الا يؤدي تطور هذا الواقع الى خلاف بين المكونين المعنيين
• روحو على الأرثوذكسي بتحلو كل القصة
• البعد الإسلامي الأصيل بتمّ بانك تتعاطى مع الناس اللي متلي، واللي هني كثر، على قاعدة استلحاق واستتباع!

عن قول البعض: انو مش وارد المسيحيين ياخدو 64 نائب، كما يقول اتفاق الطائف، يردّ الفرزلي ممازحاً اعلامي قناة المنار:

• ما بدنا 64 نائب، خدوهن يا سيدي،
  بس ينقال هيك، بتستغرب،
  انو مش وارد!
  شو يعني مش وارد؟
  بالرغم من كل هذا، اقتراح الوزير مروان شربل، بجيب 45-46 نائب مسيحي،
  بربك، بدّي خليك تقسم يمين معظّم، من دون ان تحلف:
  ليك اذا جيت شلحك حاجب بالدولة اللبنانية، بتعمل معركة أو لاق!
  إذا مات حاجب من طائفة أخرى، اتكلّف حاجب من طائفتك بالوكالة، واجا بدّو يتعيّن أصيل…!
  في عندك 18 نايب، شو اجا التأهيلي يعمل؟
  اجا التأهيل ما يقول بدّي الـ18
  اجا يطلعا “مبعجرة”، يمكن يجي ناس عندن 20% تفرضن الأكتريات عبر النسبية، بس انو في اخراج لمسألة التمثيل، مش انو انا فرضت عليك، وسلبطة عليك نوابك، وجبت ناس لا حول لهم، وما الن بمناطقن، أتوا من اللا-مكان، من اللا- زمان، ونصبتن على طوائفن.
• اهم شي النوايا،
  يطلعو من راسن انّ هناك تفليسة اسما تفليسة مسيحية.. هني شركاء بالوطن

مش كل اللبنانيي راحو شاركو وانتخبو العماد عون رئيس، مش إشارة إيجابية!

• معليه،
  خلينا ما نحللها كتير..
• الله يطوّل بعمر اللي صمدْ، واللي وقف واسارع وأؤكد عليه “سماحة السيدّ حسن نصرالله”.

رصد Agoraleaks.com