Agoraleaks Agoraleaks
–
دقيقة “سمط” مع جيسكار لحود عَ إذاعة “صوت المدى”:
- انتشر فيديو على مواقع التواصل الإجتماعي، لولد سوري عايش بلبنان،
وعم يقول شعر بلا مَرْبَى، وكتير مسيء للبنانيي، طبعاً هالشعر ما بمثّل الشعب السوري - المشكلة الفعلية مش بهالولد، اللي تمّ استغلالو من قبل كم حمار، حاقد، غشيم، قلابو اسود معمي،
حفظو شعر ركيك، وصورّوا عم يقولو - المشكلة يا جماعة كيف عم نربّي الولاد!
وعم بحكي تحديداً، عن بعض ولاد السوريين العايشين عنّا بالبلد، ويللي عم ينزرع براسن الكره للشعب اللبناني،
وهالشي عم بلمسو لمس اليد، بالمدارس - مين هالحيوانات، اللي عم يزرعو التفرقة!
بكرّر، مين هالحويانات اللي عم يزرعو التفرقة؟
هلق للتوضيح،
- بس اللبناني، بس ينتقد ولو بقوة كثافة الوجود السوري بلبنان، من ناحية العدد،
ومن ناحية تإثيرو على الإقتصاد، والمشاكل الإجتماعية، اللي عم تخلق،
بكون عم ينتقد مسؤولينو السياسيين الفاشلين، وربما المتآمرين، بس: - مش معناتا انو ناسي الشعب السوري، بكلّ اطيافو خيّ للشعب اللبناني، وهوي الأقرب لالو
- انتا إذا إجا خيّك، وسكنْ عندك ببيتك، أو العكس،
ومكان الموضوع منظّم عَ البكلة، بتقوم قيامتك…
إيه بس ما بتعلّم ولادك الحقد… - وللبناني، اللي عم يعلّم ولادو الحقد عَ السوري، اللوم القاسي بيتوجّهلك
- إذا شي خلونا نعلّم ولادنا الحقيقة.
حقيقة انو وجود الشعب السوري بهالكثافة، وهالشروط اللي نحنا عايشين فيها مصيبة،
ويمكن تأدّي لمصيبة أكبر..
بس بذات الوقت،
كل ولد وشبْ وصبية، وختيار وختيارة سوريين، منحطّن عَ راسنا من فوق عَ الصعيد الإنساني،
ومنحبّن متل ما منحبّ حالنا، والمفروض هنّي ذات الشي.. - هيك بدنا نربّي ولادنا…
وبخصوص الشعر، انا رح حفّظ بناتي، هالبيت الشعر:
يا سوري بلحظة ضيقي، رح بتضلّك صديقي،
منترافق عَ نفس الدرب، وطريقك عَ طريقي… - هيك منربّي الولاد،
والراحة بالصراحة…
رصد Agoraleaks.com
