بالصوت شارل جبور: نمدّ يدنا لحزب الله وعدم وصول الجنرال رئيس ب 31 ت يعني المجهول

بالصوت شارل جبور.. حزب الله يمدّ يده للتغيير ما بقدر ما مدّ ايدي.. (Audio)

المعترضين على الحريري بدن الفوضى، وفرنجية مش ضامن شي، وكلام مصادر بري خطرة..

– الأرقام تشير الى فوز العماد عون في رئاسة الجمهورية

– بدل أن يدعم فريق العماد عون عملية انتخابه، بعد دعمه من قبل سمير جعجع وسعد الحريري، ثبت أن جزءاً من داعميه ضدّه.
– نحن متجهون الى مرحلة جديدة، لهذا السبب البعض يريد عرقلة الوضع بالتخويف الأمني

– الرئيس الحريري يخوض مواجهة حياة أو موت، ووصول العماد عون ب 31 ترشين الأول يشكل عملية إنقاذ للبنان ولوضعيتو السياسية
– لا يمكن الاّ أبرر اطلاقاً موقف داخل المستقبل بيقبل بالنائب فرنجية وبيرفض العماد عون، وما بقدر حطّو الاّ ضمن سياق مصلحة شخصية ذاتية، أو تقاطع مع الرئيس بري على عنوان جوهري إنو هيدا الفريق لا يريد تصحيح الخلل في اتفاق الطائف، ولا يريد عودة المسيحيين الى الشراكة داخل النظام.

– اذا هودي الشباب ما بدن يكون حدّو الحريري بهيدي المعركة بهيدي اللحظة، شو بدّو فيون بعدان، هوي شكّل رافعة لوصولن، ورافعة لحضورن السياسي والنيابي.

– مش مقبول يكون في تيارات ضمن تيار سياسي، وعند كل منعطف سياسي بتاخود قرار مختلف، وهالمرة تصرّف صح الحريري، تشاور مع الكل وقعد مع الجميع وقلن عن خياراتو.

– بتعرفو شو بدن المعترضين على الحريري؟ بدن ينهار وهني يروحو على أنقاضو.. لاق بدّو يلمّ وضعيتو، ويلمّ البلد.

– ما وصلنااليه اليوم من خيارات يعود بالفضل لتمسك السيّد نصرالله بالعماد عون رئيساً للجمهورية،

– نأمل انّو ما يعتبر أي فريق وصول العماد عون إنتصار لأحد. وصول العماد عون يجب أن يكون انتصاراً للبنان. لإتفاق الطائف. ولتجديد المؤسسات.

– العماد عون هو الجسر بين كل اللبنانيين، من أجل يتمكن ان يحكم، ولنروح لمرحلة جديدة في لبنان.

– أكيد انتخاب العماد عون يعني يعني حكومة برئاسة الحريري، ويعني انطلاق العهد، ويعني حزب الله بدأ ساتراتيجية جديدي بشراكات وطنية كبرى

– كخصم للحزب مع وصول الجنرال سأبدل نظرتي باتجاهه، لأنو في فريق سياسي ما بدّو يصحح الوضع والخلل، وإذا حزب الله صحّح هيدا الخلل ما فيّ ما انظر ايجاباً لهيدا الوضع.

بس بالمقابل إذا ما وصل العماد عون ب 31 تشرين، ما فييّ قول إنو ما في يدية لحزب الله بمكان ما، وتَ ما نكون عم نفوت باتهامات مسبقة علينا الإنتظار 31.

– شايف بكلّ الوقائع حزب الله بدّو يجي العماد عون رئيس

– ما حدا بدو يستبعد الرئيس بري، وكلام نصرالله بآخر اطلالة تأكيد لعدم استخدام الأمن في لبنان للخربطة. البعض اعتبرو موجّه لشارع التيار الوطني الحر قبل تظاهرتو، ولكن هوي موجّه للشارع الشيعي وللقوى السياسية المعترضة السنية. إنو انتو معترضين بس خدونا بحلمكم. التزموا باللعبة السياسية.

– من لحظة ترشيح سمير جعجع للعماد عون، بدأنا نشوف وجود خلاف عميق ضمن فريق 8 آذار ضدّ العماد عون.

– تأييد جنبلاط لخيار الحريري بانتخاب العماد عون، يصبح الجنرال عون يحظى بدعم ميثاقي كامل يشمل المسحيين بمعظمهم، كما الشيعة والسنة والدروز، بغضّ النظر عن موقف الرئيس بري وتمثيله الشعبي.

– العماد عون عليه ان يبدد هواجس السنة لا الشيعة، كون التيار حليف حزب الله، وبالتالي ما الداعي لتبديد هواجس بري؟

– موقف النائب فرنجية، يعبّر عن رأي نبيه بري، وحتى الفريق المسقبل المعترض على العماد عون صارو عندو بري، الهدف من هالقصة تخويف العماد عون من جلسة 31، لأنو الهدف الأساسي تأجيلا، واي سبب للتأجيل يعني العماد عون ما رح يوصل رئيس للجمهورية، لأنو هني عارفين كتير منيح، للمبادرة حيوية وانطلاقة وديناميتها تنتهي ب 31 تشرين، وما بتعرفي شو بصير من بعدا.

– النائب فرنجية من كلامو انو هوي ربحان، برواباغاندا للتخويف، مش ضامن شي. العماد عون رايح عجلسة 31 شو ما يكون الوضع في ظلّ أوضاع مترجرجة بكل المنطقة وفي لبنان وما فينا نفوتها عَ حالنا.

– سؤال صرلنا سنتان ونصف ناطرين جلسة رئاسية فعلية، ما عم افهم سفرة الرئيس بري، نحنا رايحين نعمل معاهدة سلام تاريخية استثنائية، فبيقدر يأجلها مش كارثي، وبالعكس في يقرّب جلسة الإنتخاب.

– الجميع يعرف أنّ قوة الرئيس بري ليست في سلاحه ولا شعبيته، بل في امساكه السلطة، قوتو وجودو بالحكومات المتعاقبة

– ما بيقطع موظف من ادنى لأعلى منصب الا ما يكون الرئيس بري مفوتو. فبرأيي سيكون في السلطة لا المعارضة.

– الرئيس بري سعى خلال 3 أيام تخويف الحريري بعنوان إنهو أنا رح كون بالمعارضة، وتحمّلا نتيجة خيارك، إنّك رحت على انتخاب حليف حزب الله، ولذلك شو بدن يقولولك بالخليج والسعوديين، انو انتا قاعد مع ارهابيين مع الحكومة.

– تصوري الرئيس بري ومصادرو عم يقولو للرئيس الحريري انك بدك تكون حليف الإرهابيين في الحكومة. وما رح اترشّح على رئاسة المجلس. فليأتي رئيس للمجلس حزب الله وعندها ستكون حليف الإرهابيين بكل البلد. وشوف شو بدك

اجا حزب الله يقول انا بمدّ أيدي للتغيير، فما فيكي ما تمديلو ايدك.

المصدر: otv، البرنامج “أجندة اليوم”