Agoraleaks Agoraleaks
– سيُقرّ قانون عادل من دون ما نطرحو
مقتطف من حديث رئيس حزب التيار الوطني الحرّ جبران باسيل بعد اجتماع تكتّل التغيير والإصلاح:
عن قانون الإنتخابات
- بالآخر رح نوصل لَ يللي بدنا ياه من دون ما نحنا نطرحو،
لأنو اللي بدنا ياه، فيه:
– منطق،
– حق،
– قانون،
– عدالة،
– مساواة،
– فعالية تمثيل - نحنا عنا بعد ما يكفي من الأفكار، مش رح نقدّما،
لأنو شو رح نقدّم، بسموه “جبران باسيل 3” – باسيل5.. يللا رفضوه - نحنا تأخرنا لإقرار قانون، ولبنان عم يدفع ثمن كتير غالي،
بس نحنا عنا إمكانية نعمل قانون، ل 19 حزيران،
مش معناتا هيك بدنا،
لازم نلزم حالنا نقرّ قانون، واطلقنا حملة العدّ العكسي قبل 15 أيار لإقرار قانون انتخابي، “لاق للتمديد نعم لقانون انتخابي جديد” - ما حدا يحطنا أمام واقع مش صحيح، بمعنى الفرصة اللي عم تروح علينا
مجلس الشيوخ
- معروف مين قدّم مجلس الشيوخ،
اللي قدمو مقدام،
واللي وافق عليه، مؤخراً شجاع، تحديداً الرئيس الحريري - نحنا كان عنا كتير من الشجاعة، ووافقنا عليه بلحظتا عَ طاولة الحوار،
قدمّنا ورقة،
قامت القيامة على الورقة اللي قدمناها،
انو ما بصير نقاش..
كيف بدنا نقرّ قانون، من اهم قوانينا، ومن اهم اصلاح سياسي عم ينعمل، من دون ما نعمل نقاش
موقف التيار من حزب الله
- موقفنا سنة 2006 مع حزب الله،
هيدا موقف مع كل لبنان، وهيدا نحنا مقصرين فيه،
لأنو هنّي قدمو دم، ونحنا قدمنا خبز،
يعني قدمنا أقلّ بكتير من ما هنّي قدّمو، ومن ما لازم نحنا نقدّم،
ومستحيين بهيدا الموقف، انو منو كافي، وطبيعي اننّا نكررو، ونشوف كيف بدنا نحسنو بالمستقبل،
بيطلع هيدا تربيح جميلة!
أو قناعة سياسية منشاركا مع بعضنا برسم مصير واحد لمستقبلنا،
هالقد بتوصل السفالة بالتعاطي، انو مندق بهيك إشيا مقدسّة، بتكويننا الوطني تنحافظ على البلد
رصد Agoraleaks.com
