باسيل من عبرين: تساهل بقانون الإنتخابي مافي شيلوها.. ومشكور الحريري (Audio+Pictures)

– معادلة ما في تمديد يعني في قانون إنتخاب
– عن علاقة التيار مع حزب الله والقوات والمستقبل 

مقتطف من حديث رئيس التيار الوطني الحر جبران باسيل في حفل العشاء السنوي لهيئة عبرين في التيار:

• قضية قانون الإنتخاب، قضية حياة أو موت بالنسبة لالنا،
  ما في يعيش اللبناني بموت سياسي،
  قضية حرياتنا السياسية وحقوقنا السياسية هي اهمّ من أي شي بوطننا،
  نحنا ما منشبه غيرنا بهالقصة، ميشان هيك، ما في حدا يعتقد انو نحنا منتهاون أو منتساهل
• بقانون الإنتخاب تساهل ما في، يشيلو
  فيشي حصل أساسي، بياخدنا ليصير عنا قانون، هوي رفض التمديد
  
• طالما ما في تمديد، معناتا في إنتخاب، المعادلة هينة،
  لما منضلّ ثابتين على موقفنا برفضنا التمديد، اطمنو انو رح يكون في قانون انتخاب
  
• مشكور كل واحد عم يساهم بمنع التمديد،
  وآخرن مشكور مش منّا،مشكور من كل اللبنانيين دولة الرئيس سعد الحريري يللي رفض التمديد
  
• تفاهمنا نحنا وحزب الله قاعدة ثابتة بسياستنا ما بغيّر فيها،
  لا عنوان، ولا جريدة،ولا حلم، ولا وهم.. وهيدا التفاهم مش لنحمي حالنا نحنا وحزب الله،
  باعتقادنا وقناعتنا، منحمي في لبنان وكل اللبنانيين، وهيدا ثابت ما بيتزعزع
• تفاهمنا نحنا والقوات اللبنانية، زيح للماضي انتهى.
  شو منعمل بالإنتخابات، وبالتعيينات.. كل واحد بالآخر بدّو يحافظ على حريتو ،
  وهيدا غنانا الكبير
  
• أوعا نغلط ونفكّر انو نصيرواحد، أو تنيناتنا نختزل كل المسيحيين،
  هيدا مش منيح لإلنا
• نحنا وتيار المستقبل، عم يتعزّز يوم بعد يوم، والموقف الأخير من التمديد عزّزو اكتر وأكتر، لأنو أكدلنا انو بدنا نعمل شراكة ،
  والحق يُقال انو موقفن بقانون الانتخابات كمان عم بعزّز هيدا التفاهم تيتوصل الى قناعة كاملة بالشراكة الكاملة
  
• الحرص على التوافق لا يعني ان يستعمل البعض هذه الحجّة للتمديد، وكلنا امل للعمل لقانون انتخاب يتنفّس من خلاله اللبنانيون الحرية

رصد Agoraleaks.com