Agoraleaks Agoraleaks
– كباية ماي، نصها مليان، بتقولي: نصها فاضي، او نصها مليان؟
مقتطف من حديث رئيس الحكومة سعد الحريري إثر لقائه رئيس الجمهورية العماد عون في بعبدا:
- مع استخدام رئيس الجمهورية صلاحياته، والمادة 58،
اصبح الأولوية لنا إقرار قانون الإنتخاب - انا كرئيس مجلس وزراء أردت أنّو الناس تعرف، انا مع رئيس الجمهورية بهيدا الموضوع
- بموضوع التمديد موقفي واضح وصريح مبارح،
اللي بيدعي لمجلس وزرا انا،
لذلك رح ادعي أسبوع الجايي لجلسة مجلس وزراء،
ويكون في بند قانون الإنتخاب، او بنود اخرى
يسأل الحريري: ب 15 أيار في جلسة، يمكن تكون جلسة تمديد، لماذا موقفكم ما عم يكون صريح من هذه الجلسة، او رح تقاطعو
- انا مني من واجبي فسّر للعالم شو بدّي اعمل،
انا واجبي كون إيجابي مع كل الناس،
وكل الأفرقاء السياسيين بيعرفو شو موقفي فيما يخصّ جلسة 15 الشهر - لذلك انا رأيي البثّ الإيجابي هوي الأساس اليوم،
نحنا ما فايتين بمواجهة مع أي فريق سياسي،
اليوم بدنا نوصل لمعادلة حسن التمثيل لكل الناس،
هون نحنا اللي عم نفتّش عليه - الخلاف على شوية تفاصيل من هون أو هونيك، تفاصيل فينا نوصلها
- في أمور كتير كبيري عم نبحث فيها،
نشالله نوصل لخواتيم
ماذا عن العقوبات المالية على لبنان؟
- في مشروع عم يتحضّر بالكونغرس الأمركاني، ونحنا لازم يكون عنا فريق يعمل على شرح ما نقوم به بخصوص محاربة تبييض الأموال وغيرو
- انا برأيي نحنا قادرين نأثّر بكيف يطلع هالقانون،
حسب ما هوي مطلوب اليوم، ما في شك هوي قانون صعب على لبنان، بس مش معناتا مش قادرين نشتغل مع الحكومة والكونغرس الأمركاني حتى نغيّر فيه
هل لقائك مع بري طيّر التمديد؟
- موقفي بموضوع التمديد واضح وصريح،
موقفي ضاغط على كل الأفرقاء السياسيين، فيما يخصّ هذا الشأن - اللي بهمني انا، مش موضوع التمديد،
بهمني انا قانون انتخاب،
اليوم في كباية ماي، نصها مليان،
بتقولي: نصها فاضي، او نصها مليان،
انا بدي قول نصها مليان - ونشالله حَ نمليها ماي قريباً
رصد Agoraleaks.com
