جيسكار لحود: هيك لازم تعملو بقانون الإنتخابي مع مسيحيي لبنان.. يا ويلكم من غضبنا (Audio)

الحق بقويك

دقيقة “سمط” مع جيسكارلحود على إذاعة “صوت المدى”:

• نحنا وصغار أنا وخيي، كان في ستْ قرابتنا (الله يرحما)
  كانت عَ كل عيد، تجي تزورنا وتعيدنّا، وتعطي خيّي 100 ليرة،
  أيام ما كانت الـ100 ليرة بستوى 100$
• انا كنت شوف هالشي، وأكيد أوّل كذا سنة طنشّت،
  خيّي أكبر منّي بسنة، وعَ كل عيد 100 ليرة،
  وأنا كانت تبوسني مع عبوطة..
  انا تبوسني بلا 100 ليرة، وهوي 100 ليرة بلا ما تبوسو
• مع العمر، مع اني خجول،
  وما بحب احكي بهالمواضيع،
  حسيتا “طخنتْ“، وقلتلا قدام أهلي:
  1) أول شي بيعدي وجبتي عن خدّي، وما بقا تقربي،
  2) تاني شي نحنا شخصان: أنا وخيّي،
  يا عيدينا 100- 100، يا 50- 50،
  ما انا موجود وشايف وساكت، وطفح الكيلْ
• إذا بتمدّي ايدك عَ جزدانك، وما بتتصرفي صح، ايدك بدّي اقطشا،

من وين فاتت فيّي هالقوة وهالحزم بوقتا. ما بعرف، بس

• الحق بقويك
• طبعاً، عالصدمة شالتْ 100 الي بالأول،
  وبعدا 100 الو،
  وقبل ما تفل، شالت 500 ليرة وعطيتني ياهن، كتعويض عَ أغلاطا السابقة

ok

سمعتو الخبرية؟؟

• هيك انتو كلكن، لازم تعملو بقانون الإنتخابي، مع مسيحيي لبنان،
  متلي متلكن،
  بجيب نوابي مع تعويض كمان،
  تعويض عَ يللي نعمل فينا،
  1) بالحرب الأهلية،
  2) وبالطائف،
  3) وبالإدارات،
  في مفعول رجعي، وكمان بدنا بقانون الإنتخابي بدنا السلسلة..
  فاهمين،
  كل كلام بغير هالمنطق.. ما بمثّل المسيحيين،
  بمثّل تعدّي على المسيحيين..
  وكل مسيحي رح يقبل بتحت هالسقف، رح يكون حسابو عسير، ويا ويلكم من غضبنا،
  مش رح اسكت بهالموضوع، ومش حلقة وحدي بالجمعة،
  نشالله 5 حلقات،
  بدي لاحقكم على القبور
• والراحة بالصراحة

رصد Agoraleaks.com