أرسلان يحذّر طالما الكل عم يحكي طائفية: أصوات دروز بعبدا لا قيمة لهم بدائرة أغلبية أصواتا مسيحيين (Audio)

لن أتهاون، أنا عم احكي من خلفية أرقام

مقتطف من المؤتمر الصحفي لرئيس حزب الديمقراطي طلال أرسلان، فيما يتعلق بقانون الإنتخاب وجلسة التمديد:

•  بهالكم يوم الأخيرين، سمعنا البعض قال: انّو نحنا عاشين بِ كنفدرالية طوائف،
  مثل عن الكنفدرالية، جامعة الدول العربية هوي ميثاق كنفدرالي،
  نحنا عم نقارب الأمور بمقاربات مخيفة لمفهومنا الوطني وللكيان وللدستور
• مداخلة الحريري مميزة وجريئة، بقبوله النسبية، وهنيتّو عليا،
  وقال: بس شُرح لإلي تفاصيلا، لقيت واقتنعت انو النسبية هيّي الحل لتطوير نظامنا السياسي
• مش قصة مع التمديد وضدّ التمديد، كلنا ضدّ التمديد،
  بدنا نعترف انو كقوى سياسية فشلنا فشل ذريع بإقرار قانون انتخابي عصري، والكلّ بيحملا

تحذير وأرقام

• انا بحذّر، طالما بعض إخواننا عم يحكو عم يحكو بخلفيات طائفية أو مذهبية،
  بس تنخلص، “الظلم بالسوية عدل بالرعية”،
• تفضلو نروح على القانون النسبي الكامل ضمن دوائر تحفظ حقوق كل الناس
• أحذّر من أي مقاربة تخصّ الجبل، والطائفة الدرزية بالتحديد لإضعافا،
  طلال أرسلان لن يوافق لا بالشكل ولا بالمضمون على أي مشروع أي قانون انتخابي، ودروز بعبدا، ما بقبل نهائياً يتحولو، وعذراً على التشبيه يصيرو متل يهود وادي أبو جميل”
• ما حدن يمزح معنا، ولا حدن يحكينا بهالموضوع.
  انا لما بسمع كلام انو بعبدا والمتن الشمالي، وكسروان وجبيل دائرة، الصوت الدرزي ببعبدا أصبح لا قيمة بالخالص، وعلى الإطلاق
• هيدا أمر انا بالنسبة لالي، لن أتهاون به على الإطلاق،
  لن أساير حدا،
  اللي عندو رأي آخر. انا لا من خلفية ذاتية ولا من خلفية حزبية، أنا عم احكي من خلفية أرقام.
• اللي مستعد يبحث معي الأرقام يتفضل يجبلي ارقامو، تنشوف أين مصلحة الدروز تكمن بالأرقام.
• بطلب من فخامة الرئيس، ومن رئيس الحكومة تطبيقاً لمجلس الوزراء، ان تكون هناك جلسات مفتوحة لمجلس الوزراء للوصول الى حلول جذرية

رصد Agoraleaks.com