Agoraleaks Agoraleaks
– ما قلت شي خارق العادة بخصوص حزب الله، قلت اللي هوي بقولو..
مقتطف من حديث البطريرك الراعي إثر لقائه رئيس الجمهورية العماد ميشال عون في بعبدا:
- هنيّت الرئيس بالسلامة، وشكرتو خاصة انّو عم يرجع للبنان موقعو بالأسرتين العربية والدولية،
وهنيتو بخطابو اللي القاه بالقمة العربية في الأردن - كانت مناسبة (الزيارة) حتى اعزمو على قداس الفصح، متل ما هيي العادة ببكركي
- نحنا منشاطر فخامة الرئيس الهموم الكبيري،
والإهتمامات الأولى، قصة قانون الإنتخابي، يللي مش ممكن ينقبل ولا الرئيس قابلو، ولا نحنا كمواطنين منقبلو،
انو بعد 12 سنة تنوصل على الإستحقاق وما في قانون انتخابي،
هيدا شيء معيب - كلنا منعرف أنّو الرئيس رافض كلياً التمديد ميشان الكرامة الوطنية
- نناشد المجلس النيابي انّو يعمل واجبو، ويوصل لقانون انتخاب عادل وشامل تتمثّل فيه القوى اللبنانية كلها، ويكون للمواطن صوت الو قيمة،
ولا يمكن انو ينقبل بذهنية حدا، منمدّد ومكا منمدّد،
ما بيكفي ترداد الكلّ المقولة المثلثة:
1) لا للفراغ
2) لا للتمديد
3) لا للستين
طيّب تفضلو عطوه قانون جديد - عَ كل حال دايماً اللقاء مع فخامة الرئيس هوي لقاء بيفتح آفاق لقدام، ومنتكّل على العناية الإلهية والإرادة الطيبة حتى نمشي كلنا سوا، بدعمو ودعم الدولة، لأنو عليا استحقاقات كتير كبيري من كل النواحي
- الأمور التقنية حول قانون الإنتخابي، بترجع للنواب والقوى السياسية،
أنا ما طرحت على الرئيس أياه القانون المفضّل عند فخامتك، نحنا منحترم حدودنا،
نحنا منقول والنواب كلن عم يقولو: بدن قانون جديد.. تفضلو عملو قانون.. شو ناطرين، أوّل لجنة نعملت سنة 2005
رداً على سؤال عن موقفه الأخير من حزب الله وتدخله، قال الراعي:
- ما اخدت موقف جديد، ولا قلت شي خارق العدة،
اللي قلتو بقولو حزب الله نفسو - ما فيشي بيننا وبينن، العلاقة عادية، وما قلت الاّ ما يقولونه هم.
في لجنة مشتركة بتجتمع دورياً، وما وصلني شي من حزب الله
رصد Agoraleaks.com
