العميد الياس فرحات: 3 أمور عسكرية هامة.. (Audio)

– 16 مخيم في عرسال و80 ألف نازح سوري بمحيطا
– داعش باتجاه لبنان يمكن.. ولكن باتجاه ايران وروسيا على الأكيد

مقتطف من حديث العميد الياس فرحات لقناة “المنار”:

عن رسالة الرؤسا السابقين (أمين الجميل – نجيب ميقاتي – تمام سلام – فؤاد السنيورة – ميشال سليمان)

• رسالتهم طلعت تافهة، وما حدا اخدلا أهمية،
  لكن فيك تقول: اللي قلن عملو هيدا الشي، عم يقول: في هجوم سيشنّ على عرسال،
  وقد تسقط بيد القاعدة وداعش
• لولا وجود الجيش البطل، والمقاومة البطلة بجرود فليطا، واحباط هجوم كاسح بأعداد كبيرة،
  كنا وصلنا لوضع جديد بلبنان، ووصلو عَ طاولة القمة،
  قالولن شو عم تعملو: صارت المنظمات داعش القاعدة بعرسال!!

هل يريدون القول، أنّ ما قاله الرئيس عون عن حاجة لبنان للمقاومة لا قيمة له، يقول فرحات:

•  المنصوص عنه بالرسالة منصوص عنه على الأرض
• مع الأسف استجابو للسفرا،
  هناك جزء سياسي من عمل التنظيمات الإرهابية على الأرض
• هذه التنظيمات الإرهابية وراها دول، مش انو تنظيمات انو وراها شخص قرأ كم كتاب وصار ارهابي،
  ما حدا بيقرا الاّ بشمال سورية وحدّ إسرائيل!
• بس عمل فخامة الرئيس موقف مع المقاومة،
  مين تصدّالو؟ مش السفرا
  سفيرة الإتحاد الأوروبي؟ وسفيرة الأمم المتحدة والغربيين؟ تصدولو علناً
  انا بضمن انو مش هودي السفرا مش هني عملو هالكتاب هيدا؟
• عنصر الضعف تجاه السفرا لدى الخمس شخصيات، عنصر واضح،
  هني عارفين شوفي؟ أكيد لاق؟ وما بخلوهم يعرفو
• العمل السياسي بغطّي العمل العسكري،
  القاعدة وداعش بجرود عرسال ترعاهم دول

لماذا توجّه حزب الله الى العمق السوري، ولم ننتهي من هذه المجموعات؟

• المقاومة انطلقت من اتجاه الجنوب الى الشمال، لجرود القلمون ووصلت الى مسافة معينّة قبل عرسال
• المقاومة لا تريد أن تدخل الى نطاق عرسال، لأسباب عديدة
• الجيش اللبناني ينتشر حول منطقة عرسال، وفي عندو مخيّم اللاجئين السوريين (16 مخيم)
  وفيهم 80 الف نازح سوري، وهنّي كناية عن عائلات المقاتلين، وجزء منهم،
  وزير الداخلية نهاد المشنوق، قال: عرسال خارج سلطة الدولة
• عندما استشهد المؤهل في قوى الأمن الداخلي، واكبتو القوى الأمنية الى اللبوة، ومن هونيك قالو خدوه على عرسال
• الجيش ناشر 3 الوية بالمنطقة ومستعمل كل امكانياتو لحتى يقدر يدافع عن منطقة عرسال وامتداداتا لجهة رأس بعلبك ولجة الشرق
• المعركة هيي معركة جيش ومقاومة،
  وثبت بمعركة عرسال منذ يومين، أنّه تعاطي تنسيق ودفاع عن لبنان والوطن،
  العماد جوزيف عون كان ردّو قوي، وهوي اجا من هيدي المنطقة وبيعرف مداخلها ومخارجها
• فخامة الرئيس بيعرف لو ما حزب الله تدخل في القلمون شرقاً، وفي غرب حمص، لكان تنظيم القاعدة دخل الى سهل البقاع وسهل عكار كما داعش لسهل نينوى والأنبار
• دخول حزب الله الوقائي حمي لبنان من دخول القاعدة، يمكن العراق بيتحمل دخول القاعدة عَ 3 محافظات،
  لبنان لا يتحمّل ذلك

السياسات الدولية

• في دول ما بدها تنضرب داعش، مثلاً 3 أمور عسكرية تكشف ذلك:
  1) الهجوم على جبل “ثردة” الطيران الأميركي يقصف المنطقة لأكثر من 40 دقيقة،
  يدمّر سرية سورية كاملة، بيقتل منّا شي 80 شخص، وبيجرح البقية، وفور انتهاء القصف تأتي داعش وتحتل المنطقة،
  بالعلم العسكري شو يعني: مساندة جوية أميركية لداعش لكي تحتل جبل “ثردة” وتشرف على مطار دير الزور
  2) ما حصل في “طبقة” من انزال أميركي، والبنتاغون أشار الى تنزيل 150 جندي،
  وقوات سوريا الديمقراطية عبرت من قلعة “جعبر” بالزوارق نهر الفرات، وصارت بالغرب،
  ما لم يقله الناطق الأميركي باسم البنتاغون، أهمّ من ما قاله: لم يقل أنه يوجد داعش.. أين اختفوا؟
  من سنتين كانت القوات السورية في “اثريا” خط سلمانية – اثريا – خناصر – حلب،
  شنّ الجيش السوري هجوم من “اثريا” على “طبقة”: نصف القوة السورية قتلت، لأن داعش قاومت بشكل مستميت.. اين هي داعش، وهي في نفس المنطقة التي انزل فيها الأميركي قواته!!!
  3) معارك الموصل.. ماذا يجري في شمال الموصل؟
  هل يوجد مراسل يمكنه ان يصل الى شمال الموصل؟
  شمال الموصل مفتوح لداعش بالكامل. وممنوع حدا يجيب سيرة المنطقة بالإعلام العالمي كله، وهذا الأمرمتصل بالبارازاني وتركيا؟
  وين عم تروح كل المناورات ونقل الجرحى والإمدادات..
  ويتمّ بناء قاعدة جوية ضخمة توازي “أنجرليك”؟

داعش باتجاه ايران… وروسيا

• القرار باتخاذ ضرب داعش مأخود، ولكن
  من عدة ايام، موقع “دبكا” الإسرائيلي بقول:
  انو بدن يجو عَ طرابلس، وعلى صيدا بلبنان، بشكل افرادي بروحو عَ تركيا وبيجو بباسبورات الى لبنان،
  وبعد 6 أشهر بصير في عنّا مجموعة كبيري بصيدا (مخيم عين الحلوة) وبطرابلس،
  طبعاً موقع “دبكا” الإسرائيلي مش مستند أكيد، ولكن إشارة إنذار،
  لكن
  الشريط بوقت 37 دقيقة لداعش باللغة الفارسية، وبيتوجّه بهالشكل ضدّ ايران، وبدّو يعمل انفجارات بأصفهان، وبمساجد طهران،
  وانو يا سنّة ايران.. وكتبت عنّو “واشنطن بوست”:
  المنيح انو كاتبين عنّو انو لا يوجد استجابة لداعش بين سنّة ايران
  اللهجة الفارسية اللي بالشريط، لهجة “بلوشية”، لذلك الغرب عندو رصيد ضخم، عم يحارب من خلال هيدي المنظمات،
  ما بيتخلّى عنا بهذه السهولة
• بالرقة وبالحسكة وبدير الزور، ما في هونيك عباقرة طلعت هونيك، وعملت منظمات بهالضخامة وبهالقوة.. يسمحولنا فيها،
  مش قصة واحد غلّط بتفسير القرآن، او غلط بالأحاديث، وطلع معو يعمل جيش جرار،
  في سؤالين بينسألو:
  1) عندي على الأقلّ 2000 جيب تويوتا، إجو من اليابان عبر المحيطات، ونزلو بمرفأ بتركيا، ودخلوا العراق وسورية،
  هودي مين شحنهم؟ أيّ بنك حوّل المال؟ هيدا مش إرهاب
  2) بيع النفط لتركيا، في سياسيين بالغرب وصحفيين بقولو انّو داش عم يتمّول من ايراد النفط،
  هيدا النفط مين اشتراه

فكيف هذه العقول الصحراوية كيف أنتجت هذه الدعاية ذات التقنية والجودة العلية؟
ماذا عن تركيا وايران وروسيا؟؟؟

• ما نصدّق انو تركيا صارت حليفة لروسيا،
  أو تركيا مختلفة مع الغرب!
• مقارنة حول وضعية تركيا ومصر
  1) تركيا صار فيها انقلاب ب 15 تموز 2016، وصار في توترات مع الغرب، واتهامات للأميركيين، وبدن “غولن” واتهامات بالنازية،
  ما خلو حدا وما علقو معو باوروبا..
  2) بمصر ما في مشكلة مع حدا، سنة 2016 تحويل 12 مليار $ استثمارات أوروبية بتركيا رغم كل الخلافات،
  مصر ممنوع الإستثمارات، وممنوع السياحة، وتمويل للأخوان المسلمين الجناح العسكري موجود، وضرب للأمن الوطني داخل مصر
• هدف الغرب ضرب الدولة المصرية، ودعم الدولة التركية، رغم كلّ ما يحصل
  اردوغان، ليه بتلاقيه بقول لميركل: انتي وحدي نازية، وما بخاف،
  لأنو بيعرف انّو الدولة العميقة لأوروبا تركيا، فرنسوا فيون بس طلع وقال: كيف الأخوان المسلمين ممنوعين بمصر، بدّي امنعن بفرنسا، طلعّولو ابنك بيشتغل هون، ومرتك بتشتغل هون!!
  المطلوب عدم التقريب على الأخوان المسلمين

روسيا

•  المحيط تبعنا والغلاف اللي منتحرك فيه هوي منطقة الشرق الأوسط،
  ولكن بس يروح الرئيس الروحاني الى موسكو، مش بس بفكّر فينا،
  في عندك مشكلة كبيري أهمّ من مشكلتنا نحنا لروسيا وهيي: آسيا الوسطى
• آسيا الوسطى وتحركات بعض القوى المتشددّة فيها، تُشكّل أكبر خطر على الأمن القومي الروسي، أكتر من سورية،
  خاصة اوزبكستان، لأنو بعد وفاة “اسلام كاريموف” فيشي صاير عندن صراع داخلي بين قبائل “سمرقند” و “طشقند”،
  وفي تحركات كبيرة لجماعات بفكر القاعدة وداعش، وقسم منهم عم يقاتل بسورية (حوالي 3000 شخص)
• أفغانستان ملف روسي – إيراني
  النفط بآسيا الوسطى ملف إيراني – روسي كون الأولى استثمرت بمليارات الدولارات بكازاخستان
  بحر قزوين..
  وقضايا الشرق الأوسط
• أتمنى ان يكون صحيحاً التنسيق الروسي – الإيراني حول كيفية التعامل مع تركيا،
  العلاقة التركية – الإيرانية علاقة منذ 1635 لَ هلق بين الصفويين والعثمانيين، وراحو تنيناتن..
  بعد روح الإتفاقية موجودي بين ايران وتركيا، ما بحاربو بعضن، بفاوضو بعضن، وبتاجرو مع بعض
  في تنظيم خلاف بين ايران وتركيا واضح إذا منراقب الوضع،
  تركيا اليوم تتمادى أحياناً، تراهن على الأميركي وتعرف انو الجغرافية السياسية لتركيا قيمة عالية جداً، تركيا هيي حدود اوروبا مع آسيا (سورية والعراق) حدود أوروبا مع روسيا، حدود أوروبا مع ايران، حدود روسيا مع المياه الدافئة والبحر الأسود..
  وهيدا الأمور بتخلّي اردوغان واقف وعم يعنتر ويحكي، بيعرف انّو الكل بحاجة لإلو بسبب موقعو الإستراتيجي
• الروسي والإيراني إذا قدرو نسقّو سياستن مع تركيا بكون انجاز كبير

رصد Agoraleaks.com