حسن حمادة: عملن صغير، ما نحطا بالسعودية الخمس الرؤسا معن جنسية لبنانية (Audio)

– وحدا العلمانية تحفظ كرامة الدين من تجار الديانات 
– تركيب عقل عربي جديد، لقول: ايران احتلّت فلسطين والقدس
– بعض الكتبة والسياسيين بلا كرامة لأنن مرتهنين بيفتكرو الكل متلن

مقتطف من حديث الكاتب السياسي والصحفي حسن حمادة لقناة “الجديد”:

• إذا عملنا النسبية وقبلنا انو تكون عَ أساس القيد الطائفي،
  منكون حطينا نقطة ضوء بآخر النفق أمام هالأجيال اللبنانية الشابة لتتأمّل ذات يوم انو ممكن ببلدا يصير في دولة، وممكن انو تبقا بأرضا
• ممنوع الخروج عن المعتقل، لذلك بدن يفلو كلّ هالشباب،
  إيجاد أمل لأنو البلد عم يفضى من أجيالو الشابة، في تفريغ للبنان من اللبنانيين

ورداً على سؤال طرح النائب طلال أرسلان للمؤتمر التأسيسي برغبة من حزب الله، لتهديد البعض بوجودهم.. قال حمادة:

• المهابيل بالصحافة بيحكو هيك، لاق سمحيلي،
  نحنا طرحنا المؤتمر التأسيسي ببيصور بذكرى الأولى لإستشهاد الشيخ صالح العريضي
• سيدتي يللي بيحكو هيك، معودين ياخدو ايحاءات بكلّ تحركاتن،
  هني ناس مش أحرار، بيفتكرو انو كل الناس مش أحرار،
  ونحنا منفهم انو يكون منطقنا ما يكون مفهوم، لأنو منطقنا ومنطق طلال أرسلان من خارج قاموس المعتمد بسوق الطائفية،
  لما بكون عندن رغبة بالشتم بحزب الله، بفبركو هيدي الخبرية
• بأي بلد بصير في مأزق دستوري، بصير مؤتمر تأسيسي،
  كما اقترحنا المؤتمر، إنو ما ينحصر على السياسيين
• العبد الفقير علماني من رأسو حتى أخمص قدمي، وبعتبر وحدا العلمانية تحفظ كرامة الدين من تجار الديانات والطوائف والمذاهب
• بسجلات النفوس، مكتوب درزي، أنا مواطن درجة خامسة،
  كيف ممكن تقبلي منّي انسان حرّ، أن أقبل بالتمييز العنصري،
  حتى يكون هيك رأيو، أنّو بدو يكون موحيلو من حزب الله، يسمحولي فيا،
  اللي بيحكو هيك، بكونو ما عندن كرامة، سواء كانو كتّاب، يعني أقلام مرتهنة،
  وإذا كانو سياسيين، لأنو هودي بدن يدافعو عن مصالحن
• طلال ارسلان يفاخر انو درزي موحّد، بس الدين علاقة بينو وبين خالقو، وبمبادئ حزبو، محطوط الدين لله والوطن للجميع

معاقبة أرسلان من غازي كنعان

• لبنان معنّي برفض التوطين، ولكن بدك تدعمي موقفك بقرار من الشرعية الدولية،
  كان في مؤتمر للمغتربين اللبنانيين سنة 1998، بالولايات المتحدة،
  الوزير أرسلان كان وزير المغتربين، حكي عن تطبيق القرار 194،
  قامت الدنيي وما قعدتْ، وغازي كنعان عاقبو بعهد الرئيس اميل لحود يللي هوي صديقو

ازمة النظام

• النظام صار عم يضيق، عم يضيق..
  صار يتسّع فقط ل 3 طوائف: وقد يصبح يتسّع لطائفة واحدة

العرب

• تركيب إنسان عربي بعقل جديد، يتكيّف.
  وخلص أنا عبد رق ويجب ان أكون عبد رق،
  بدّو يصير الإنسان يقول: ايران احتلّت فلسطين، بنت مفاعل نووي بديمونا،
  ايران عملتْ العدوان الثلاثي على مصر 1956، وعم تحوّل مجرى نهر الإردن لتاخدو على طهران،
  ايران عملت الحرب 1967 واحتلّت السيناء والقدس والجولان،
  وايران اجتاحت لبنان سنة 1982، و2006.. هيدا المطلوب

ورداً على سؤال موقف لبنان الواحد في القمة العربية، وارسال مذكرة او رسالة من الجميل وسليمان وميقاتي والسنيورة وسلام للقوطبة على الوفد اللبناني، قال حمادة:

• عمل صغير بحق الوطن لبنان،
  هيدا لأنو عدم التفكير لبنانياً
• لماذا إقحام السعودية بهيك شغلة، بالنهاية الخمسة يحملوا الجنسية اللبنانية،
  ليه بدن يشتغلو هيك شغلة صغيري ضدّ مصلحة الوطن لبنان
• سيادة الدولة والدولة.. ولازم كلمة الدولة تُعلى ولا يُعلى عليها، ليكي شو بيعملو!

رصد Agoraleaks.com